சான்-டெனீ , ரீயூனியன்

செயிண்ட் டெனிஸ்
பெல்லெபியர்ரியின் மீதிருந்து காணும்போது செயிண்ட் டெனிஸ்
சின்னம்
செயிண்ட் டெனிஸ்-இன் அமைவிடம்
நாடு	பிரான்சு
Overseas region and department	ரீயூனியன்
பெருநகரம்	செயிண்ட் டெனிஸ்
Intercommunality	நார்த் து ல ரீயூனியன் (Nord de la Réunion - வடக்கு ரீயூனியன்)
அரசு
• நகரமுதல்வர் (2014-2020)	கில்பர்ட் ஆனெட்டி (சோசலிசக் கட்சி)
Area1	142.79 km2 (55.13 sq mi)
மக்கள்தொகை (2012)	1,45,238
• அடர்த்தி	1,000/km2 (2,600/sq mi)
INSEE/அஞ்சற்குறியீடு	97411 /97400
ஏற்றம்	0–2,276 m (0–7,467 அடி) (avg. 23 m or 75 அடி)
1 பிரெஞ்சு நிலப்பதிவுத் தரவுகள்: ஆறுகள், குளங்கள், பனியாறுகள் > 1 km2 (0.386 ச. மைல் அல்லது 247 ஏக்கர்கள்), மற்றும் ஆற்றுக் கயவாய்கள் தவிர்த்து.

செயிண்ட் டெனிஸ் (பிரெஞ்சு உச்சரிப்பு: ​[sɛ̃.də.ni], அல்லது தெளிவாகக் குறிக்க: செயிண்ட் டெனிஸ் து ல ரீயூனியன் - ரீயூனியனின் செயிண்ட் டெனிஸ்) பிரான்சினால் வெளிநாட்டு நிருவாகப் பகுதியாக நிருவகிக்கப்படும் ரீயூனியனின் நிருவாகம் சார்ந்த தலைநகர் ஆகும். இது, இந்தியப் பெருங்கடலிலுள்ள ரீயூனியன் தீவின் வடக்குப் பகுதியில் செயிண்ட் டெனிஸ் ஆற்றின் முகத்துவாரத்தில் அமைந்துள்ளது.

1663ஆம் ஆண்டு நிறுவப்பட்ட இவ்வூர் மிகவும் மெதுவாகவே வளர்ந்தது. இரண்டாம் உலகப்போருக்குப்பின் ஏற்பட்ட கிராமப்புற திரள் வெளியேற்றத்தினால் அதிகளவு மக்கள் இங்கு குடியேறினர். முன்னர் ரீயூனியனின் முக்கியத் துறைமுகமாக இந்நகரம் விளங்கியது; ஆயினும் இங்கு நிலவிய ஊகிக்க முடியாத காற்று மற்றும் கடல்நீர் மட்ட ஏற்ற இறக்கத்தினால் ஏற்பட்ட சிரமங்களால், 1880களிலிருந்து அருகிலிருக்கும் செயற்கைத் துறைமுகமான ல போர்ட் (பிரெஞ்சு மொழியில்: துறைமுகம்) செயிண்ட் டெனிசிற்கு மாற்றாக விளங்கிவருகிறாது. அழகிய கடற்கரை நெடுக அமைந்துள்ள 20 கி.மீ. சாலையானது ல போர்டையும் செயிண்ட் டெனிசையும் இணைக்கின்றது. ஒரு சர்வதேச விமானநிலையம், நூலகங்கள், ஒரு இயற்கை வரலாற்று அருங்காட்சியகம் மற்றும் சட்டம், பொருளியல், ஆட்சி இயல் ஆகியவற்றைக் கற்பிக்கும் ஒரு பல்கலைக்கழகமும் இங்குள்ளன.