வெ. சாமிநாத சர்மா
வெ. சாமிநாத சர்மா | |
|---|---|
| பிறப்பு | 17 செப்டம்பர் 1895 |
| இறப்பு | சனவரி 7, 1978 (அகவை 82) அடையாறு, சென்னை |
| தேசியம் | இந்தியர் |
| அறியப்படுவது | பன்மொழி அறிஞர், மொழிபெயர்ப்பாளர், ஜோதி இதழாசிரியர் |
| வாழ்க்கைத் துணை | மங்களம் (தி. 1940) |
| கையொப்பம் |  |
வெ. சாமிநாத சர்மா (V. Saminatha Sarma) இந்தியாவின் தமிழ்நாடு மாநிலத்தைச் சேர்ந்த ஓர் எழுத்தாளர் ஆவார். இதழாளர், பதிப்பாளர் எனப் பன்முகக் கலைஞராக செயல்பட்டு உலக நாடுகள், தலைவர்கள் பற்றியும், உலக இலக்கியங்கள் பற்றியும் தமிழ் வாசகர்களுக்கு விரிவாக அறிமுகம் செய்துள்ளார்.[1]
வாழ்க்கைக் குறிப்பு
[தொகு]திருவண்ணாமலை மாவட்டம் செய்யாறு வட்டம் வெங்களத்தூர் என்னும் சிற்றூரில் 1895 ஆம் ஆண்டு செப்டம்பர் மாதம் 17 ஆம் தேதியன்று முத்துச்சாமி ஐயர், பார்வதி அம்மாள் தம்பதியருக்கு மகனாகப் பிறந்தார். பள்ளிப் படிப்பை செங்கல்பட்டு நேடிவ் உயர்நிலைப் பள்ளியில் முடித்தார். குடும்பச் சூழ்நிலை காரணமாக உயர்நிலைப் பள்ளியோடு சர்மாவின் பள்ளிப்படிப்பு முடிவுக்கு வந்தது. சுருக்கெழுத்தாளர், ஆயுள் காப்பீட்டுக் கழகப் பணியாளர், கூட்டுறவுத்துறை ஊழியர் என பல தொழில்கள் செய்தார். 1914 ஆம் ஆண்டில் மங்களம் என்ற பெண்ணை திருமணம் செய்து கொண்டார்.
தொழில்
[தொகு]சர்மா துவக்கத்தில் தேசபக்தன் இதழிலும், பின்னர் திரு. வி. கவின் நவசக்தி இதழிலும் பணியாற்றினார். அங்கே சுமார் பன்னிரண்டு ஆண்டுகாலம் உதவி ஆசிரியராக இருந்தார். சென்னை மாகாண முன்னாள் பிரமதமரான டி. பிரகாசம் அவர்கள் நடத்திய தமிழ் பத்திரிக்கையான சுவராஜ்யாவிலும் பணியாற்றினார். பின்னர் பர்மாவுக்கு சென்று அங்கு பத்தாண்டுகள் இருந்தார். அங்கு ரங்கூன் நகரத்தில் ஜோதி என்ற இதழைத் துவக்கி நடத்திவந்தார்.[2] இரண்டாம் உலகப்போரில் ஜப்பானியர்கள் பர்மாமீது படையெடுத்ததால் அங்கிருந்து குடும்பத்துடன் பல இன்னல்களை அனுபவித்து சென்னை வந்து சேர்ந்தார். இவர் பர்மாவில் இருந்தபோதே பல நூல்களை எழுதினார். இங்கு வந்தும் பல நூல்களை எழுதினார். இவரது நூல்களுக்காகவே சொக்கலிங்கம் செட்டியார் என்பவர் பிரபஞ்ச ஜோதி பிரசுராலயம் என்ற பதிப்பகத்தை துவக்கினர். 1978 ஆம் ஆண்டு சனவரி ஏழு அன்று கலாசேத்திராவில் காலமானார்.
படைப்புகள்
[தொகு]வாழ்க்கை வரலாற்று நூல்கள்
[தொகு]- லோகமான்ய திலகர்
- ரமண மகரிஷி
- பண்டிட் மோதிலால் நேரு
- முஸோலினி
- அபிசீனிய சக்கரவர்த்தி
- ஹிட்லர்
- காந்தியும் - ஜவஹரும்
- காந்தியும் விவேகானந்தரும்
- சார்லஸ் டார்வின்
- ஸர். ஐசக் நியூட்டன்
- ஸர். ஜகதீச சந்திரபோஸ்
- தாமஸ் எடிசன்
- ஸர். பிரபுல்ல சந்திரரே
- ஸர். சி. வி. ராமன்
- கமால் அத்தாதுர்க்
- ரூஸ்ஸோ
- கார்ல் மார்க்ஸ்
- ராமகிருஷ்ணர் ஒரு தீர்க்கதரிசி
- மாஜினி
- ஸன்யாட்சென்
- நான் கண்ட நாவலர்
- சமுதாயச் சிற்பிகள்
மொழிபெயர்ப்பு நூல்கள்
[தொகு]- மானிட ஜாதியின் சுதந்திரம்
- மனோ தர்மம்
- மகாத்மா காந்தி
- மாஜினியின் மனிதன் கடமை
- சமுதாய ஒப்பந்தம்
- பிளேட்டோவின் அரசியல்
- ராஜதந்திர யுத்தகளப் பிரசங்கங்கள்
- சுதந்திரத்தின் தேவைகள் யாவை?
- பிளேட்டோவின் கடிதங்கள்
சிறுகதை நூல்கள்
[தொகு]- கௌரீ மணி
- தலை தீபாவளி
நாடக நூல்கள்
[தொகு]- லெட்சுமிநாதன்
- உத்தியோகம்
- பாணபுரத்து வீரன்
- அபிமன்யு
- உலகம் பலவிதம்
கடித நூல்கள்
[தொகு]- மகனே உனக்காக
- அவள் பிரிவு
- வரலாறு கண்ட கடிதங்கள்
பயண நூல்
[தொகு]- எனது பர்மா வழி நடைப் பயணம்
வரலாற்று நூல்கள்
[தொகு]- நமது ஆர்யாவர்த்தம்
- ருஷ்யாவின் வரலாறு
- சீனாவின் வரலாறு
- கிரீஸ் வாழ்ந்த வரலாறு
- புதிய சீனா
கட்டுரை நூல்கள்
[தொகு]- காந்தி யார்?
- நமது பிற்போக்கு
- எப்படி வாழ வேண்டும்?
- மனிதன் யார்?
- பெண்மையிலேதான் வாழ்வு
- இக்கரையும் அக்கரையும்
- காந்தியடிகளும் கிராம வாழ்க்கையும்
- நகைத்தல் நல்லது
- நாடும் மொழியும்
- சுதந்திரமும் சீர்திருத்தமும்
அரசியல் நூல்கள்
[தொகு]- ஏப்ரல் 1919 அல்லது பஞ்சாப் படுகொலை
- பிரிக்கப்பட்ட பர்மா
- பெடரல் இந்தியா
- சமஸ்தான இந்தியா
- உலகக் கண்ணாடி
- ஸ்பெய்ன் குழப்பம்
- செக்கோஸ்லோவேகியா
- பாலஸ்தீனம்
- அரசியல் வரலாறு
- ஆசியாவும் உலக சமாதானமும்
- ஐக்கிய தேசஸ்தாபனம்
- அரசாங்கத்தின் பிறப்பு
- பிரஜைகளின் உரிமைகளும், கடமைகளும்
- அரசியல் கட்சிகள்
- நமது தேசியக் கொடி
- பார்லிமெண்ட்
- புராதன இந்தியாவின் அரசியல்
மணிமொழிகள்
[தொகு]- சுதந்திர முழக்கம்
- மாஜினியின் மணிமொழிகள்
- இந்தியாவின் தேவைகள் யாவை?
ஆங்கில நூல்
[தொகு]- Essentials of Gandhism
மேற்கோள்கள்
[தொகு]- ↑ "வெளி உலகத்தின் சாளரம்' வெ.சாமிநாத சர்மா!, தினமணி, 20 செப்டம்பர் 2012
- ↑ வெ. சாமிநாத சர்மா (2006 செப்டம்பர் 19). எனது பர்மா வழி நடைப் பயணம். சென்னை: மகாகவி பதிப்பகம். p. 22.
{{cite book}}: Check date values in:|year=(help)CS1 maint: year (link)
வெளி இணைப்புகள்
[தொகு]