கங்னம் ஸ்டைல் என்பது ஜூலை 15, 2012 வாக்கில் தென் கொரிய இசைக்கலைஞர் சையால் வெளியிடப்பட்ட நிகழ்பட பாடலாகும். டிசம்பர் 6, 2012 வரை, இந்த இசை நிகழ்படத்தை யூடியூபில் 1 பில்லியனுக்கும் மேற்பட்ட முறை பார்க்கப்பட்டுள்ளது. இந்த பாடல் வீடியோ, யூடியூப்பில் இதுவரை அதிக தடவை பார்க்கப்பட்ட வீடியோ என்ற சரித்திரத்தைப் படைத்தது. இந்தத் தகவலை யூடியூப் தளம் அதிகாரப்பூர்வமாக வெளியிட்டுள்ளது.[4] இதற்கு முன்பு கனடாவின் பிரபல பாப் பாடகர் ஜஸ்டின் பீபரின்பேபி என்ற வீடியோதான் யூடியூப்பில் அதிகம் பார்க்கப்பட்ட வீடியோ என்ற பெருமையை வகித்திருந்தது. 2010-ல் வெளியிடப்பட்ட அந்த வீடியோ இதுவரை 136 கோடி தடவைக்கு மேல் பார்க்கப்பட்டுள்ளது.
