கர்நாடக சமையல்

கர்நாடக சமையல் (Karnataka cuisine) என்பது கர்நாடகாவின் பல்வேறு பகுதிகளிலும் சமூகங்களிலும் உள்ள பாரம்பரிய உணவு வகைகளைக் குறிப்பதாகும். இதில் வடகர்நாடக உணவு, தென்கர்நாடக உணவு, உடுப்பி சமையல், சரஸ்வத் உணவு, குடகு சமையல், மங்களூர் கத்தோலிக்க உணவு மற்றும் நவயத் உணவுகள் அடங்கும்.^[1]^[2] மைசூர்பாகு, மைசூர் மசாலா தோசை, சொளவ் சொளவ் பாத், பிசிபெலா பாத் முதலியன குறிப்பிடத்தக்கச் சைவ உணவுகளாகும்.. கர்நாடக உணவு வகைகளின் சுவையும், வகைகளும் இடத்திற்கு இடம் மாறுபடுகிறது. வடகர்நாடக உணவுகள் முக்கியமாக சைவ உணவு முறையினைப் பற்றியது என்றால், கடலோரப் பகுதி உணவுகள் கடல் மீன்களைச் சார்ந்தவையாக உள்ளன. குடகு பகுதியில் இறைச்சி சார்ந்தும், மங்களூர் பகுதி உணவு தேங்காய் மற்றும் உள்ளூர் மசாலாப் பொருட்களின் செழுமையுடன் உள்ளது.^[3]

அவலக்கி - மசாலாப் பொருட்களுடன் சமைக்கப்பட்ட தட்டையான புழுங்கல் அரிசி. கருநாடகாவில் அவலாக்கி மஜ்ஜிகே அல்லது கொஜ்ஜூவுடன் சாப்பிடப்படுகிறது
ராகி முத்தே - இது கருநாடகாவின் கிராமப்புறங்களில் மிகவும் பிரபலமானது. இதை பஸ்சாரு மற்றும் உப்சாருவுடன் சாப்பிடலாம்.^[4]
உப்சாறு - எளிய சாம்பார். இது உப்பு, தண்ணீர், பருப்பு, காய்கறிகள் மற்றும் மிளகாய் கலந்து தயாரிக்கப்படுகிறது.
பசாரு - பருப்பு மற்றும் கீரைகள் வற்றிய தண்ணீரைப் பயன்படுத்தி தயாரிக்கப்படுகிறது
மைசூர் பாகு - உளுந்து மாவு, நெய்யைப் பயன்படுத்தி தயாரிக்கப்படும் மிகவும் பிரபலமான இனிப்பு உணவு
பிசிபேலே பாத்- காரமான அரிசி சார்ந்த உணவாகும். இது கருநாடகாவின் மைசூரில் தோன்றி அங்கிருந்து தென்னிந்தியா முழுவதும் பரவியுள்ளது.^[5]
சித்ரான்னா - அரிசி, வெங்காயம், பச்சை மிளகாய், எலுமிச்சை அல்லது பச்சை மாங்காய் தோல், கொத்தமல்லி இலைகள் மற்றும் மஞ்சள் ஆகியவற்றைப் பயன்படுத்தி சித்ரான்னா தயாரிக்கப்படுகிறது.
ஜோலடா ரொட்டி (சோளத்தோசை) - இது பெரும்பாலான வட கருநாடகாவின் பிரதான உணவாகும். இது பருப்பு கறிகள், பலவகையான சட்னிகளுடன் உண்ணப்படுகிறது.^[6]
கோலிகே (ஒப்பாட்டு) - கருநாடகாவில் மிகவும் பிரபலமான இனிப்பு உணவு
நீர் தோசை - மங்களூர் மற்றும் மலேநாடு பகுதியில் மிகவும் பிரபலமானது^[7]