ஜனனி ஜுகுமர்

ஜனனி ஜுகுமர் என்பது ஜார்கண்டின் சோட்டா நாக்பூர் பீடபூமி பகுதியின் நாக்புரி நாட்டுப்புற நடனமாகும். இது பெண்களை மையப்படுத்தி ஆடப்படும் நடனம். மந்தர், தோல் மற்றும் பான்சி போன்ற கருவிகளின் இசை பயன்படுத்தப்பட்டு நடனம் ஆடப்படுகிறது . பெண்கள் ஒருவரையொருவர் கைப்பிடித்து, ஒரு நேர்கோட்டை உருவாக்கி, வட்டமிட்டுக்கொண்டே நடனமாடுகிறார்கள். நடன அசைவுகள் ஒவ்வொன்றும் பெண்மையின் அழகைக் கொண்டுள்ளன. பெண்கள் பாடி ஆடும்போது, ஆண்கள் இசைக்கருவிகளை வாசிக்கிறார்கள். இந்த நடனம் கரம் மற்றும் ஜிதியா திருவிழாவில் ஆடப்படுகிறது.

இந்த நடனம் முற்றத்தில் ஆடும் போது ஆங்ஞை என்றும் அழைக்கப்படுகிறது.

விழாக்கள் மற்றும் நடனம் ஆடப்படும் முறைகளை அடிப்படையாக கொண்டு

• அங்னாய் சந்தந்தாரி,
• பஹில்சஞ்சா,
• அத்ராதியா,
• பின்சாரியா,
• உதாவா,
• ததௌவா,
• லஹாசுவா,
• கெம்தா,
• தைத்தாரா, மற்றும்
• ரஸ்கிரிடா போன்ற பல வகைகளாகப் பிரிக்கப்பட்டுள்ளது.

அதே போல பிராந்தியத்தின்படி, இது

• பூர்பஹா,
• பச்சிமஹா,
• உத்தரஹா,
• தக்ஷினாஹா,
• சோன்பூரியா,
• நாக்பூரியா,
• ஜஷ்புரியா,
• கங்பூரியா,
• அஸ்ஸாமியா என பிரிக்கப்பட்டுள்ளது. நடனங்கள் ஆஷாத் மாதத்தில் (ஜூன்-ஜூலை) தொடங்கி, கார்த்திக் (அக்டோபர்-நவம்பர்) வரை தேவுதன் வரை தொடரும். பின்னர் திருமண சீசன் தொடங்கி டோம்காச் நடனத்தின் சீசன் வருகிறது.