காஷ்மீர் பிரச்சினை

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

காஷ்மீர் பிரச்சினை என்பது காஷ்மீர் மாநிலம் மீது இந்தியாவிற்கும், இந்தியாவின் அண்டை நாடான பாகிஸ்தானிற்கும் இடையே நிலவி வரும் நில உரிமை தொடர்பான பிறழ்ச்சனைகளைக் குறிக்கிறது. இந்தியா, பாகிஸ்தான் நாடுகள் ஆங்கில அரசிடமிருந்து சுதந்திரம் அடைந்த நாள் முதல் இன்று வரை இது தீர்க்கப்படாத பிறழ்ச்சனைகளில் ஒன்றாக பார்க்கப்படுகிறது. நிலப்பகுதிகள் ஆக்கிரமிப்பு செய்யப்படுவதும், அதனைத் தொடர்ந்து போர் அல்லது ராணுவ நடவடிக்கை நடைபெறுவதும் அவ்வப்போது இரு அரசுகளும் பேச்சுவார்த்தை நடத்துவதும், பன்னாட்டு அமைப்புகள் தலையிட்டு இந்த பிறழ்ச்சனையை தீர்த்து வைக்க முயற்சிகள் செய்வது என்று இருந்தாலும் காஷ்மீர் பிறழ்ச்சனை இன்று வரை தொடர்கிறது.

ஆக்கிரமிப்பு[தொகு]

காஷ்மீர் மாநிலம் இந்தியாவின் ஒரு மாநிலம். காஷ்மீர் மாநிலத்தின் பெரும்பான்மையான பகுதியை இந்தியா தன் நேரடி ஆட்சியின் கீழ் வைத்துள்ளது. இவற்றில் ஜம்மு மாவட்டத்தின் அநேக பகுதிகள், காஷ்மீர் பள்ளத்தாக்கு, லடாக் மாவட்டம், சியாச்சின் பனியாறு ஆகிய பகுதிகளும் அடங்கும். இருப்பினும் ஆசாத் கஷ்மீர், கில்ஜித்-பல்திஸ்தான் போன்ற காஷ்மீரின் சில பகுதிகளை ஆசாத் கஷ்மீர் என்ற பெயரில் பாகிஸ்தான் தனது கட்டுப்பாட்டுக்குள் வைத்துள்ளது. மற்றொரு அண்டை நாடான சீனா கஷ்மீரின் கிழக்குப் பகுதியில் சில இடங்களைத் தனது கட்டுப்பாட்டில் வைத்துள்ளது. இந்த பகுதி அக்சய் ச்சின் என்று அழைக்கப்படுகிறது.

வரலாறு[தொகு]

காஷ்மீர் மாநிலத்தின் ஆக்கிரமிப்பு தொடர்பாக 1947, 1965 மற்றும் 1999 ஆகிய ஆண்டுகளில் இரண்டு நாடுகளுக்கு இடையே மூன்று முறை போர்கள் நிகழ்ந்துள்ளன. இந்த போர்கள் தவிர்த்து அவ்வப்போது ராணுவ மோதல்களும் நிகழ்ந்துள்ளன. இரு நாடுகளின் சார்பாகவும் பல ஆண்டுகளாக எல்லைப்புறத்தில் ராணுவ வீரர்கள் குவிக்கப்பட்டு அமைதியற்ற சூழல் நிலவி வருகிறது.

முக்கிய நிகழ்வுகள்[தொகு]

இந்தியா பாகிஸ்தான் இரு நாடுகளுக்கு இடையே உயர்மட்ட அளவில் பேச்சுவார்த்தைகள் பல நடைபெற்றுள்ளன. இரு நாட்டு வெளியுறவுத்துறை அமைச்சர்கள், வெளியுறவுத் துறை செயலாளர்கள், பிரதமர், அதிபர் போன்ற இருநாடுகளின் தலைவர்கள் என பல்வேறு மட்டங்களிளும் பேச்சுவார்த்தை நடைபெற்றுள்ளன. இவ்வாறான பேச்சுகளின் முடிவில் சில முடிவுகள் எட்டப்பட்டாலும் கூட பிரச்சினை முற்றிலும் தீர்க்கப்படவில்லை.

இதுவரை நடைபெற்ற முக்கிய சந்திப்புகள் மற்றும் நிகழ்வுகள்:

  • அக்டோபர் 27, 1947 - காஷ்மீர் இந்தியாவின் ஒரு பகுதியானது[1].
  • ஜனவரி 1948 - இந்தியா பாகிஸ்தான் போர் மூண்டது. போரின் முடிவில் லைன் ஆப் கண்ட்ரோல் எற்படுத்தப்பட்டது.
  • ஆகஸ்ட் 5, 1965 - காஷ்மீர் உரிமை தொடர்பான போர் மூண்டது. போர் முடிவில் ஐக்கிய நாடுகள் பாதுகாப்பு சபையின் முன்னிலையில் லைன் ஆப் கண்ட்ரோலை எல்லையாக கொள்ள இரு நாடுகளும் சம்மதித்து போர் நிறுத்தம் அறிவித்தன.
  • ஜனவரி 10, 1966: சோவியத் யூனியன் ஏற்பாடுசெய்த அமைதி முயற்சியில் தாஷ்கண்ட் ஒப்பந்தம் கையெழுத்தனது. அப்போது நிலவிவந்த போர் சூழலை முடித்து வைக்க சோவியத் யூனியனின் பிரதமர் கோசிஜின், முயற்சியால் இந்த ஒப்பந்தம் கையெழுத்தானது[2].
  • ஜூலை 14-16, 2001: பாகிஸ்தான் அதிபர் முஷாரப் மற்றும் இந்தியப் பிரதமர் வாஜ்பாயி இடையே பேச்சுவார்த்தை. ஆக்ராவில் நடந்த இந்த பேச்சுவார்த்தை முடிவேதும் எட்டப்படாமல் தோல்வியடைந்தது.
  • ஜூலை 2006: இந்திய-பாகிஸ்தான் இரண்டாம் சுற்றுப் பேச்சுவார்த்தை.

ஆதரங்கள்[தொகு]

  1. http://edition.cnn.com/2002/WORLD/asiapcf/south/05/24/kashmir.timeline/index.html
  2. http://www.defence.pk/forums/military-history-strategy/19185-history-kashmir-chronology-events.html
"http://ta.wikipedia.org/w/index.php?title=காஷ்மீர்_பிரச்சினை&oldid=1522454" இருந்து மீள்விக்கப்பட்டது