மோல் நாள்

கட்டற்ற கலைக்களஞ்சியமான விக்கிப்பீடியாவில் இருந்து.

மோல் நாள் (Mole Day) என்பது வேதியியலாளர்களும், வேதியியல் மாணவர்களும் ஆண்டு தோறும் அக்டோபர் 23 ஆம் நாளன்று காலை 06:02 மணிக்கும் மாலை 06:02 மணிக்கும் இடையில் அதிகாரபூர்வமற்ற நிலையில் எடுத்துக் கொள்ளும் ஒரு விடுமுறை நாள் ஆகும்.[1][2][3] இந்நாளை அவர்கள் அமெரிக்க முறையில் 6:02 10/23 எனக் குறிக்கிறார்கள். நேரம், நாள் ஆகியன அவகாதரோ மாறிலியைக் (6.02×1023) கொண்டு குறிக்கப்பட்டது. அவகாதரோ மாறிலி என்பது ஒரு மோல் வேதிப் பொருளில் காணப்படும் துணிக்கைகளின் (அணுக்கள் அல்லது மூலக்கூறுகள்) எண்ணிக்கை ஆகும்.

1980களில் த சயன்சு டீச்சர் என்ற இதழில் வெளிவந்த ஒரு கட்டுரையில் முதற்தடவையாக மோல் நாள் பற்றிய கருத்து வெளியிடப்பட்டது.[4] இக்கட்டுரையினால் ஈர்க்கப்பட்ட மோரிசு ஓலெர் என்ற விஸ்கொன்சின் மாநில வேதியியல் ஆசிரியர் 1991 மே 15 ஆம் நாள் தேசிய மோல் நாள் நிறுவனத்தை (National Mole Day Foundation NMDF) ஆரம்பித்தார்.[4]

அமெரிக்க ஐக்கிய நாடு, தென்னாப்பிரிக்கா, ஆஸ்திரேலியா, கனடா ஆகிய நாடுகளில் உயர்நிலைப் பள்ளிகளில் வேதியியல் அல்லது மோல் தொடர்பான பல்வேறு நிகழ்வுகள் இந்நாளில் ஒழுங்கு செய்யப்படுகின்றன. பல பாடசாலைகள் இக்காலப்பகுதியை மோல் வாரமாகவும் கொண்டாடுகின்றன.[5] அமெரிக்க வேதியியல் குமுகம் தேசிய வேதியியல் வாரமாகக் கொண்டாடுகின்றது.[2]

இவற்றையும் பார்க்க[தொகு]

மேற்கோள்கள்[தொகு]

  1. This Week in Chemical History, அமெரிக்க வேதியியல் குமுகம், பார்க்கப்பட்ட நாள் 2010-02-14
  2. 2.0 2.1 "National Chemistry Week Celebrates 20 Years", Chemical & Engineering News, vol. 85, no. 51, December 17, 2007, பார்க்கப்பட்ட நாள் 2010-02-14
  3. "Chemistry In The Spotlight", Chemical & Engineering News, vol. 88, no. 50, டிசம்பர் 13, 2010, பார்க்கப்பட்ட நாள் 2010-02-14 {{citation}}: Check date values in: |date= (help)
  4. 4.0 4.1 "History of National Mole Day Foundation, Inc". moleday.org. Archived from the original on 2010-10-23. பார்க்கப்பட்ட நாள் 2013-10-24.
  5. "Chemical club wins national recognition)". Central Michigan Life. 27 செப்டம்பர் 2004. பார்க்கப்பட்ட நாள் October 8, 2012. {{cite web}}: Check date values in: |date= (help)[தொடர்பிழந்த இணைப்பு]

வெளி இணைப்புகள்[தொகு]

"https://ta.wikipedia.org/w/index.php?title=மோல்_நாள்&oldid=3569157" இலிருந்து மீள்விக்கப்பட்டது