கோனார்
| குறிப்பிடத்தக்க மக்கள்தொகை கொண்ட பகுதிகள் | |
|---|---|
| தமிழ்நாடு | |
| மொழி(கள்) | |
| தமிழ் | |
| சமயங்கள் | |
| இந்து | |
| தொடர்புள்ள இனக்குழுக்கள் | |
| ஆயர், யாதவர்[1] |
கோனார் (Konar) எனப்படுவோர் தமிழகத்தில் வாழுகின்ற ஓர் இனக்குழுவினர் ஆவர். இவர்கள் மாடு வளர்ப்பதை தொழிலாக கொண்டவர்கள். இவர்களை தற்காலத்தில் யாதவர்கள் என்றும் குறிப்பிடுகின்றனர். மேலும் ஆயர் மற்றும் இடையர் என்றும் அழைக்கப்படுகிறார்கள்.[2] பண்டைய சங்க இலக்கியங்களில் முல்லை (வனப் பகுதி) வாசிகளாகக் காணப்படுகின்றனர்.[3]
தமிழ்நாடு அரசு இடவொதுக்கீட்டு பட்டியலில், இவர்கள் பிற்படுத்தப்பட்ட பிரிவில் உள்ளனர்.[4]
சொற்பிறப்பு
ஆல்ஃப் ஹில்டெபீட்டல் கூற்றுப்படி, கோனார் ஒரு தமிழ் சாதியாகும், அவர்கள் கிருஷ்ணர் சார்ந்த ஜாதியான யாதவரை தங்கள் பிறப்பிடமாகக் கருதுகின்றனர்.[5] பல வைணவ நூல்கள் கிருஷ்ணரை ஆயர் சாதி அல்லது கோனார், குறிப்பாக ஆண்டாள் தேவியால் இயற்றப்பட்ட திருப்பாவை, குறிப்பாக கிருஷ்ணரை "ஆயர் குலத்து மணி விளக்கே" என்று குறிப்பிடுகின்றன. கோனார் மற்றும் கோவலர் ஆகிய பெயர்கள் கோன் என்ற தமிழ் வார்த்தையிலிருந்து பெறப்பட்டவை ஆகும். இது "ராஜா" மற்றும் "கால்நடை வளர்ப்போர்" என்று பொருள்படும்.[6][7] இந்த வார்த்தை சமசுகிருத வார்த்தையான கோ (மாடு) என்பதிலிருந்து அல்லது தமிழ் வார்த்தையான கோல் (கால்நடை வளர்ப்பவர்) என்பதிலிருந்து பெறப்பட்டவையாகும்.[6]
ஆயர் என்ற சொல் பசு என்ற பொருளைக் கொண்ட ஆ என்ற தமிழ் வார்த்தையிலிருந்து பெறப்பட்டிருக்கலாம்.[6] இடை (நடுத்தர) என்ற சொல் முல்லை பகுதியைக் குறிக்கும். இது குறிஞ்சி (மலைப் பகுதி) மற்றும் மருதம் (வயல் பகுதி) என அழைக்கப்படும், இரண்டு சங்க நிலப்பரப்புகளுக்கு இடையிலான இடைநிலை மண்டலமாகும்.[8] இடையர் என்பது ஒரு மாடு வளர்ப்பவருக்கு தமிழில் பொதுவாகப் பயன்படுத்தப்படும் வார்த்தையாகும்.
இவர்கள் கால்நடை மேய்த்தல் தொழிலைச் செய்பவர்களாக இருந்தனர். தமிழ்நாடு சாதிகள் பட்டியல் காட்டும் பிற்படுத்தப்பட்ட சாதிகளில் இவர்கள், தமிழரான இடையர்கள் ஆவர். இவர்களோடு தெலுங்கர்களான வடுக அஸ்தாந்திர கொல்லா பிரிவினரையும் சேர்த்து யாதவர் என்று அழைக்கப்படுகின்றனர்.
வரலாறு
இடைக்கால கல்வெட்டுகளின்படி, கோனர்கள் யாதவ வம்சாவளியைச் சேர்ந்த நந்தபுத்திரர்கள் என்று குறிப்பிடப்படுகிறார்கள். வரலாற்று ரீதியாக அவர்களில் சிலர் மன்னர்கள் மற்றும் தலைவர்கள் போன்ற பதவிகளை வகித்துள்ளனர்.[9]
இதையும் பார்க்கவும்
மேற்கோள்கள்
- ↑ Temples of Kr̥ṣṇa in South India: history, art, and traditions in Tamilnāḍu. Abhinav publications. p. 35.
- ↑ Richard, Guy (1982). Religious Festivals in South India and Sri Lanka. Manohar. p. 128. ISBN 9780836409000.
- ↑ Bloomer, Kristin C. (2018). Possessed by the Virgin: Hinduism, Roman Catholicism, and Marian Possession in South India (in ஆங்கிலம்). Oxford University Press. p. 258. ISBN 9780190615093.
- ↑ "List of Backward Classes approved by Government of Tamil Nadu".
- ↑ Hiltebeitel, Alf (1988). The cult of Draupadī: Mythologies : from Gingee to Kurukserta, Volume 1 (in ஆங்கிலம்). University of Chicago Press. p. 91. ISBN 9780226340463. Archived from the original on 2021-03-17.
- ↑ 6.0 6.1 6.2 Allchin, Frank Raymond (1963). Neolithic Cattle-keepers of South India. Cambridge University. p. 101.
- ↑ Hiltebeitel, Alf (1988). The Cult of Draupadi. University of Chicago Press. p. 35. ISBN 9780226340463.
- ↑ Ramaswamy, Vijaya (2017). Historical Dictionary of the Tamils (in ஆங்கிலம்). Rowman & Littlefield. p. 153. ISBN 9781538106860.
- ↑ Hiltebeitel, Alf (1988). The cult of Draupadī: Mythologies : from Gingee to Kurukserta, Volume 1 (in ஆங்கிலம்). Motilal. p. 99. ISBN 81-208-1000-7.