சூர்ணால் டி சவான்
சூர்ணால் டி சவான் (Journal des sçavans) (பின்னர் Journal des savants ), என்னும் பிரான்சிய மொழி ஆய்விதழே, அறிவியல் ஆய்விதழ்களின் முன்னோடி. இதனை இடெனி டி சாலோ(Denis de Sallo) என்பவர் பாரிசில் தொடங்கினார். இதுவே ஐரோப்பாவில் இருந்து வெளியான முதல் மேற்கல்விய ஆய்விதழ் (academic journal), ஆனால் முற்காலத்தில், இதில் வெளியானவற்றில் சில பகுதிகள், ஆய்வு பற்றியவை அல்ல. பரவலாக அறியப்பட்டவர்களின் இறப்புச் செய்திகள், சர்ச்சுகளின் வரலாற்றுச் செய்திகள், சில சட்ட அறிக்கைகள் முதலியனவும் வெளியிடப்பட்டன[1]. முதல் இதழ் 12 பக்க நால்மடிப்புத் தாளால் (quarto) ஆன "துண்டு வெளியீடு" (pamplet)[2] on Monday, 5 January 1665.[3]. இந்த பிரான்சிய ஆய்விதழ் வெளியான இரண்டு மாதங்களில் கழித்து இங்கிலாந்தில் இருந்து பிலசாபிக்கல் மாகசீன் ஆவ் த ராயல் சொசையிட்டி (Philosophical Transactions of the Royal Society) என்னும் ஆங்கிலமொழி ஆய்விதழ், மார்ச்சு 6, 1665 இல் வெளியிடப்பட்டது[4] என்பது குறிப்பிடத்தக்கது
இந்தப் பிரான்சிய ஆய்விதழின் வெளியீடு, 127 ஆண்டுகள் கழித்து,பிரான்சியப் புரட்சி (பிரெஞ்சுப் புரட்சி) நடந்த பொழுது, 1792 இல்,நிறுத்தப்பட்டது. மீண்டும் இவ்விதழ் 1797 இல். ஏறத்தாழ அதே போல ஒலிக்கும், ஆனால் வேறு எழுத்துக்கூட்டலோடு, Journal des savants என்னும் பெயரில் வெளி வந்தது என்றாலும், மீண்டும் 1816 வரை சீரான கால இடைவெளியுடன் வெளியிடப்பெறவில்லை. இவ்விதழ் பெரும்பாலும் இலக்கிய இதழாக மாறிப்போனது, பிற்காலங்களில் இது தாக்கம் மிக்க அறிவியல் முன்னிலை ஆய்வுகளைத் தாங்கிவரும் ஆய்விதழாக இருக்கவில்லை[1][5].
மேற்கோள்களும் அடிக்குறிப்புகளும்[தொகு]
- ↑ 1.0 1.1 The Amsterdam printing of the Journal des sçavans, Dibner Library of the Smithsonian Institution
- ↑ Brown, 1972, p. 368
- ↑ Hallam, 1842, p. 406.
- ↑ Philosophical Transactions of the Royal Society Vol.1, Issue 1, is dated March 6, 1665. See also History of the Journal at http://publishing.royalsociety.org/index.cfm?page=1244[தொடர்பிழந்த இணைப்பு]
- ↑ James, 2004, xv.
மேலும் படிக்க[தொகு]
- Brown, Harcourt (1972). "History and the Learned Journal". Journal of the History of Ideas, 33(3), 365-378.
- Hallam, Henry (1842). Introduction to the Literature of Europe in the Fifteenth, Sixteenth, and Seventeenth Centuries. Harper & Brothers.
- James, Ioan (2004). Remarkable Physicists: From Galileo to Yukawa. Cambridge: Cambridge University Press. பன்னாட்டுத் தரப்புத்தக எண் 0521017068
- Kilgour, Frederick G. (1998). The Evolution of the Book. New York: Oxford University Press. பன்னாட்டுத் தரப்புத்தக எண் 0195118596
வெளியிணைப்புகள்[தொகு]
- Journal des sçavans at Gallica
- The modern Journal des Savants பரணிடப்பட்டது 2012-02-24 at the வந்தவழி இயந்திரம்
