சுரப்பி

மனிதக் கன்னஎலும்புக்கீழ்ச் சுரப்பி. At the right is a group of mucous alveoli, at the left a group of serous alveoli.

சுரப்பி என்பது, விலங்குகளின் உடம்பில் இயக்குநீர்கள், முலைப்பால், கண்ணீர், வியர்வை, உமிழ்நீர் போன்றவற்றை உருவாக்கி வெளிவிடும் ஒரு உறுப்பு ஆகும். இவ்வாறு சுரக்கும் நீர்மம் ஆனது இரத்த ஓட்டத்துடன் கலக்கிறது அல்லது உடலுக்குள் உள்ள குழிகளுள் அல்லது உடல் மேற்பரப்பில் விடப்படுகிறது. இரத்தஓட்டத்தினுள் நீர்மங்களைச் சுரக்கும் சுரப்பிகள் அகச்சுரப்பிகள் என்றும், மற்றவகை புறச்சுரப்பிகள் என்றும் அழைக்கப்படுகின்றன.

வகைகள்

சுரப்பிகள் இரண்டு பெரும்பிரிவுகளாகப் பிரிக்கப்படுகின்றன. அவை:

• அகச்சுரப்பிகள்: இவை தமது சுரப்புநீரைச் சுரந்து நேரடியாக, தமக்கு குருதி வழங்கும் குருதிக்குழாய்கள் மூலம் குருதியினுள் சேர்க்கின்றன.
• புறச்சுரப்பிகள்: இவை தமது சுரப்பிநீரை குழாய்கள் அல்லது கான்களினுள் சுரந்து விடுகின்றன. இப் பிரிவில் உள்ள சுரப்பிகள் மேலும் மூன்று பிரிவுகளாகப் பிரிக்கப்படுகின்றன.
  • ஆப்போகிறைன் சுரப்பிகள்: இதில் சுரத்தலின்போது சுரக்கும் உயிரணுக்களின் ஒரு பகுதி இழக்கப்படுகின்றது. சுரப்பிக் கலங்களின் முதலுருமென்சவ்வு, சுரப்புநீரை உள்ளடக்கி, அரும்பு போன்று வெளித்தள்ளிப்படும்போது சுரப்பு வெளியேறுகின்றது. அப்போகிறைன் சுரப்பிகள் எனும்போது பொதுவாக அப்போகிறைன் வியர்வைச் சுரப்பிகள் குறிப்பிடப்படுகின்றது. எனினும் சுரத்தலுக்கு அப்போகிறைன் முறை பயன்படுத்தப்படாததால் இவ் வியர்வைச் சுரப்பிகள் உண்மையான அப்போகிறைன் சுரப்பி அல்ல என்றும் கருதப்படுகிறது.
  • ஹொலோகிறைன் சுரப்பிகள்: சுரத்தலின்போது சுரக்கும் கலம் முழுவதுமே அழிந்துபோகிறது.
  • மெரோகிறைன் சுரப்பிகள்:

புறச்சுரப்பிகளின் சுரப்புப் பொருள் அடிப்படையிலும் சுரப்பிகள் மூன்று பிரிவுகளாக உள்ளன:

• ஊநீர்ச் சுரப்பிகள்: நீர்த்தன்மையான புரதம் நிறைந்த பொருளைச் சுரப்பவை.
• சளிமச் சுரப்பிகள்: சளி போன்ற, அதிக மாப்பொருளைக் கொண்ட பொருளைச் சுரப்பவை.
• கொழுப்புச் சுரப்பிகள்: கொழுப்புத் தன்மையான பொருள்களைச் சுரப்பவை.