ஆங்ஸ்ட்ராம்
| ஆண்டர்சு யோனாஸ் ஆங்ஸ்டிராம் | |
|---|---|
 ஆண்டர்சு யோனாஸ் ஆங்ஸ்டிராம் |
|
| பிறப்பு | ஆகத்து 13, 1814 |
| பிறப்பிடம் | சுவீடன் |
| இறப்பு | சூன் 21 1874 (அகவை 59) |
| இறப்பிடம் | சுவீடன் |
| குடியுரிமை | சுவீடன் |
| துறை | இயற்பியலாளர் |
| பல்கலைக்கழகம் | உப்சாலா பல்கலைக்கழகம் |
| அறியப்படுவது | நிறமாலையியல் |
| விருதுகள் | ரம்போர்டு பதக்கம் |
ஆண்டர்ஸ் யோனாஸ் ஆங்ஸ்டிராம் (Anders Jonas Ångström, 1814 - 1874 ), ஒரு சுவீடன் நாட்டு இயற்பியலாளர். உப்சாலா பல்கலைக்கழகத்தில் நிறமாலையியல் துறையில் முன்னோடியாக இருந்தவர். “வெப்பப்படுத்தப்பட்ட ஒரு வளிமம் ( gas ) எந்த அலைநீளங்களில் ஒளியை உமிழுமோ அதே அலைநீளங்களை குறைவான வெப்பநிலையில் உள்ளபோது அவ்வளிமம் உட்கவரும்” என்ற உண்மையை 1855 -ஆம் ஆண்டு கண்டறிந்தார்; இதை நான்காண்டுகளுக்குப் பின்னர் கீர்காஃப் ( Kirchoff ) ஆய்வுகளின் மூலம் உறுதி செய்தார். 1861- இல் ப்ரான்ஹோபர் வரிகளை ஆய்வு செய்ததில் சூரியனில் ஹைட்ரசன் உள்ளதை உறுதி செய்தார். ஆங்ஸ்ட்ராம் தன் அளவிடுதல்களை 10 -10 மீ அளவுகளில் செய்தார்; பின்னாளிலே, அவரை கவுரவப்படுத்தும் விதமாக 10 -10 மீ = 1 Å என்ற அலகு ஏற்படுத்தப்பட்டது. துருவ ஒளியின் நிறமாலையியல் பற்றியும் தன் ஆய்வுகளைச் செய்துள்ளார் ஆங்ஸ்டிராம். [1]
