கொணவக்கரை பாறை ஓவியங்கள்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

கொணவக்கரை பாறை ஓவியங்கள், நீலகிரி மாவட்டத்தில், கோத்தகிரிக்கு அண்மையில் உள்ள கொணவக்கரை என்னும் ஊரின் மலைப்பகுதியில் காணப்படும் பழைய காலத்தைச் சேர்ந்த பாறை ஓவியங்கள் ஆகும். இங்கு விலங்கு உருவங்களும், மனித உருவங்களும் காணப்படுகின்றன.[1]

ஓவியங்கள்[தொகு]

இங்குள்ள ஓவியங்கள் வெள்ளை நிறங்கொண்டு வரையப்பட்டவை. பெரும்பாலும், கோட்டுருவங்களாக அல்லாமல், நிறம் நிரப்பு முறையில் வரையப்பட்டனவாகத் தோற்றுகின்றன.[2] இவை தடிப்பான தூரிகைகளைக் கொண்டு வரையப்பட்டிருக்கக்கூடும் எனச் சில ஆய்வாளர்கள் கருதுகின்றனர்.[3] இங்குள்ள ஒரு ஓவியத்தில் பெரிய மனித உருவம் ஒன்றின் முன் சிறிய வில்லேந்திய மனிதர்கள் காணப்படுகின்றனர். இது ஒரு மந்திரச் சடங்கு நிகழ்வைக் குறிப்பதாக இருக்கலாம் என இராசு பவுன்துரை கருதுகிறார்.[4] வில்லேந்திய மனிதர்களைக் கொண்ட ஓவியம் ஒரு போர்க் காட்சியைக் குறிப்பதாக இருக்கலாம் என்பது வேறு சில ஆய்வாளர்களின் கருத்து.[5]

பசுவும் கன்றும், ஆடு, குதிரை போன்ற விலங்குகள் இங்குள்ள ஓவியங்களில் காணப்படுகின்றன. குதிரையில் மனித உருவம் அமர்ந்திருப்பதாகக் காட்டப்பட்டுள்ளது.

மேற்கோள்கள்[தொகு]

  1. பவுன்துரை, இராசு., 2001, பக். 103 - 108.
  2. பவுன்துரை, இராசு., 2001, பக். 103.
  3. Dayalan, D.
  4. பவுன்துரை, இராசு., 2001, பக். 104.
  5. Dayalan, D.

உசாத்துணைகள்[தொகு]

  • பவுன்துரை, இராசு., தமிழகப் பாறை ஓவியங்கள், மெய்யப்பன் தமிழாய்வகம், சிதம்பரம், 2001.
  • Dayalan, D., Rock Art in Tamilnadu and its Archaeological Perspective.

இவற்றையும் பார்க்கவும்[தொகு]