நாகை அசோகன்

ஏ. அசோகன்
தனிப்பட்ட விவரங்கள்
பிறப்பு	அசோகன் 7 சனவரி 1959 (1959-01-07) நாகப்பட்டினம், சென்னை மாநிலம், இந்தியா
தேசியம்	இந்தியர்
அரசியல் கட்சி	திமுக
துணைவர்	சிந்துஜா
பிள்ளைகள்	• அஞ்சுகம் நவீன்குமார் • அரவிந்தன்
வாழிடம்	"அன்பகம் " 55, தென்றல் நகர், திருவாரூர்
பணி	அரசியல்வாதி

ஏ. அசோகன் (நாகை அசோகன் என்று அழைக்கப்படுகிறார்) என்பவா் ஓர் இந்திய அரசியல்வாதியும், முன்னாள் சட்டமன்ற உறுப்பினரும் ஆவார். இவர் 1996 மற்றும் 2001 ஆம் ஆண்டு நடந்த சட்டமன்றத் தேர்தலில், திருவாரூர் தொகுதியில் இருந்து, திராவிட முன்னேற்ற கழகத்தின் சார்பில் போட்டியிட்டு, இரண்டுமுறை தமிழக சட்டமன்றத்திற்குத் தோ்ந்தெடுக்கப்பட்டார்.

பின்னர் ஏப்ரல் மாதம் 2006 ஆம் ஆண்டு நடந்த, சட்டமன்றத் தோ்தலில் வேட்பாளராக நிற்க, திராவிட முன்னேற்றக் கழகத்தில் வாய்ப்பு மறுக்கப்பட்டதால், அண்ணா திராவிட முன்னேற்றக் கழகத்தில் இணைந்தார். அப்போது தமிழக அரசின் டெல்லி சிறப்பு பிரநிதியாக பணியாற்றியுள்ளார். அதன் பிறகு மீண்டும் திமுகவில் இணைந்தார்.

கொலை முயற்சி வழக்கு

இவர் சென்னை பட்டினப்பாக்கத்தில் உள்ள தனது வீட்டில் தனது இரண்டாவது மனைவி ஹேமாவுடன் வசித்து வந்தார். 2015 திசம்பர் 06 அன்று ஹேமா தன் கணவரின் உதவியாளருடன் வெளியில் சென்றுவிட்டு இரவு தாமதமாக வந்துள்ளார். இதனால் ஹேமாவின் நடத்தையில் சந்தேகப்பட்ட அசோகனுக்கும் ஹேமாவுக்கும் தகராறு ஏற்பட்டது. இதன் முடிவில் அசோகன் ஹேமாவை துப்பாக்கியால் சுட்டுக்கொலை செய்ய முயன்றதாக ஹேமா பட்டினப்பாக்கம் காவல் நிலையத்தில், புகார் அளித்தார். இதன் அடிப்படையில் அசோகன் மீது கொலை முயற்சி வழக்கு பதியப்பட்டு வழக்கு நடத்தப்பட்டது, வழக்கின் முடிவில் கொலை முயற்சி வழக்கில் அசோகனுக்கு மூன்று ஆண்டு சிறைத் தண்டணை மற்றும் பத்தாயிரம் அபராதம் விதிக்கப்பட்டது.