எவனோ ஒருவன்

எவனோ ஒருவன்
இயக்கம்	நிஷிகாந்த் காமத்
தயாரிப்பு	அப்பாஸ்-மஸ்தான் கே சேரா சேரா இணை தயாரிப்பாளர்: மாதவன்
கதை	உரையாடல்: மாதவன் உரையாடல் மேற்பாரவை : சீமான்
திரைக்கதை	நிஷிகாந்த் காமத் பவுள்
இசை	பி. சமீர் ஜி. வி. பிரகாஷ் குமார்
நடிப்பு	மாதவன் சங்கீதா சீமான்
விநியோகம்	லியூகோஸ் பிலிம்ஸ் பிரமிட்
வெளியீடு	7 டிசம்பர் 2007 (2007-12-07)
நாடு	இந்தியா
மொழி	தமிழ்

எவனோ ஒருவன் 2007 ல் நிஷிகாந்த் காமத் இயக்கிய தமிழ்த் திரைப்படம். இது மராத்திய திரைப்படமான டோம்பிவ்லி ஃபாஸ்ட் படத்தின் மறு ஆக்கம் ஆகும். அப்படத்தை இயக்கிய நிஷிகாந்த் காமதே இப்படத்தின் இயக்குநரும் ஆவார். இதில் இயக்குநர் சீமான் ஒரு முக்கிய பாத்திரத்திலும், முன்னணி பாத்திரங்களில் மாதவன் மற்றும் சங்கீதா நடித்துள்ளனர். படத்தின் இசையமைப்பாளர்கள் பி. சமீர் மற்றும் ஜி. வி. பிரகாஷ் குமார்; பாடலாசிரியர் நா. முத்துக்குமார்.

கதை

ஸ்ரீதர் வாசுதேவன் ஒரு மத்தியதரக் குடும்பத் தலைவர், வங்கி ஒன்றில் வேலை செய்கிறார். அவர் மிகவும் கொள்கைப் பிடிப்புள்ளவர், நேர்மையானவர், மேலும் தான் வாழும் சமூகத்தின்மீது ஆழ்ந்த பற்றுதல் கொண்டவர். அவரைச் சுற்றி நடக்கும் சட்டவிரோத மற்றும் அரைகுறை சட்ட நடவடிக்கைகள் இவருக்கு கோபத்தையும் மனக்குழப்பத்தையும் அளிக்கின்றன.

அவருடைய மனைவி வத்ஸலா, அவர் இன்னும் 'வளைந்து கொடுத்து' அதிக பணம் சம்பாதிக்க வேண்டும் என்று தொடர்ந்து வலியுறுத்துகிறார், ஆனால் ஸ்ரீதர் அதை ஏற்கவில்லை. ஸ்ரீதர் தன்னைச் சுற்றியுள்ள சட்டவிரோத நடவடிக்கைகளை சகித்துக் கொள்கிறார், ஏனென்றால் மக்கள் மனநிலையில் ஒரு மாற்றம் வரும் என்று அவர் எதிர்பார்க்கிறார். காலப்போக்கில், அனைவரும் தன்னைப் போலவே நேர்மையாகவும், சமூக அக்கறையுடனும், பொது நலனுக்காகச் சிறிய தனிப்பட்ட தியாகங்களைச் செய்யத் தயாராகவும் இருப்பார்கள் என்று நம்புகிறார்.

வத்ஸலா ஒரு சாதாரண மத்தியதர இல்லத்தரசி, வர்ஷா மற்றும் வருண் என்ற இரண்டு குழந்தைகளின் பாசமுள்ள தாய். சமூகக் குறைபாடுகள் மற்றும் அது தொடர்பான பிரச்சினைகளைப் பற்றி அவருக்கு கவலை இல்லை. அவர் தன் கோபக்கார கணவரைப் பற்றியே அதிகம் கவலைப்படுகிறார். அவருடைய ஆத்திர வெடிப்புகளின் விளைவுகளிலிருந்து அவரைக் காப்பாற்றவும், அவரது நடைமுறைக்கு ஒவ்வாத சிந்தனைகள் மற்றும் செயல்களிலிருந்து அவரை திசை திருப்பவும் வழிகளை யோசிக்கிறார்.

வாழ்க்கையின் ஒரு கட்டத்தில், ஒரு மோசடி வழக்கை ஸ்ரீதர் எதிர்கொள்ள நேரிடுகிறது, இது அவரை ஒரு நடவடிக்கை எடுக்கத் தூண்டுகிறது. ஆழ்ந்த கோபத்தினாலும் குற்ற உணர்ச்சியினாலும் தூண்டப்பட்டு, தனக்கு இழைக்கப்பட்ட தவறுகளுக்குப் பதிலடி கொடுக்க அவர் தீர்மானிக்கிறார், தேவைப்பட்டால் வன்முறையாகவும். ஒரு குளிர்பானத்துக்கு 2 ரூபாய் அதிகமாக கட்டணம் கேட்டபோது, அவர் ஒரு கிரிக்கெட் மட்டையை எடுத்து அந்தக் கடையை உடைக்கிறார்.

அந்தச் சம்பவத்தில் இருந்து, ஸ்ரீதர் தானே சட்டத்தைக் கையில் எடுத்துக்கொண்டு, எங்கு தேவைப்படுகிறதோ அங்கெல்லாம் உடனடி மாற்றங்களைக் கொண்டுவர முயற்சி செய்கிறார். தொடர்ந்து பல சம்பவங்கள் நடக்கின்றன; அவர் பகுதி கவுன்சிலர், நேர்மையற்ற மருத்துவமனை ஊழியர்கள், தண்ணீர் விநியோகிப்பாளர் மற்றும் பலரைத் தாக்குகிறார். ஸ்ரீதரின் கோபம் இதையும் தாண்டி, தங்கள் சொந்த நன்மைக்காக உருவாக்கப்பட்ட விதிமுறைகளைப் பின்பற்றாத தனிநபர்களையும் இலக்காகக் கொள்கிறது.

இன்றைய சமூகத்தில், தவறான விஷயங்களைக் கண்டும் அனுபவித்தும் கூட, தங்கள் சீரான வழக்கத்தை கலைக்க விரும்பாமல் அவற்றைப் பொறுத்துக் கொள்ளும் ஒவ்வொரு சாதாரண மனிதனின் பிரதிநிதியாக நிஷிகாந்த் காமத், ஸ்ரீதரைச் சித்தரிக்கிறார். அவருடைய இந்த நடத்தை மற்றும் அணுகுமுறையின் காரணமாக, ஸ்ரீதர் ஒரு குற்றவாளி, தன்னுடைய சக மனிதர்களுக்கு தீங்கு விளைவிப்பவர் என்று அழைக்கப்படுகிறார்.

ஏற்பாடு செய்யப்பட்ட 'போலீஸ் என்கவுண்டரில்' ஸ்ரீதரைச் சுட்டுக் கொல்ல இன்ஸ்பெக்டர் வெற்றி மாறன் நியமிக்கப்படுகிறார். வெற்றி மாறன் முற்றிலும் நேர்மையானவர் இல்லாவிட்டாலும், போலீஸ் - ஊழல் கூட்டணியைப் பற்றி வருத்தப்படுகிறார். அவர் ஒரு நல்ல மனதுள்ள காவலர் மற்றும் ஸ்ரீதரின் அணுகுமுறையை உள்மனதில் நியாயப்படுத்துகிறார். அவர் அந்த இளைஞருடன் அமைதியான ஒரு உடன்பாட்டிற்கு வந்து, அவருடைய செயலைத் தனிப்பட்ட முறையில் அங்கீகரிக்கிறார், பின்னர் அந்த 'என்கவுண்டர் கொலையை' ஏற்பாடு செய்கிறார். இறுதியில், ஸ்ரீதர் வெற்றி மாறனால் சுட்டுக் கொல்லப்படுகிறார்.

பாடல்

படத்தில் ஒரே ஒரு இறுதி பாடல் "உனது எனது என்று உலகில் என்ன உள்ளது ??? உனது முகமும் எனது முகமும் உடைத்திடும் முகங்கலானது" என்ற நா. முத்துக்குமாரின் வரிகளில் படத்தின் முழு நோக்கத்தையும் அது கூறுகின்றது.

விமர்சனம்

ஆனந்த விகடன் வார இதழில் எழுதிய விமர்சனத்தில் "முன்பாதி சூப்பர் பாஸ்ட்டாக நகரும் வண்டி, பின்பாதியில் பாஸஞ்சராக சுணங்காமல் இருந்திருந்தால்... 'எவனோ ஒருவன்’ நம்மில் ஒருவனாய் மாறியிருப்பான்!" என்று எழுதி 41/100 மதிப்பெண்களை வழங்கினர்.

வெளியிணைப்புகள்

• இணையதள திரைப்பட தரவுத்தளத்தில் எவனோ ஒருவன்