ஜான் பீட்டர் அக்ரா

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

ஜான் பீட்டர் அக்ரா (John Peter Huchra) (pronounced HUCK-ruh; திசம்பர் 23, 1948 - அக்தோபர் 8, 2010[1]) ஓர் அமெரிக்க வானியலாளரும் பேராசிரியரும் ஆவார் .இவர் ஆர்வார்டு பல்கலைக்கழகத்தின் ஆராய்ச்சிக் கொள்கைக்கான துணைக் கல்விப் புரவலர் ஆகவும் ஆர்வார்டு-சுமித்சோனிய வானியற்பியல் மையப் பேராசிரியராகவும் இருந்தார்.[2] இவர் பன்னாட்டு வானியல் கழகத்தின் அமெரிக்க தேசியக் குழுவின் தலைவராகவும் இருந்துள்ளார்.[2] and past president of the American Astronomical Society.[3][4]

அக்ரா நியூசெர்சியின் செர்சி நகரில் 1948 திசம்பர் 23 இல் பிறந்தார், இவரது தந்தையார் தொடர்வண்டி நடத்துநர் ஆவார், தாயார் மனையறங் காத்தவர். இவர் நியூசெர்சியில் உள்ள இரிட்ஜ்பீல்டு பார்க்கில் வளர்ந்தார். இவர் அண்டவியல், அறிவியல் புனைவு நூல்களில் ஆர்வம் செலுத்தினார். இவர் மசாசூசட் தொழில்நுட்ப நிறுவன மற்போர்க் குழுவில் உறுப்பினராக இருந்தார். இந்நிறுவனத்தில் இவர் 1970 இல் இயற்பியல் முதன்மையாக எடுத்து பட்டம் பெற்றார். இவர் கலிபோர்னியா தொழில்நுட்ப நிறுவனத்தில் வானியலில் முனைவர் பட்டம் பெற்றார். இவர் 1976 இல் ஆர்வார்டு-சுமித்சோனிய வானியற்பியல் மையத்தில் தன்முதுமுனைவர் ஆய்வை மேற்கொண்டார். மேலும் அங்கு தன் வாழ்நாள் பணி முழுவதும் இருந்துள்ளார்.[5]

தன்னுடன் பணிபுரிந்த வானியலாளர்களாகிய மார்க் ஆரோன்சன், ஜெரெமி மவுல்டு ஆகியோருடன் இணைந்து சில சுருள் பால்வெளிகளின் பொலிவையும் சுழற்சி வேகத்தையும் பகுப்பாய்வு செய்து புடவி ஒன்பது பில்லியன் ஆண்டு அகவை உடையது என அறிவித்தார். இது முன்பு கருதியதைப் போல அரைபங்கினதாகும்.[5]

மேற்கோள்கள்[தொகு]

  1. Obituary, Boston.com
  2. 2.0 2.1 Welcome to John Huchra's Website, Harvard–Smithsonian Center for Astrophysics
  3. Kirshner, R. (2010). "John Huchra (1948–2010)". Nature 468 (7321): 174. doi:10.1038/468174a. பப்மெட் 21068817. 
  4. Moran, J. M. (2011). "John Peter Huchra". Physics Today 64 (10): 66–61. doi:10.1063/PT.3.1305. 
  5. 5.0 5.1 Overbye, Dennis. "John Huchra Dies at 61; Maps Altered Ideas on Universe", The New York Times, October 13, 2010. Accessed October 14, 2010.

வெளி இணைப்புகள்[தொகு]

"https://ta.wikipedia.org/w/index.php?title=ஜான்_பீட்டர்_அக்ரா&oldid=2178009" இருந்து மீள்விக்கப்பட்டது