ஜூசெப்பே வேர்டி

ஜூசெப்பே வேர்டி
ஜூசெப்பே வேர்டி;
பிறப்பு	10 அக்டோபர் 1813; Le Roncole
திருமுழுக்கு	11 அக்டோபர் 1813
இறப்பு	27 சனவரி 1901 (அகவை 87); மிலன்
பணி	இசையமைப்பாளர், இசை நடத்துநர், எழுத்தாளர், அரசியல்வாதி
சிறப்புப் பணிகள்	See list of compositions by Giuseppe Verdi
விருதுகள்	Pour le Mérite for Sciences and Arts order, Knight Grand Cross of the Order of Saints Maurice and Lazarus, Order of Saint Stanislaus, Knight of the Legion of Honour, Grand Cross of the Legion of Honour, Civil Order of Savoy, Order of the Medjidie, Grand Officer of the Legion of Honour
இணையம்	http://www.verdi.san.beniculturali.it
கையெழுத்து
	[விக்கித்தரவில் தொகு]

ஜூசெப்பே போர்த்துனீனோ பிரான்சிஸ்கோ வேர்டி (Giuseppe Fortunino Francesco Verdi - அக்டோபர் 9 அல்லது 10, 1813 – ஜனவரி 27, 1901) ஒரு இத்தாலிய புனைவிய இசையமைப்பாளர். இவர் 19 ஆம் நூற்றாண்டின் இத்தாலிய இசைநாடக இசையமைப்பாளர்களில் மிகுந்த செல்வாக்கு மிக்கவராக விளங்கினார். இவரது ஆக்கங்கள் உலகம் முழுவதிலும் உள்ள ஒப்பேரா மாளிகைகளில் நிகழ்த்தப்படுவனவாக உள்ளன.

இளமைக்காலம்

இவர் புசேத்தோ என்னும் ஊருக்கு அண்மையில் உள்ள லே ரொங்கோலே என்னும் இடத்தில் பிறந்தார். இவரின் தந்தை கார்லோ ஜூசெப்பே வேர்டி, தாய் லூஜியா உத்தினி. அக்டோபர் 11 ஆம் தேதியிடப்பட்ட இவரது ஞானஸ்நானப் பதிவேடு "நேற்றுப் பிறந்தவர்" எனக் குறிப்பிடுகிறது. நாள் சூரியன் மறைவுக்குப் பின்னர் தொடங்குவதாகக் கருதப்படும் வழக்கம் உண்டு என்பதால் இவர் 9 அல்லது 10 ஆம் தேதி பிறந்திருக்கலாம் எனக் கருதப்படுகிறது.