சிறுவாழூண்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
நன்செய் நுண்ணுயிரிகளை முதலில் ஆராய்ந்த,
நோபல் பரிசு பெற்ற, இரசிய அறிஞர்
Élie Metchnikoff

சிறுவாழூண் (probiotic) என்பது நுண்ணுயிர் கலந்த உணவாகும். இதை எடுத்துக்கொள்வதால் உயிர்களுக்கு நன்மை விளையும் எனக் கருதப்படுகிறது. இதற்கான அறிவியல் வரையறைகள் ஐக்கிய நாடுகளின் உணவு மற்றும் வேளாண்மை அமைப்பு, உலக சுகாதார அமைப்பு ஆகியவற்றால் இவ்வாறு குறிப்பிடுகின்றது, “உயிருள்ள நுண்ணுயிரியுணவை தகுந்த அளவில் பேருயிரிகள் எடுத்துக்கொள்ளும் போது, அந்த நுண்ணுயிர்கள், அவற்றை உட்கொள்ளும் உயிருக்கு, உடலின் ஆரோக்கியத்தையும் வேறு பயன்களையும் கொடுக்கும்".

மூத்தமனிதன் காலம் தொட்டு நாம் தயிரைப் பயன்படுத்தி வருகிறோம். இத்தயிரானது உரையூற்றப்பட்ட பாலில் இருந்து கிடைக்கிறது. இவ்வுரை முன்பு பெறப்பட்ட தயிரின் சிறியளவாகும். இதற்குள் லாக்டோபாசில்லசு, பைஃபிடோபாக்டீரியம் மற்றும் ச்ட்ரெப்டோகாக்கசு என பல நுண்ணுயிர்கள் இருக்கின்றன.

இதைப் போன்று இப்போது கடைகளில் யோகர்டு, அமிலப்பால் (Acidophilus milk) என சிறுவாழூண்கள் கிடைக்கின்றன.

வரலாறு[தொகு]

நாம் பல நூற்றாண்டுகளாய் தயிரைப் பயன்படுத்துகின்றோம். இவைகளில் நுண்ணுயிர் இருப்பதை அறிந்திலை. ஆனால் இருபதாம் நூற்றாண்டில் வாழ்ந்த ருசிய அறிவியலறிஞன் எல்லி மெச்சினிகாஃப், நுண்ணுயிர்களின் நற்பண்புகள் என விவரிக்கிறார். உயிர்ப்பகைகளைப் பயன்படுத்தி நோய்களைக் கட்டுப்படுத்தும் முறைக்கு இதை மாற்றாகவும் பயன்படுத்த பல ஆய்வுகள் நடந்த வண்ணமுள்ளன.

பெயர்க்காரணம்[தொகு]

சிறுவாழூண் என்பது சிறிய வாழ்கின்ற உயிர்களை ஊணாக எடுப்பது. விளக்கம்:- சிறு - சிறுமை, நுண்மை; வாழ் - வாழ்ந்துகொண்டிருக்கிற உயிர்; ஊண் - உணவாகும்.

செயல்படுமுறை[தொகு]

சில பாக்டீரியாக்கள், குறிப்பாக லாக்டோபாசில்லசு இரைப்பையை அமிலத்தன்மையாக்கி நோய்க்காரணிகளை அழிக்கிறது. இவையே சில சமயங்களில் அதிதேவையான வைட்டமின்களை (உயிர்ச்சத்து B வகை) உற்பத்தி செய்வதில் பங்கு வகிக்கிறது. இதனால் தான் நாம் உயிர்ப்பகைகளைப் பயன்படுத்தும் போது மருத்துவர்கள் சத்துமாத்திரைகளைப் பரிந்துரைக்கின்றனர்.

சில வேளைகளில் கரைக்க முடியாத உணவுகளை நாம் எடுக்கும்போது இவை அதைச் சிதைக்கும் நொதிகளை உற்பத்தி செய்து அதை செரிக்க இவை உதவுகிறது. உதாரணம், கறையான்கள் தாம் உண்ணும் மரத்தினை செரிக்க நுண்ணுயிரியின் நொதி அவசியமாயுள்ளது. இதை இக்கறையானின் உள்ளுள்ள நுண்ணுயிரியானது நிறைவேற்றுகிறது.

பயன்கள்[தொகு]

  • சிறுவாழூண் வயிறு சம்பந்தப்பட்ட பல உபாதைகளுக்கு நிவாரணியாக திகழ்கிறது.
  • குறிப்பாக பேதி, அழற்சி, பெருங்குடல் புற்று நோய்களுக்கும் நிவாரணமளிக்கிறது.
  • மனிதனுக்கும் விலங்குகளுக்கும் தேவையான நொதியுற்பத்தி, உயிர்ச்சத்து B உற்பத்தி ஆகியவற்றில் உதவுகிறது.
  • இந்நுண்ணியிரிகளால் மனித உடல் பின்வரும் உயிர்சத்துகளை தயாரிக்க முடியும் என ஆய்வுகள் கூறுகின்றன. உயிர்ச்சத்து கே (Vitamin k),[1]இலைக்காடி (folic Acid),[2]உயிர்ச்சத்து பி12 (Vitamin B12).[3]

அறியப்பட்ட நுண்ணுயிர்கள்[தொகு]

லாக்டோபாசில்லசு பல்காரிக்கச், ச்ட்ரெப்டோகாக்கசு லாக்டிசு, லாக்டோபாசில்லசு டெல்புருக்கி, லாக்டோபாசில்லசு அசிடோபிலசு, பைஃபிடொபாக்டீரியம் கேசி, பாசில்லசு கோவாகுலன்சு ஆகியன குறிப்பிடத்தக்க சில[4]

குறிப்புகள்[தொகு]

  1. {Cooke, G., Behan, J., & Costello, M. (2006). Newly identified vitamin K-producing bacteria isolated from the neonatal faecal flora. Microbial Ecology in Health and Disease, 18(3-4), 133–138. doi:10.1080/08910600601048894 }
  2. {Strozzi, G. P., & Mogna, L. (2008). Quantification of folic acid in human feces after administration of Bifidobacterium probiotic strains. Journal of clinical gastroenterology, 42 Suppl 3 Pt 2, S179–184. doi:10.1097/MCG.0b013e31818087d8}
  3. {Molina, V. C., Médici, M., Taranto, M. P., & Font de Valdez, G. (2009). Lactobacillus reuteri CRL 1098 prevents side effects produced by a nutritional vitamin B deficiency. Journal of applied microbiology, 106(2), 467–473. doi:10.1111/j.1365-2672.2008.04014.x}
  4. பின்குறிப்பு: இவை சில இடங்களில் இவைகளே நோய்தொற்றுகளாக் விளங்கியும் உள்ளன. இவைகளை பரிந்துரைக்கும் போது நோயெதிர்ப்பு ஆற்றல் குன்றியவர்களுக்கு மருத்துவரின் ஆலோசனை அவசியம்.

மேற்கோள்கள்[தொகு]

  • Report of a Joint FAO/WHO Expert Consultation on Evaluation of Health and Nutritional Properties of Probiotics in Food Including Powder Milk with Live Lactic Acid Bacteria (October 2001). "Health and Nutritional Properties of Probiotics in Food including Powder Milk with Live Lactic Acid Bacteria". Food and Agriculture Organization of the United Nations, World Health Organization. Retrieved 2009-11-04
  • Hickson M, D'Souza AL, Muthu N, et al. (2007). "Use of probiotic Lactobacillus preparation to prevent diarrhea associated with antibiotics: randomised double blind placebo controlled trial".
  • Mach T (November 2006). "Clinical usefulness of probiotics in inflammatory bowel diseases". Journal of Physiology and Pharmacology : an Official Journal of the Polish Physiological Society 57 Suppl 9: 23–33. PMID 17242485
  • Reid G (February 2001). "Probiotic agents to protect the urogenital tract against infection". Am. J. Clin. Nutr. 73 (2 Suppl): 437S–443S. PMID 11157354
"http://ta.wikipedia.org/w/index.php?title=சிறுவாழூண்&oldid=1467245" இருந்து மீள்விக்கப்பட்டது