தெ ஜென்டர் வார்
தெ ஜென்டர் வார் (பாலினப் போர் (The Gender War சுவீடிய: Könskriget) சுவீடனில் தீவிர பெண்ணியம், சுவீடிய அரசியலில் அதன் தாக்கம் குறித்து இரு பகுதிகளாக வெளியான ஆவணத் திரைப்படம் ஆகும். இது பத்திரிகையாளர் எவின் ரூபரின் இயக்கத்தில் வெளியானது. இதனை நார்டிஸ்க் பிலிம் தயாரித்து, சிவரிகஸ் தொலைக்காட்சி மூலம் ஒளிபரப்பப்பட்டது. இந்த ஆவணப் படத்திற்காக சிறந்த ஆவணப்பட இயக்குனருக்கான கிறிஸ்டாலன் மற்றும் ஸ்வெரிஜஸ் டெலிவிஷனின் சமத்துவ விருது பெற்றார்.
இந்த ஆவணப்படம் சுவீடனில் உள்ள பெண்கள் மற்றும் இளம் பெண்கள் தங்குமிடங்களுக்கான தேசிய அமைப்பு, ROKS, பாலியல் துன்புறுத்தலால் பாதிக்கப்பட்ட இளம் பெண்களுக்கு உதவும் பெல்லாவின் நண்பர்கள், பாலின சமத்துவத்தின் முன்னாள் அமைச்சர் மார்கரெட்டா வின்பெர்க், பேராசிரியர் ஈவா லண்ட்கிரென் ஆகியோரை மையப்படுத்தி உள்ளது. .
விளைவுகள்
[தொகு]இந்த ஆவணப்படம் சுவீடிய முக்கிய ஊடகங்களில் விவாதத்தில் பெரிய தாக்கத்தை ஏற்படுத்தியது. உப்சாலா பல்கலைக்கழகம் ஈவா லுண்ட்கிரனின் ஆராய்ச்சி குறித்து விசாரணை நடத்த முடிவு செய்தது.[1] லண்ட்கிரென் அதிகாரப்பூர்வ குற்றச்சாட்டுகளில் இருந்து விடுவிக்கப்பட்ட போதிலும் ஊடகங்களில் கடுமையான விமர்சிக்கப்பட்டார்.பின்னர் பல்கலைக்கழகம் நியாயமற்ற விசாரணைக்கான இழப்பீடாக வழங்கிய தனது நிதியை அதிகரித்து, 2007 ஆம் ஆண்டில் அவருக்கு ஆதரவளிப்பதாக அறிவித்தது.[2] இருப்பினும், 2011 இல் இவர் தனது பதவியை துறந்து, பல்கலைக்கழகம் தனது நற்பெயரை அழிக்கும் வல்லமையினைப் பெற்றிருக்கவில்லை என்று விமர்சித்தார்.[3]
ரோக்சின் நிதியை திரும்பப் பெறுவது குறித்து ரிக்ஸ்டாக் விவாதித்தது. பெண்ணிய முன்முயற்சியின் செய்தித் தொடர்பாளர் குட்ரூன் ஸ்கைமன், மே 24, 2005 அன்று ஸ்வென்ஸ்கா டாக்லாடெட் செய்தித்தாளில் ஒரு கட்டுரையில் ரூபரின் முக்கிய வாதம் குறித்து கேள்வி எழுப்பினார். [4] சில பெண்கள் தங்குமிடங்கள் சர்ச்சை காரணமாக மத்திய அமைப்பான ரோக்சை விட்டு விலகுவதாக அறிவித்தன.[5] ஐரீன் வான் வச்சென்ஃபெல்ட் ஜூலை 6, 2005 அன்று ரோக்சின் தலைவர் பதவியில் இருந்து விலகுவதாக அறிவித்தார்.[6]
நியூயார்க் டைம்ஸ், சுவீடனில் பெண்ணியம் குறித்தான கருத்து பரவலாக இருந்ததற்கும் பெண்ணியம் தொடர்பான கருத்துகள் அதிகாரத்தில் இருந்தவர்களைச் சென்று சேர்வதற்கும் இந்த ஆவணப்படம் காரணமாக அமைந்தது என்று கூறியது. மேலும், இந்த ஆவணப் படத்தில் "ஆண்கள் அனைவரும் விலங்குகள்" என்று கூறிய வான் வச்சென்ஃபெல்ட்டை மேற்கோள் காட்டியது.[7]
சுவீடிய ஒளிபரப்புக் குழு புகார்கள்
[தொகு]இந்த ஆவணத் திரைப்படம் தொலைக்காட்சியில் ஒளிபரப்பான பிறகு பல புகார்கள் சுவீடிய ஒளிபரப்பு ஆணையத்தில் பதிவு செய்யப்பட்டன. மொத்தம் 174 புகார்கள் பதிவு செய்யப்பட்டது. இந்தப் புகார்கள் மீது எந்தத் தண்டனையும் வழங்கப்படவில்லை. ஆணையம், இந்த ஆவணத் திரைப்படம் நடுநிலை நோக்குடன் இருந்ததாகக் கூறினர்.[8][9][10]
இருப்பினும், நிகழ்ச்சியின் முதல் பாகத்தில் விவரிக்கப்பட்ட நிகழ்வுகளின் ஒரு பகுதியாக இருந்த மற்ற இரண்டு பெண்களின் புகாருக்குப் பிறகு, படத்தின் நோக்கம் நடுநிலையற்றதாக இருந்ததாகாக் குற்றம் சாட்டப்பட்டது [11]
விருது
[தொகு]2005 ஆம் ஆண்டில் வெளியான தெ ஜென்டர் வார் ஆவணத் திரைப்படம் சிறந்த ஆவணப்பட இயக்குனருக்கான கிறிஸ்டாலன் விருதினை 2005 ஆம் ஆண்டில் பெற்றுத் தந்தது. அதே ஆண்டில் இந்த ஆவணத் திரைப்படத்திற்கு ஸ்வெரிஜஸ் டெலிவிஷனின் சமத்துவ விருது பெற்றார்.
சான்றுகள்
[தொகு]- ↑ Waara, Anneli (2005-06-07). "Granskning av forskning kring mäns våld mot kvinnor inleds". University of Uppsala. Archived from the original on 2017-11-15. Retrieved 2015-08-21.
- ↑ Inga-Bodil Hermansson (2007-01-02). "Eva Lundgren kompenseras med nytt avtal". Genus.se. Retrieved 2015-08-21.
- ↑ "Eva Lundgren säger upp sig från Uppsala universitet". University of Göteborg. Retrieved 2015-08-21.
- ↑ Schyman, Gudrun (May 24, 2005). "FN stöder könsmaktsordning". Svenska Dagbladet. Retrieved 2015-08-21.
- ↑ "Kvinnojour lämnar Roks". Svenska Dagbladet. May 24, 2005. Retrieved 2015-08-21.
- ↑ Morén, Christoffer (July 6, 2005). "Ireen von Wachenfeldt lämnar Roks". Sveriges Radio. Retrieved 2015-08-21.
- ↑ Ekman, Ivar (October 20, 2005). "Swedish feminism put to the test". The New York Times. Archived from the original on March 31, 2013. Retrieved 2015-08-21.
- ↑ "Könskriget friades" (in Swedish). DN.SE. 2005-11-02. Archived from the original on 2015-05-20.
{{cite web}}: CS1 maint: unrecognized language (link) - ↑ "Beslut SB 820/05" (PDF) (in Swedish). Granskningsnämnden för radio och TV. 2005-11-02. Archived from the original (PDF) on 2006-07-01.
{{cite web}}: CS1 maint: unrecognized language (link) - ↑ "Programmet Plus och dokumentären Könskriget fälldes av granskningsnämnden". svt.se. Archived from the original on 2012-10-09. Retrieved 2011-06-11.
- ↑ "Beslut SB 220/06" (PDF) (in Swedish). Granskningsnämnden för radio och TV. 2006-03-22. Archived from the original (PDF) on 2006-07-01. Retrieved 2013-06-15.
{{cite web}}: CS1 maint: unrecognized language (link)