சிங்களம்

கட்டற்ற கலைக்களஞ்சியமான விக்கிப்பீடியாவில் இருந்து.
(சிங்கள மொழி இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
சிங்களம்
සිංහල (ஸிங்ஹல)
 நாடுகள்: இலங்கை 
பகுதி: வட இலங்கை தவிர்ந்த
 பேசுபவர்கள்: 16 மில்லியன் 
நிலை: 70[1]
மொழிக் குடும்பம்: இந்தோ-ஐரோப்பிய
 இந்தோ-ஈரானிய
  இந்தோ-ஆரிய
   தென் வலயம்
    சிங்களம்-மாலைத்தீவு
     சிங்களம் 
எழுத்து முறை: சிங்கள எழுத்து முறை பிராமி மொழியை தழுவியதாகும். 
அரசு ஏற்பு நிலை
அரசு அலுவல் மொழியாக ஏற்பு: இலங்கை
நெறிப்படுத்தல் மற்றும் செயலாக்கம்: இல்லை
மொழிக் குறியீடுகள்
ஐ.எசு.ஓ 639-1: si
ஐ.எசு.ஓ 639-2: sin
ISO/FDIS 639-3: sin 
சிங்கள் மொழியின் "அ" மற்றும் "ஆ" எழுத்துக்கள்
 
Indic script
இப்பக்கம் இந்திய எழுத்துக்களை கொண்டுள்ளது. சரியான செயலி இல்லாவிட்டால் எழுத்துறுப்புகள் மாறியோ அல்லது குறைவாகவோ காணப்படலாம். மேலும்...

சிங்களம் இலங்கையில் வாழும் பெரும்பான்மையான மக்களான சிங்களவர்களால் பேசப்படும் மொழியாகும். இது இந்தோ-ஐரோப்பிய மொழிக் குடும்பத்தைச் சேர்ந்தது. வங்காள மொழி, பாளி, சமஸ்கிருதம் போன்ற மொழிகளுடன் நெருங்கிய இனத்தொடர்பைக் கொண்டுள்ளது. தென்னிந்தியாவிலும், இலங்கையின் வடகிழக்குப் பகுதிகளிலும் வழங்கிவரும் திராவிட மொழியான தமிழிலிருந்தும் பல சொற்களைச் சிங்களம் பெற்றுக்கொண்டுள்ளது.

சிங்கள எழுத்துக்கள், கிமு 3ம் நூற்றாண்டளவில் இலங்கையில் அறிமுகப்படுத்தப்பட்ட, பண்டைய வட இந்தியப் பிராமி வரிவடிவங்களிலிருந்து வளர்ச்சியடைந்ததாகும்.விளக்கம் தேவைகிமு 6ம் நூற்றாண்டில்விளக்கம் தேவை, பயன்பாட்டிலிருந்த சில எழுத்துக்கள் திராவிட எழுத்து முறைமையிலிருந்து பெறப்பட்ட எழுத்துக்களால் மாற்றீடு செய்யப்பட்டன.

சிங்களம், ஏனைய இந்தோ-ஆரிய மொழிகளில் காணப்படாத சில தனித்துவமான அம்சங்களைக் கொண்டுள்ளது. இது தென்னாசியப் பிரதேசத்தைச் சேர்ந்த திராவிடம், அவுஸ்திரோனீசியன் போன்ற ஏனைய மொழிக்குடும்பங்களின் தாக்கத்தால் உண்டானது. தமிழ் மொழி, சிங்கள மொழியின் அமைப்பிலும், சொற் தொகுதியிலும் பெருமளவு தாக்கத்தை உண்டாக்கியதன் காரணமாகச் சில அறிஞர்கள் சிங்கள மொழி ஒரு திராவிட மொழி விளக்கம் தேவை என்ற கருத்தைக் கொண்டுள்ளனர்.

சிங்களம் ஒரு தொன்மையான மொழி. இதன் வரலாறு கிறிஸ்து சகாப்தத்துக்கு முன்னிருந்தே தொடங்குகிறது. இது பல தொன்மையான இலக்கிய ஆக்கங்களைக் கொண்டுள்ளதுவிளக்கம் தேவை. இவை பொதுவாக வட இந்திய இலக்கியங்களைப் பின்பற்றியே உருவாகின என்பதுடன், பெருமளவு பௌத்த சமயச் செல்வாக்குக்கும் உட்பட்டிருந்தன.

சிங்களம் மாறுபட்ட பேச்சு வழக்குகளை கொண்டிருந்தாலும்,ரொடி குலத்தவராலும், இலங்கையின் வேடுவராலும் பேசப்படும் சிங்களம் மிகவும் வேறுபட்டதாகும். இலங்கை வேடுவரின் மொழியிலுள்ள பல சொற்கள் சிங்களம் தவிர்ந்த மூலத்தை கொண்டுள்ளது. சிங்களமானது தமிழ் மற்றும் ஆங்கில மொழிகளுடன், இலங்கையின் (ஸ்ரீலங்கா) யாப்பினால் அங்கீகரிக்கப்பட்ட மொழியாகும்.

வரலாறு[தொகு]

கி.மு ஐந்தாம் நூற்றாண்டளவில் வட மேல் இந்தியாவில் இருந்து இலங்கையில் இளவரன் விஜயன் உட்பட்டவர்கள் குடியேறுகின்றனர். இவர்களுடன் இந்தோ ஆரிய மொழிகளும் இலங்கைக்கு வந்து சேர்கின்றது விளக்கம் தேவை. அடுத்த சில நூற்றாண்டுகளில் வட கிழக்கு இந்தியாவில் இருந்து கணிசமான அளவில் குடியேற்றவாசிகள் வந்து குடியேறுகின்றனர்(கலிங்கம், மகந்த). இதன் விழைவாக கிழக்கு பிரகிரிட்ஸ்சின் ஆதிக்கத்தையும் சிங்கள மொழிமேல் கொண்டுவருகின்றது.

காலத்துடன் சிங்கள மொழியின் விருத்தி[தொகு]

  • சிங்கள பிரகிரித் (கி.பி 3ம் நூற்றாண்டு வரை)
  • பிரதோ-சிங்களம் (கி.பி 3 - 7ம் நூற்றாண்டு வரை)
  • மத்திய சிங்களம் (கி.பி 7 - 12ம்் நூற்றாண்டு வரை)
  • புதிய சிங்களம் (12ம் நூற்றாண்டு முதல் தற்போது வரை)

பேச்சு வழக்கு[தொகு]

சிங்களத்தில் பொதுவாக இரண்டு வகையான பேச்சு வழக்கு உள்ளது. தென் பகுதியில் உள்ள சிங்களவர் ஒருமாதிரியும், ஏனைய பகுதியில் உள்ள சிங்களவர் வேறுமாதிரியும் பேசுகின்றனர்.

இலங்கையில் உள்ள வேடர் இனமும் வித்தியாசமான மொழி ஒன்றைப் பேசுகின்றனர். இந்த மொழியில் சிங்களத்தின் ஆதிக்கம் இருந்தாலும், வேறெந்த மொழியிலும் இல்லாத பல சொற்கள் இவர்கள் மொழியில் உள்ளது.

சிங்களவர்
பண்பாடு

சிங்கள மொழி
சிங்களவர் சமயம்
சிங்கள இலக்கியம்
சிங்களப் புத்தாண்டு
கண்டி நடனம்
சிங்கள இசை
சிங்கள நாடகம்
சிங்கள ஓவியம்
சிங்களத் திரைப்படத்துறை
சிங்களவர் சமையல்
சிங்களவர் உடை
இலங்கைக் கட்டிடக்கலை
சிற்பம்
விளையாட்டு
சண்டைக் கலை
சிங்களத் தேசியம்

தொகு

பேச்சுச் சிங்களம்[தொகு]

  • எண்கள்
1 எக்காய் - ஒன்று
2 தெக்காய் - இரண்டு
3 துணாய் - மூன்று
4 ஹத்தறாய் - நான்கு
5 பஹாய் - ஐந்து
6 ஹயாய் - ஆறு
7 ஹத்தாய் - ஏழு
8 அட்டாய் - எட்டு
9 நமயாய் - ஒன்பது
10 தஹயாய் - பத்து
11 எக்கொளஹாய் - பதினொன்று
12 தொளஹாய் - பன்னிரண்டு
13 தஹாத்துணாய் - பதின்மூன்று
14 தாஹத்தறாய் - பதினான்கு
15 பஹலுவாய் - பதினைந்து
16 தாசயாய் - பதினாறு
17 தாஹத்தாய் - பதினேழு
18 தாஅட்டாய் - பதினெட்டு
19 தாநமயாய் - பத்தொன்பது
20 விஸ்ஸாய் - இருபது
30 திஹாய் - முப்பது
40 ஹத்தலியாய் - நாற்பது
50 பணஹாய் - ஐம்பது
60 ஹட்டாய் - அறுபது
70 ஹத்தாவாய் - எழுபது
80 அசுவாய் - எண்பது
90 அணுவாய் - தொண்ணூறு
100 சீயாய் - நூறு
200 தெசிய்ய - இருநூறு
300 துன்சிய்ய - முந்நூறு
400 ஹாரசிய்ய - நானூறு
500 பன்சிய்ய - ஐந்நூறு
600 ஹயசிய்ய - அறுநூறு
700 ஹத்சிய்ய - எழுநூறு
800 அட்டசிய்ய - எண்ணூறு
900 நமசிய்ய - தொள்ளாயிரம்
1000 தாஹய் - ஆயிரம்
2000 தெதாஹய் - இரண்டாயிரம்
3000 துன்தாஹய் - மூவாயிரம்
4000 ஹத்தர தாஹய் - நாலாயிரம்
5000 பன் தாஹய் - ஐயாயிரம்
6000 ஹய தாஹய் - ஆறாயிரம்
7000 ஹத் தாஹய் - எழாயிரம்
10 000 தஹதாஹய் - பத்தாயிரம்
100 000 லக்சயய் - இலட்சம்
10 000 000 கோட்டிய - கோடி

சொற்கள், சொற்றொடர்கள்[தொகு]

  • ஆயுபோவன் - வணக்கம்
  • நமுத் - ஆனால்(but)
  • மார்க - வழி
  • பார - பாதை
  • மில - விலை
  • ஒபட்ட சிங்கள தன்னவத? - உங்களுக்கு சிங்களம் தெரியுமா?
  • ஒயாட தெமழ தேரெனவாத? - உங்களுக்குத் தமிழ் தெரியுமா? (ஒயா - உங்களுக்கு, தெமழ - தமிழ், தேரனவாத அல்லது தன்னவாத - தெரியுமா?)
  • ஒயாட்ட டிரைவிங் லைசன்ஸ் தியனவாத? - உங்களிடம் சாரதி அனுமதிப்பத்திரம் உள்ளதா?
  • ஒயாட்ட வாகன பலபத்ர தியனவாத? - உங்களிடம் வாகனத்திற்கான அனுமதிப்பத்திரம் உள்ளதா?
  • ஒவ் - ஆம்
  • தண்ணவா - தெரியும்.
  • டிக்க டிக்க - கொஞ்சம் கொஞ்சம்
  • ஒச்சர தமய் புளுவன்- அவ்வளவுதான் தான் முடியும் (ஒச்சரதமய் - அவ்வளவுதான், புளுவண் - முடியும்)
  • கொஹேத யன்னே? - எங்கே போறீங்க?
  • கெவல் கொஹேத - வீடு எங்கே? (கெவல் - வீடு, கொஹேத - எங்கே)?
  • வெள்ளவத்த - வெள்ளவத்தை (குறிப்பு: சிங்களத்திலும் தமிழிலும் இடப்பெயர்கள் உச்சரிப்பில் மட்டுமே சிறிதளவு மாறுபடும்)
  • ஒயா கொஹேத வெட கரண்ணே - நீங்கள் எங்கே வேலை செய்கின்றீர்கள்.
  • மங் திருக்குணாமலே வெட கரண்ணே - நான் திருகோணமலையில் வேலை செய்கின்றேன்.
  • கொஹொமத செப சனீப்ப? - நீங்கள் எப்படி சுகமாயிருக்கின்றீர்களா?
  • கொழும்பட்ட கொஹொமத யன்னே? - கொழுப்புக்கு எப்படி போறது?
  • கமக் நே - பரவாயில்லை
  • வரதக் நே- பிரச்சினையில்லை
  • பொஹொம ஹொந்தய் - மிகவும் நன்று. (பொஹொம - மிகவும், ஹொந்தாய் - நல்லது)
  • ஸ்தூதி - நன்றி
  • கேவத? - சாப்பிட்டிங்களா?
  • மங் கேவா - நான் சாப்பிட்டேன் (மங் - நான், கேவா - சாப்பிட்டேன்)
  • தே பொனவத - தேனீர் குடிப்பீர்களா?
  • ஆண்டுவ - அரசாங்கம்
  • பட்டங்கத்தத? - ஆரம்பிச்சாச்சா? (ஸ்டாட்பண்ணியாயிற்றா - பொதுவாக சோதனைகள் மற்றும் நேர்முகத்தேர்வுகளில் பாவிக்கப்படுவது)
  • கீயத - எவ்வளவு?
  • இத்துறு சல்லி தெண்ண - மிச்சக் காசு தாருங்க (இத்துறு - மிச்சம், சல்லி - காசு, தெண்ண - தாங்க)
  • மே பாறென் அம்பேபுஸ்ஸ யன்ன புளுவண்த - இந்தப் பாதையால் அம்பேபுஸ்ஸ போக இயலுமா? (மே - இந்த, பாற - பாதை, யன்ன- போக, புளுவண்த - இயலுமா?)
  • மம ஓயாட்ட ஆதரே - நான் உங்களைக் காதலிக்கின்றேன்.
  • மம ஓயாட்ட கமதி - நான் உங்களை விரும்புகின்றேன்.

உறவுச் சொற்கள்[தொகு]

  • தாத்தா, தாத்தி, அப்பாச்சி - அப்பா
  • அம்மே (அல்லது அம்மா) - அம்மா
  • ஆச்சி - அம்மம்மா அல்லது அப்பம்மா
  • சீயா - அப்பப்பா அல்லது அம்மப்பா
  • ஐயா - அண்ணா
  • அக்கா - அக்கா
  • மல்லி - தம்பி
  • நங்கி - தங்கை
  • சகோதரயா - சகோதரன்
  • புத்தா - மகன்
  • துவ - மகள்
  • பேனா - மருமகன்
  • மல்லி கே புத்தா - தம்பியின் மகன்
  • அக்கா கே துவ - அக்காவின் மகள்
  • மச்சாங் - இது தற்போதைய சிங்களப் பாவனையில் நெருக்கமான நண்பர்களைக் குறிக்கப் பயன்படுகின்றது.
  • லொக்கு அம்மா - பெரியம்மா
  • லொக்கு தாத்தா - பெரியப்பா
  • மாமா - மாமா
  • மசினா - மச்சான்
  • நேனா - மச்சாள்
  • பிரிந்த,பவுல - மனைவி
  • மித்துரா - நண்பன்
  • மித்துரி - நண்பி
  • கொல்லா - இளைஞன்/பையன்
  • பிரிமி - ஆண்
  • கெஹெனு - பெண்
  • கெல்ல - இளம் பெண்
  • லமயா - பிள்ளை
  • யாளுவோ - நண்பர்கள்

காலங்கள்[தொகு]

  • உதே - காலை
  • தவல் - பகல்
  • ஹவச - பிற்பகல், சாயுங்காலம், பின்னேரம்
  • ராத்ரிய - இரவு
  • அத - இன்று
  • ஈயே - நேற்று
  • ஹெட்ட - நாளை
  • அவ்ருது - ஆண்டு

கிழமைகள்[தொகு]

  • இரிதா - ஞாயிறு
  • சந்துதா - திங்கள்
  • அங்கஹருவாதா - செவ்வாய்
  • பதாதா - புதன்
  • பிரஹஸ்பதிந்தா - வியாழன்
  • சிக்குராதா - வெள்ளி
  • செனசுராதா - சனி

நோய்கள்[தொகு]

  • உண - காய்ச்சல்
  • கஸ - இருமல்
  • ஹெம்பிரிஸ்ஸாவ - தடிமன்
  • ஹிபுகும் - தடிமல்
  • ஒலுவ அமாறு - தலை வலி
  • படே அமாறு - வயிற்று வலி
  • செம - சளி
  • பப்புவே அமாறு - நெஞ்சு வலி
  • அதும - வீஸிங்
  • ருத்ர பீடனய - இரத்த அழுத்தம்
  • அஸ் அமாறுவ - கண் வருத்தம்

இடங்களின் பெயர்கள்[தொகு]

  • றோகல - வைத்தியசாலை
  • நகர சபாவ - நகர சபை
  • விஸ்வவித்யாலய - பல்கலைக்கழகம்
  • பாசல - பாடசாலை
  • கோவில - கோவில்
  • கம - கிராமம்
  • நகரைய - நகரம்
  • பலாத - மாகாணம்
  • டிசாவ - மாவட்டம்
  • பன்சல - விகாரை
  • பல்லிய - பள்ளிவாசல்
  • பஸ் நேவதும்போல - பஸ் தரிப்பிடம்
  • வேளந்தசெல - கடை (விற்பனை நிலையம்)
  • போல - சந்தை
  • வேவ - குளம்
  • கங்காவ - ஆறு
  • பலாத் சபாவ - பிரதேச சபை

மரங்களின் பெயர்[தொகு]

  • கும்புக் (කුඹුක්) - மருது
  • அம்ப (අඹ) - மா
  • கொஹொம்ப (කොහොඹ) - வேம்பு
  • நுக (නුග) - ஆல்
  • கொஸ் (කොස්) - பலா
  • கெஸெல் (කෙසෙල්) - வாழை
  • பெபொல் (පැපොල්) - பப்பாசி
  • சியம்பலா (සියඹලා) - புளி

அகராதிகள்[தொகு]

குறிப்பு[தொகு]

  1. மொழி நிலை

வெளி இணைப்புகள்[தொகு]

"http://ta.wikipedia.org/w/index.php?title=சிங்களம்&oldid=1371603" இருந்து மீள்விக்கப்பட்டது