அருணகிரிநாதர் (ஆதீனம்)
| அருணகிரிநாதர் | |
|---|---|
| பிறப்பு | சீர்காழி, தமிழ்நாடு |
| இறப்பு | (அகவை 77) மதுரை, தமிழ்நாடு |
| இயற்பெயர் | அருணகிரிநாதர் |
| தேசியம் | இந்தியர் |
| பெற்றோர் | இராம குருசாமி |
ஸ்ரீலஸ்ரீ அருணகிரிநாத ஞானசம்பந்த தேசிக பரமாச்சாரிய சுவாமிகள் என்ற அருணகிரிநாதர் (ஆங்கில மொழி: Arunagirinathar) (- மறைவு: 2021 ஆகஸ்ட் 13) மதுரை ஆதீனத்தின் 292 ஆவது குருமகா சன்னிதானமாவார். தமிழ்த் தொண்டு, ஆன்மீகத் தொண்டு, சமூகத் தொண்டுகளிலும் ஈடுபட்டவர்.
இளமைக் காலம்[தொகு]
மயிலாடுதுறை மாவட்டம் சீர்காழியில் பிறந்து[1] பள்ளிப் படிப்பை முடித்தார். இவர் 1980 களில் முரசொலி இதழின் பத்திரிக்கையாளராக இருந்தார்.[2]
ஆன்மீகப் பணிகள்[தொகு]
இவரது தந்தை அறிவுறுத்தலில் திருவாவடுதுறை ஆதின மடத்தில் சேர்ந்து சைவ சமயக் கல்வியைக் கற்றார்.[3] பின்னர் தருமை ஆதீனத்தில் தம்பிரானாக இருந்து 1975 மே 27ம் தேதி மதுரை ஆதீன இளைய குருமகா சன்னிதானமாகப் பெறுப்பேற்றார்.[4] 1980 ஆம் ஆண்டு மார்ச் 14 ஆம் தேதி 292 ஆவது குரு மகா சன்னிதானமாகப் பட்டம் பெற்றார்.[5] மொரிசியஸ், சிங்கப்பூர், மலேசியா போன்ற நாடுகளுக்குச் சென்று சைவ நெறியைப் பரப்பினார். பல கோயில்களில் தமிழில் குடமுழுக்க நிகழ்ச்சிகளை நடத்தினார்.[3] மாற்று மத நிகழ்ச்சிகளிலும் கலந்து கொண்டு சமய நல்லிணக்கம் பேணினார்.
அரசியல் செயல்பாடுகள்[தொகு]
இலங்கை இனப்பிரச்சினையில் இலங்கை அரசுக்கு எதிராகவும், ஈழ விடுதலைக்கு ஆதரவாகவும் பல்வேறு பரப்புரைகள் செய்தார்.[3] 2014 நாடாளுமன்றத் தேர்தலிலும் 2016 சட்டமன்றத் தேர்தலிலும் அதிமுக கட்சிக்கு ஆதரவாகத் தேர்தல் பிரச்சாரம் செய்தார்.[6][7] 2019 ஆம் ஆண்டு இந்திய நாடாளுமன்றத் தேர்தலில் அதிமுக பாஜக கூட்டணி வெற்றி பெறும் என்றார்.[8]
2012 ஏப்ரல் 12 இல் அடுத்த பீடாதிபதியாக நித்யானந்தாவை இவர் தேர்ந்தெடுத்த நிகழ்வு சர்ச்சையானது.[9] அதன் தொடர்ச்சியாக மதுரை உயர்நீதிமன்றத்தில் வழக்கும் நிலுவையில் உள்ளது.[10] உடல்நலக்குறைவால் 2021 ஆகஸ்ட் 13 ஆம் நாள் வெள்ளிக்கிழமை இரவு மறைந்தார்.[11]
இவருக்குப் பின்மதுரை ஆதீனத்தின் 293-வது மடாதிபதியாக ஹரிஹர தேசிக பரமாச்சாரியர் 23 ஆகஸ்டு 2021 அன்று முடிசூட்டப்பட்டார்.
மேற்கோள்கள்[தொகு]
- ↑ "மதுரை ஆதீனம் முக்தி அடைந்தார்: தலைவர்கள் இரங்கல்". தினமலர். https://m.dinamalar.com/temple_detail.php?id=116055. பார்த்த நாள்: 14 ஆகத்து 2021.
- ↑ "Madurai Adheenam pontiff passes away". தி இந்து. https://www.thehindu.com/news/national/tamil-nadu/madurai-adheenam-pontiff-passes-away/article35906125.ece. பார்த்த நாள்: 14 August 2021.
- ↑ 3.0 3.1 3.2 "மதுரை ஆதீனம்: செய்தியாளர் முதல் மடாதிபதி வரை - ஆன்மிகத்தில் புரட்சி செய்த அருணகிரிநாதர்!". விகடன். https://www.vikatan.com/spiritual/news/press-reporter-to-spiritual-leader-the-life-journey-of-madurai-adheenam-sri-arunagirinathar. பார்த்த நாள்: 14 August 2021.
- ↑ "ஆன்மிகப் பணி; சைவ நெறி; மதுரை ஆதீனத்தின் 292-வது மடாதிபதி - அருணகிரிநாதர் காலமானார்!". விகடன். https://www.vikatan.com/news/general-news/the-292-th-madurai-athenam-arunagirinathar-has-passed-away. பார்த்த நாள்: 13 ஆகத்து 2021.
- ↑ "மதுரை ஆதீனம் முக்தி அடைந்தார்: தலைவர்கள் இரங்கல்". தினமலர். https://temple.dinamalar.com/news_detail.php?id=116055. பார்த்த நாள்: 14 August 2021.
- ↑ "லோக்சபா தேர்தல்: அ.தி.மு.க.வுக்கு ஆதரவாக 40 தொகுதிகளில் மதுரை ஆதீனம் பிரச்சாரம்". ஒன் இந்தியா. https://tamil.oneindia.com/news/tamilnadu/madurai-adheenam-meets-jaya-vows-support-195124-lse.html. பார்த்த நாள்: 14 August 2021.
- ↑ "அதிமுக-வுக்கு ஆதரவாக பிரசாரம்: மதுரை ஆதீனம்". சமயம். https://tamil.samayam.com/madurai-aadhenam-to-campaign-for-admk/articleshow/51958290.cms. பார்த்த நாள்: 14 August 2021.
- ↑ "மோடி மீண்டும் பிரதமராக வர தினமும் பிரார்த்தனை செய்கிறேன் - மதுரை ஆதீனம் பேட்டி". என்டிடிவி. https://www.ndtv.com/tamil/loksabha-elections-2019-madurai-aadheenam-arunagirinadhar-pray-daily-for-modi-come-again-as-pm-of-in-2020967. பார்த்த நாள்: 14 August 2021.
- ↑ "மதுரை ஆதீனத்தை அரசு ஏற்கமுடியுமா ?". பிபிசி. https://www.bbc.com/tamil/india/2012/05/120502_maduraiaheenam. பார்த்த நாள்: 14 August 2021.
- ↑ "உடல்நலக்குறைவால் மதுரை ஆதீனம் காலமானார்". தினமலர். https://www.dinamalar.com/news_detail.asp?id=2822706. பார்த்த நாள்: 14 August 2021.
- ↑ "மதுரை ஆதீனம் உடலுக்கு அமைச்சா்கள் அஞ்சலி". தினமணி. https://www.dinamani.com/tamilnadu/2021/aug/14/ministries-pay-homage-to-madurai-athenams-body-3679955.html. பார்த்த நாள்: 14 August 2021.