மூறூனீ

மொரோனி அரபு மொழி: موروني‎ Mūrūnī
நாடு	Comoros
தீவு	பெரிய கொமோரி
தலைநகரம்	1962
பரப்பளவு
• மொத்தம்	30 km2 (10 sq mi)
ஏற்றம்	29 m (95 ft)
மக்கள்தொகை (2011)
• மொத்தம்	54,000
• அடர்த்தி	1,800/km2 (4,700/sq mi)
நேர வலயம்	கிழக்கு ஆபிரிக்க நேரம் (ஒசநே+3)
தொலைபேசி குறியீடு	269

மொரோனி, கொமொரோசு நாட்டின் தலைநகரமும் மிகப்பெரிய நகரமும் ஆகும். இந்நகரிலேயே கொமொரோசு நாட்டின் அரசபீடம் அமைந்துள்ளது. மேலும், கொமொரோசு நாட்டின் மூன்று முக்கிய தீவுகளில் பெரியதான பெரிய கொமோரி தீவின் தலைநகரமும் ஆகும். கொமோரிய மொழியில் மொரோனி என்பது 'நெருப்பின் மத்தியிலே' என பொருள்படும். இந்நகரம் கர்த்தாலா எரிமலையின் அடிவாரத்திலே அமைந்துள்ளது. இது ஒரு துறைமுக நகரமாகும்.

வரலாறு

பத்தாம் நூற்றாண்டில் அரேபியக் குடியேறிகளால் தன்சானியாவின் சன்சிபாருடன் வர்த்தகத் தொடர்புடைய ஒரு சுல்த்தானகத்தின் தலைநகரமாக மொரோனி நகரம் தோற்றுவிக்கப்பட்டது. கொமொரோசு ஒன்றியத்தின் ஒரு தீவாகிய அஞ்சோவன் தீவின் பிரதிநிதிகளால் அதிகாரம் பரவலாக்கப்படும் உடன்படிக்கை நிராகரிக்கப்பட்டதையடுத்து 1999 ஏப்ரலில் இங்கு குழப்பமும் வன்முறையும் வெடித்தது.

புவியியல்

இந்நகரம் பெரிய கொமோரி தீவின் மேற்குக்கரையில் அமைந்துள்ளது. நகரின் கடற்கரையின் பெரும்பகுதி எரிமலைப்பாறைகள் நிறைந்தாகக் காணப்படுகின்றது. நகரின் வடக்கே இற்சந்திரா எனுமிடத்தில் கடற்கரைப்பகுதியில் பதினைந்தாம் நூற்றாண்டைச் சேர்ந்த சுல்த்தான் கோட்டை மற்றும் அரண்மனையின் அழிந்த சுவடுகள் காணப்படுகின்றன.