சிறீ பிரவரசேனன்
| சிறீ பிரவரசேனன் | |
|---|---|
| அல்கான் ஹூன அரசன் | |
 சிறீநகரின் நிறுவனர் என்று கூறப்படும் பிரவரசேனனின் நாணயம். முதுகுப்புறம்: கீழே அமர்ந்திருக்கும் இரண்டு உருவங்களுடன் நிற்கும் அரசன், பெயர் "பிரவரசேனர்". தலைகீழ்: சிங்கத்தின் மீது அமர்ந்துள்ள தேவி. புராணக்கதை "கிடாரன்". ஏறத்தாழ பொ.ச.6- 7ஆம் நூற்றாண்டின் தொடக்கம்.[1]
  பிரவரசேனனின் பிரதேசத்தின் தோராயமான இடம் | |
| ஆட்சி | 530-590 |
| முன்னிருந்தவர் | மிகிரகுலன் |
| பின்வந்தவர் | கோகர்ணன் |
சிறீபிரவரசேனன் (Sri Pravarasena) (ஆட்சிக் காலம் பொ.ச.530-590), காஷ்மீரின் வரலாற்றைக் கூறும் இராஜதரங்கிணியின் ஆட்சிப் பட்டியல்களின் அடிப்படையில் இரண்டாம் பிரவரசேனன் எனவும் அறியப்படும் இவர்,[2] வடமேற்கு இந்தியாவின் காந்தாரதேசம், காஷ்மீர் ஆகிய பகுதிகளில் 6-ஆம் நூற்றாண்டில் ஆட்சி செய்த அல்கான் ஹூன வம்சத்தின் ஹூன அரசன் ஆவார். இவரது ஆட்சியானது பொ.ச.530-ஆம் ஆண்டிலிருந்து சுமார் 60 ஆண்டுகள் நீடித்தது.[3][4]
கல்கணரின் 12-ஆம் நூற்றாண்டின் உரையான இராஜதரங்கிணியின் படி, இரண்டாம் பிரவரசேனன் என்ற அரசன் பிரவரபுரம் (பிரவரசேன-புரம் என்றும் அழைக்கப்படுகிறது) என்ற புதிய தலைநகரை நிறுவினான். நிலப்பரப்பு விவரங்களின் அடிப்படையில், பிரவரபுரம் நவீன நகரமான சிறீநகரைப் போலவே தோன்றுகிறது. பிரித்தானிய தொல்பொருள் ஆராய்ச்சியாளரான ஆரல் இசுடெயின் இந்த அரசரை 6-ஆம் நூற்றாண்டைச் சேர்ந்தவராகக் குறிப்பிடுகிறார்.[3][5] "பிரவரேசம்" என்ற பெயரில் ஒரு கோவிலையும் கட்டினார்.[3][4]
காஷ்மீர், காந்தாரதேசம் போன்ற பகுதியில் ஆண்டு வந்த அல்கான் ஹூன ஆட்சியாளரான மிகிரகுலனுக்குப் பிறகு பிரவரசேனன் ஆட்சிக்கு வந்ததாகக் கருதப்படுகிறார், மேலும் இவர் தோரமணனின் மகனாக இருக்கலாம்.[3]
பிரவரசேனனுக்குப் பின் சிவ பக்தரான கோகர்ணன் என்ற மன்னன் ஆட்சிக்கு வந்தான். பின்னர் அவனது மகனான நரேந்திராதித்ய கிங்கிலன் ஆட்சிக்கு வந்தான்.[3][4] நரேந்திராதித்யாவின் மகன் யுதிஷ்டிரன், அல்கன் ஹூனர்களில் கடைசியாக அறியப்பட்ட ஆட்சியாளராவான்.[3]
சான்றுகள்[தொகு]
- ↑ Cribb, Joe. "Early Medieval Kashmir Coinage – A New Hoard and An Anomaly" (in en). Numismatic Digest volume 40 (2016). https://www.academia.edu/32663187/Early_Medieval_Kashmir_Coinage_A_New_Hoard_and_An_Anomaly.
- ↑ Friedberg, Arthur L.; Friedberg, Ira S. (2009). Gold Coins of the World: From Ancient Times to the Present : an Illustrated Standard Catalogue with Valuations (in ஆங்கிலம்). Coin & Currency Institute. p. 463. பன்னாட்டுத் தரப்புத்தக எண் 9780871843081.
- ↑ 3.0 3.1 3.2 3.3 3.4 3.5 Dani, Ahmad Hasan; Litvinsky, B. A. (1996). History of Civilizations of Central Asia: The crossroads of civilizations, A.D. 250 to 750 (in ஆங்கிலம்). UNESCO. p. 169. பன்னாட்டுத் தரப்புத்தக எண் 9789231032110.
- ↑ 4.0 4.1 4.2 Kim, Hyun Jin (2015). The Huns (in ஆங்கிலம்). Routledge. p. 58. பன்னாட்டுத் தரப்புத்தக எண் 9781317340911.
- ↑ M. A. Stein (1989). Kalhana's Rajatarangini: a chronicle of the kings of Kasmir. Motilal Banarsidass. pp. 439–441. பன்னாட்டுத் தரப்புத்தக எண் 978-81-208-0370-1.