சௌக்கிட்

சௌக்கிட் Chow Kit
கோலாலம்பூர் புறநகர்ப் பகுதி
ஆள்கூறுகள்:
நாடு	மலேசியா
மாநிலம்	கோலாலம்பூர்
மாவட்டம்	சௌக்கிட்
நகரத் தோற்றம்	1857
கோலாலம்பூர் மாநகராட்சி	1. பெப்ரவரி 1972
அரசு
• கோலாலம்பூர் மாநகர முதல்வர்	மைமுனா முகமது சரீப்
• அடர்த்தி	6,696/km2 (17,340/sq mi)
நேர வலயம்	மலேசிய நேரம் ஒ.ச.நே + 08:00
அஞ்சல் குறியீடு	5xxxx
தொலைபேசி எண்கள்	+60
இணையதளம்	http://www.dbkl.gov.my

சௌக்கிட் (Chow Kit) என்பது மலேசியா, கோலாலம்பூர் மாநகரத்தில் உள்ள துணை மாவட்டம் ஆகும். இது சௌக்கிட் சாலையில் உள்ளது. சௌக்கிட் சாலையின் இரு புறமும் ராஜா லாவுட் சாலை, துவாங்கு அப்துல் ரகுமான் சாலை என இரு சாலைகள் இணையாகச் செல்கின்றன.

முன்பு காலத்தில் சௌக்கிட் பகுதியில் லோக் சௌக்கிட் (Loke Chow Kit) எனும் ஈயத் தொழில் செல்வந்தர் இருந்தார். அவர் நகராட்சி மன்ற உறுப்பினராகவும் பதவி வகித்தார். அவர் பல தார்மீகப் பணிகளில் ஈடுபட்டு மக்களுக்கு உதவிகள் செய்தார். அவரின் நினைவாக அப்பகுதிக்கு சௌக்கிட் என்று பெயர் வந்தது.

1960-ஆம் ஆண்டுகளில் சைக்கிட் பகுதிகள் சீனர்களின் முதன்மை வசிப்பிடமாக விளங்கின. 2000-ஆம் ஆண்டுகளில் மாற்றம் கண்டது. தற்போது இந்தோனேசியர்களின் சொர்க்கபுரியாக மாறி விட்டது. இங்கு தற்போது அதிகமான மலாய்க்காரர்களும் சந்தை வியாபாரங்களில் ஈடுபட்டுள்ளனர். சௌக்கிட் அருகில் கம்போங் பாரு எனும் மலாய்க் குடியிருப்பு பகுதி உள்ளது. இங்கு மலாய்க்காரர்கள் பன்னெடுங்காலமாக வாழ்ந்து வருகின்றனர்.

பொது

சௌக்கிட் பசார் எனும் சந்தையில் காய்கறிகள், இறைச்சிகள், மீன்கள் போன்றவை விறகப்படுகின்றன. வெளிநாட்டு சுற்றுப்பயணிகள் சௌக்கிட் பசாருக்கு (Bazaar Baru Chow Kit) வருகை புரிவது வாடிக்கையாகி விட்டது.

இங்குள்ள இரவுச் சந்தையும் (Bundle Chow Kit) மிகப் பிரபலமானது. 2003-ஆம் ஆண்டு இங்கு 8 ஒற்றைத் தண்டூர்தி நிலையம்  MR10  சௌக்கிட் நிலையம் (Monorail) கட்டப்பட்டது. ஒவ்வொரு நாளும் ஆயிரக் கணக்கானோர் இந்த ஒற்றைத் தண்டவாளச் சேவையைப் பயன்படுத்துகின்றனர்.