ஜெசி ஓவென்ஸ்

கட்டற்ற கலைக்களஞ்சியமான விக்கிபீடியாவில் இருந்து.

ஜேம்ஸ் கிளீவ்லன்ட் "ஜெசி" ஓவென்ஸ் (James Cleveland "Jesse" Owens, செப்டம்பர் 12, 1913-மார்ச் 31, 1980) ஓர் அமெரிக்க தட கள ஆட்டக்காரர் ஆவார்.

அலபாமாவில் வறுமை நிலையில் வளந்த ஜெசி ஓவென்ஸ் சிறுவராக இருக்கும்பொழுது ஓட ஆரம்பித்தார். 1933இல் தேசிய உயர்பள்ளிப் போட்டிகளில் உலகச் சாதனையுக்கு சமமாக நேரத்தில் 100 யார்ட் விரையோட்டத்தை ஓடியுள்ளார். ஒகையோ மாநிலப் பல்கலைக்கழகத்தை சேர்ந்து 1935இலும் 1936இலும் மொத்தத்தில் எட்டு தனி என்.சி.ஏ.ஏ. (கல்லூரிப் போட்டி) பட்டங்களை வென்றுள்ளார்.

பெர்லின், ஜெர்மனியில் நடந்த 1936 ஒலிம்பிக் விளையாட்டுப் போட்டிகளில் 100 மீ விரையோட்டம், 200 மீ விரையோட்டம், நீளம் பாய்தல், மற்றும் தொடர் ஓட்டம் ஆகிய தடகள போட்டிகளில் தங்கப் பதக்கத்தை வென்று அனைத்துலகில் புகழுக்கு வந்தார். இந்த காலத்தில் ஜெர்மனியின் தலைவர் இட்லரால் பிரபலப்படுத்திய வெள்ள இன மேன்மை நம்பிக்கையை ஜெசி ஓவென்ஸ் வெற்றியால் ஓர் அளவு மறுத்துவிட்டது. ஆனாலும், அமெரிக்காவில் கருப்பின மக்களும் வெள்ளை இன மக்களும் ஒரே விடுதியில் தங்கமுடியாத, ஒரே உணவகத்தில் சாப்பிடமுடியாத காலத்தில் ஜெசி ஓவென்ஸ் ஜெர்மனியில் வெள்ளை இன மக்கள் உடன் தங்கி சாப்பிட்டார்.

இன்று பெர்லின் நகரில் ஜெசி ஓவென்ஸ் பெயர்வைக்கப்பட்டு ஒரு தெரு உள்ளது. 1976இல் குடியரசுத் தலைவரின் சுதந்திர விருது பெற்றார். 1970இல் அலபாமா விளையாட்டுப் புகழவையில் தேர்ந்தெடுக்கப்பட்டார்.