சுங்கம் அச்சலு
சுங்கம் அச்சலு (Sunkam Achalu)(3 மார்ச் 1924 - 9 ஆகத்து 1983) ஓர் இந்திய அரசியல்வாதி ஆவார். இவர் மக்களவையின் (இந்திய நாடாளுமன்றத்தின் கீழ் சபை) உறுப்பினராக 1952 முதல் 1957 வரை ஆந்திராவின் நல்கொண்டா மக்களவைத் தொகுதியினைப் பிரதிநிதித்துவப்படுத்தினார்.
இளமை[தொகு]
கசய்யாவின் மகனான சுங்கம் அச்சலு 3 மார்ச் 1924 அன்று நல்கொண்டாவில் பிறந்தார்.[1] முறையான கல்வியைப் பெறாதா இவர், விவசாயியாக வேலை செய்தார்.[1] வீட்டில் உருதும் தெலுங்கும் படிக்கவும் எழுதவும் கற்றுக்கொண்டார். இதனுடன் அடிப்படை ஆங்கிலத் திறன்களைப் பெற்றார்.[2] 1946ஆம் ஆண்டு லிகாம்மாவை மணந்தார்.[1] நல்கொண்டா நகரில் உள்ள பட்டுகுடாவில் வசித்து வந்தார்.[3]
சமூக பணி மற்றும் அரசியல் போராட்டங்கள்[தொகு]
சுங்கம் அச்சலு பட்டியல் சாதியினரின் முன்னேற்றத்திற்கான நீண்ட போராட்டத்திற்குத் தலைமை தாங்கினார். இளம் வயதிலேயே இந்திய தேசிய காங்கிரசின் உறுப்பினராகப் பணியாளரானார். பின்னர் அச்சலு காங்கிரசு கட்சியை விட்டு வெளியேறி, பட்டியல் சாதிகள் கூட்டமைப்பு தலைவராக ஆனார்.[2] 1948 மற்றும் 1950க்கு இடையில் இவர் இந்தியக் குடியரசுக் கட்சியின் நல்கொண்டா மாவட்ட கிளையின் தலைவராக பணியாற்றினார். ஐதராபாத் பட்டியலிடப்பட்ட சாதிகள் கூட்டமைப்பின் செயற்குழு உறுப்பினராகவும் இருந்தார்.[1]
1952 தேர்தல்[தொகு]
இருப்பினும், 1952 இந்திய பொதுத் தேர்தலுக்கு முன்னதாக, மக்களவைக்குப் போட்டியிட இவருக்கு இந்தியக் குடியரசுக் கட்சியின் சார்பில் அனுமதி மறுக்கப்பட்டது. நல்கொண்டா மக்களவைத் தொகுதி பட்டியல் சாதியினருக்கு ஒதுக்கப்பட்ட நிலையில் மக்கள் சனநாயக முன்னணியின் வேட்பாளராக இவர் போட்டியிட்டார்.[1][4] இவர் ரவி நாராயண ரெட்டியின் துணையாக இருந்தார்.[2] சுங்கம் அச்சலு, அதிக வாக்கு வித்தியாசத்தில் வெற்றி பெற்றார்.[1][4] இவர் 282,117 வாக்குகளைப் பெற்றார்.[5] இவரது இந்தியக் குடியரசுக் கட்சி எதிர்ப்பாளர் தனது வைப்புத்தொகையை இழந்தார். 27 வயது, சுங்கம் அச்சலு இந்த நேரத்தில் இளம் நாடாளுமன்ற உறுப்பினர்களில் ஒருவர்.[2]
கட்சி உறுப்பினராக இல்லாவிட்டாலும், மக்களவையில் இந்தியப் பொதுவுடமைக் கட்சியின் நாடாளுமன்றக் குழுவில் சுங்கம் அச்சலு செயல்பட்டார். பட்டியலிடப்பட்ட சாதியினரின் முன்னேற்றத்திற்கு முன்னுரிமை அளிக்க இவர் கட்சியில் செல்வாக்கு செலுத்த முயன்றார்.[2]
இறப்பு[தொகு]
சுங்கம் அச்சலு 9 ஆகத்து 1983 அன்று நல்கொண்டாவில் இறந்தார்.[6][7]
மேற்கோள்கள்[தொகு]
- ↑ 1.0 1.1 1.2 1.3 1.4 1.5 Lok Sabha. Members Bioprofile: ACHALU, SHRI SUNKAM
- ↑ 2.0 2.1 2.2 2.3 2.4 Hari Sharan Chhabra (1952). Opposition in the Parliament: a unique, authentic and comprehensive biographical dictionary of M. P.'s on opposition benches. New Publishers. பக். 40. https://books.google.com/books?id=R-k1AAAAIAAJ.
- ↑ Subodh Chandra Sarkar (1952). Indian Parliament and state legislatures: being the supplement to Hindustan year book, 1952. M.C. Sarkar. பக். 120. https://books.google.com/books?id=oc05AQAAIAAJ.
- ↑ 4.0 4.1 Gail Omvedt (30 January 1994). Dalits and the Democratic Revolution: Dr Ambedkar and the Dalit Movement in Colonial India. SAGE Publications. பக். 273. பன்னாட்டுத் தரப்புத்தக எண்:978-81-321-1983-8. https://books.google.com/books?id=leuICwAAQBAJ&pg=PT273.
- ↑ Election Commission of India. STATISTICAL REPORT ON GENERAL ELECTIONS, 1951 TO THE FIRST LOK SABHA - VOLUME I (NATIONAL AND STATE ABSTRACTS & DETAILED RESULTS)
- ↑ Lok Sabha Debates. Lok Sabha Secretariat. 1983. பக். 1. https://books.google.com/books?id=NFVPAQAAMAAJ.
- ↑ The Journal of Parliamentary Information. Lok Sabha Secretariat. 1983. பக். 355. https://books.google.com/books?id=pKCNAAAAMAAJ.