எடாலின்
| எடாலின் Etalin | |
|---|---|
| கிராமம் | |
| நாடு |  இந்தியா |
| மாநிலம் | அருணாசலப் பிரதேசம் |
| மாவட்டம் | திபாங் பள்ளத்தாக்கு |
| ஏற்றம் | 1,968 m (6,457 ft) |
| மக்கள்தொகை (2001) | |
| • மொத்தம் | 314 |
| நேர வலயம் | இந்திய சீர் நேரம் (ஒசநே+5:30) |
எடாலின் (Etalin) என்பது இந்தியாவின் வடகிழக்கு மாநிலமான அருணாசலப் பிரதேசத்தில் உள்ள திபாங் பள்ளத்தாக்கு மாவட்டத்தில் இருக்கும் ஒரு சிறிய கிராமம் ஆகும். அனினி அல்லது மாலின்யே பாதையில் செல்லும் பயணிகளுக்கு சற்று இளைப்பாறும் நிறுத்தமாக இக்கிராமம் இருக்கிறது. அணினியில் இருந்து சுமார் 52 கிலோமீட்டர் தொலைவிலும் மாலின்யேவிலிருந்து சுமார் 42 கிலோமீட்டர் தொலைவிலும் இடாலின் கிராமம் அமைந்திருக்கிறது. இக்கிராமத்திற்கு அருகில் இருப்பது அணினி பொது மருத்துவமனை ஆகும். எடாலின் கிராமத்தில் ஒரு நடுநிலைப்பள்ளி மட்டுமே உள்ளது. மேற்படிப்புக்கு இங்குள்ளவர்கள் அணினி மேல்நிலைப் பள்ளி அல்லது உரோயிங் மேல்நிலைப் பள்ளிக்குத்தான் செல்ல வேண்டும். அசாம் மாநிலத்தின் மோகன்பாரி விமானநிலையம் இக்கிராமத்திற்கு அருகாமையில் உள்ள விமானநிலையமாக உள்ளது. எடாலின் கிராமத்தின் மொத்த மக்கள் தொகை 314 ஆகும். [1]