யும்னா ஜைதி
| யும்னா ஜைதி | |
|---|---|
 | |
| பிறப்பு | 30 சூலை 1992 கராச்சி, சிந்து மாகாணம் |
| தேசியம் | பாகிஸ்தானியர் |
| பணி | நடிகை |
| செயற்பாட்டுக் காலம் | 2012–தற்போது வரை |
யும்னா ஜைதி (Yumna Zaidi) (பிறப்பு ஜூலை 30, 1992), பாக்கித்தான் தொலைக்காட்சி நடிகை ஆவார். இவர் பின்வரும் தொலைக்காட்சித் தொடர்களில் நடித்த கதாபாத்திரங்கள் மூலமாக அறியப்படுகிறார். அவை, குஷி ஏக் ரோக், மேரி துலாரி, தில் முகல்லே கி ஹவேலி, ரிச்டே குச் அதூரே சே, மவுசம், குஜாரிஷ் மற்றும் ஜரா யாத் கார் என்பதாகும். இவர் உருது தொலைக்காட்சித் துறையில் ஒரு தொழிலை நிறுவியுள்ளார். மேலும், ஏழு ஹம் விருது பரிந்துரைகளைப் பெற்றுள்ளார். [1]
சொந்த வாழ்க்கை[தொகு]
ஜைதி, லாகூரில் பிறந்து வளர்ந்தவர் ஆவார். தற்போது, டெக்சாசில் வசித்து வருகிறார். கராச்சி-லாகூரில் பணி புரிகிறார். இவரது தந்தை ஜமீந்தர் ஜைதி ஒரு வணிகராக இருந்தார். மேலும் இவரின் தந்தை, ஜூன் 2019 இல் இறந்தார், [2]இவரது தாய் ஷபானா நஹீத் ஜைதி இல்லத்தரசியாக உள்ளார். இவர் பஞ்சாபின் பாக்பட்டானில் உள்ள ஆரிஃப் வாலா என்ற கிராமத்தைச் சேர்ந்தவர். ஜைதி, உள்துறை வடிவமைப்பில் முதுகலைப் பட்டம் பெற்றுள்ளார் . மேலும், வானொலி அறிவிப்பாளராகவும், வானொலியில் நிகழ்ச்சிகள் நடத்துவதில் சில அனுபவங்களைக் கொண்டவராகவும் உள்ளார்.
தொழில்[தொகு]
இவர் நடிப்புத் தொழிலைத் தொடர விரும்பவில்லை, இருப்பினும், இவரது நண்பர் அஃபான் வாகீத்தின் வற்புறுத்தலின் பேரில், ஏ.ஆர்.வொய் டிஜிட்டல் நிறுவனத்தின் உள்நாட்டு நாடகத் தொடரான தாகனில்(2012) ஒரு துணைப் பாத்திரத்தில் நடித்ததின் மூலம் நடிப்பில் ஈடுபட்டார். மேலும் அதைத் தொடர்ந்து ஒரு முக்கிய பாத்திரத்துடன் குஷி ஏக் ரோக் என்ற நாடகத்தில் நடித்தார். பின்னர் இவர், தேரி ரா மெயின் ருல் காய் படத்தில் சாமியா மும்தாஜ் மற்றும் சாமி கான் ஆகியோருடன் நடித்தார். அதில் மரியம் என்ற கதாபாத்திரத்தில் நடித்தார். [3]
ஜியோ தொலைக்காட்சியின் மேரி துலாரி (2013), ஹம் தொலைக்காட்சியின் உலு பராயே ஃபாரோக்ட் நஹி (2013) ஆகிய நாடகங்களில் உணர்ச்சிபூர்வமான கதாபாத்திரங்களை சித்தரித்ததற்காக ஜைதி, பாராட்டுக்களைப் பெற்றார். பின்னர் ஹம் விருதுகளில் சிறந்த துணை நடிகைக்கான பரிந்துரையைப் பெற்றார். ரிஷ்டே குச் அதூரே சே (2013) திரைப்படத்தில் ஒரு பதற்றமான மனைவியின் பாராட்டப்பட்ட பாத்திரம், இவரை பாகிஸ்தானின் முன்னணி நடிகையாக நிறுவி, சிறந்த நடிகை மற்றும் சிறந்த நடிகைக்கான ஹம் விருதைப் பெற்றது. ஜைதி, பின்னர் 2013 ஆம் ஆண்டு தொலைக்காட்சித் தொடரான சன்னதாவில் ஒரு சிறப்புத் தோற்றத்தில் நடித்தார். மேலும் காஷிஃப் நிசார் இயக்கிய கிஸ் சே கஹூனில் சஜால் அலி மற்றும் ஆகா அலி ஆகியோருடன் துணை வேடத்தில் நடித்தார். நாடகங்களில் பலவிதமான கதாபாத்திரங்களை ஏற்று நடித்ததின் மூலமாக, இவர் மக்களிடையே பரந்த அங்கீகாரத்தைப் பெற்றார். மவுசம் (2014), மாதவா (2015), குஜாரிஷ் (2015), மற்றும் ஜுக்னூ (2015), காஞ்ச் கி குரியா (2015), பரஸ் (2015) மற்றும் ஆப் கி கனீஸ் ( 2015), போன்றவை. இவரது சில நாடகங்கள், சிறந்த நடிகைக்கான பரிந்துரைகளைப் பெற்றன.[4]
2016 ஆம் ஆண்டில் இவர் மோமினா துரைட்டின் ஜாரா யாத் காரில்" தோன்றினார், அதில் ஜாஹித் அகமது மற்றும் சனா ஜாவேத் ஜோடியாக உஸ்மா இக்தியார் கதாபாத்திரத்தில் நடித்தார்.[5]
பிற வேலைகள்[தொகு]
ஜைதி, ஊடகங்களில் பரவலாக செயல்படுகிறார். மற்றும் அடிக்கடி நேரடி நிகழ்ச்சிகளில் பங்கேற்கிறார். 2016 ஆம் ஆண்டில் உதாரி என்ற குற்ற நாடகத் தொடருக்கு தடை விதிக்கப்பட்ட பின்னர், "இது ஒரு சமூக காரணத்தை அடிப்படையாகக் கொண்டது, இதுபோன்ற நாடக தொடர்கள் மூலம் நம் சமூகத்தில் விழிப்புணர்வை ஏற்படுத்த வேண்டும்" என்று குரல் எழுப்பினார்.[6] ஹம் டிவியின் பிரைடல் கூச்சர் வாரத்தில் வடிவமைப்பாளர் ஆயிஷா ஃபரித்தின் சேகரிப்பு படிகத்திற்காக, அவர் வளைவில் நடந்து சென்றார். [7] அவர் 2017 இல் பிரபல நகைச்சுவை நேரடி நிகழ்ச்சியான மசாக் ராட்டில் தோன்றினார். [8]
குறிப்புகள்[தொகு]
- ↑ admin. "Yumna Zaidi date of birth, age, weight, height, biography, education, affair, scandal, marriage, family, pictures, drama, movie, social media official accounts | Timepass". timepass.com.pk (in அமெரிக்க ஆங்கிலம்). Archived from the original on 2018-02-08. பார்க்கப்பட்ட நாள் 2018-02-10.
- ↑ Staff, Images (2019-06-07). "Actor Yumna Zaidi reveals father's demise in emotional Instagram post". DAWN (in ஆங்கிலம்). பார்க்கப்பட்ட நாள் 2019-07-31.
- ↑ "13 Times Pakistani Actor Yumna Zaidi Proved That She's A Force To Be Reckoned With" (in அமெரிக்க ஆங்கிலம்). பார்க்கப்பட்ட நாள் 2018-07-23.
- ↑ Shabbir, Buraq. "TV actors we want to see in cinema" (in en). The News International. https://www.thenews.com.pk/magazine/instep-today/209794-TV-actors-we-want-to-see-in-cinema.
- ↑ "Yumna Zaidi talks about upcoming play 'Zara Yaad Kar'". Ahmed Hussain. HIP. February 3, 2016. பார்க்கப்பட்ட நாள் February 3, 2016.
- ↑ "Celebrities lend support to Udaari post PEMRA notice | The Express Tribune". The Express Tribune. https://tribune.com.pk/story/1104151/celebrities-lend-support-to-udaari-post-pemra-notice/.
- ↑ "Demesne Couture steals the show on PHBCW Day 2". www.pakistantoday.com.pk (in பிரிட்டிஷ் ஆங்கிலம்). பார்க்கப்பட்ட நாள் 2018-07-28.
- ↑ Mazaaq Raat Official (2017-09-18), Yumna Zaidi & Abdullah Ejaz - Mazaaq Raat 18 September 2017 - مذاق رات - Dunya News, பார்க்கப்பட்ட நாள் 2018-07-28
வெளி இணைப்புகள்[தொகு]
| பன்னாட்டு | |
|---|---|
| தேசிய | |
