இலிபிகைட்டு

இலிபிகைட்டு Liebigite
கொலராடோ மாநிலத்தின் இயெபர்சன் மாகாணம் ரால்சுடன் புட்சு மாவட்டத்தில் கிடைத்த இலிபிகைட்டு படிகங்கள்
பொதுவானாவை
வகை	கார்பனேட்டு படிகங்கள்
வேதி வாய்பாடு	Ca2(UO2)(CO3)3·11H2O
இனங்காணல்
படிக இயல்பு	குறுகிய பட்டகப் படிகங்கள் போல அரிதானவை; மேலோடுகள் மற்றும் திரள்களில் செதில்கள் அல்லது சிறுமணிகள்.
படிக அமைப்பு	செஞ்சாய்சதுரம்
பிளப்பு	{100} இல் தனித்தன்மை
விகுவுத் தன்மை	நொறுங்கும்
மோவின் அளவுகோல் வலிமை	2 1⁄2 – 3
ஒளிஊடுருவும் தன்மை	ஒளிபுகும், ஒளிகசியும்
ஒப்படர்த்தி	2.41
ஒளியியல் பண்புகள்	ஈரச்சு (+)
ஒளிவிலகல் எண்	nα = 1.497 nβ = 1.502 nγ = 1.539
இரட்டை ஒளிவிலகல்	δ = 0.042
பலதிசை வண்ணப்படிகமை	காணலாம்: X = கிட்டத்தட்ட நிறமற்றது Y = Z = இளம்பசுமஞ்சள்
2V கோணம்	37° to 42°
புறவூதா ஒளிர்தல்	குறுகிய மற்றும் நீண்ட அலை புற ஊதா ஒளியின் கீழ் வலுவான பச்சை நீலம்-பச்சை நிற ஒளிர்தல்
பிற சிறப்பியல்புகள்	கதிரியக்கம்
மேற்கோள்கள்

இலிபிகைட்டு (Liebigite) என்பது ஒரு யுரேனியம் கார்பனேட்டு கனிமமாகும்>. Ca₂(UO₂)(CO₃)₃·11H₂O. என்ற மூலக்கூற்று வாய்பாடால் இக்கனிமம் விவரிக்கப்படுகிறது. யுரேனியத்தை பகுதிப் பொருளாகக் கொண்டுள்ள தாதுக்களின் ஆக்சிசனேற்ற மண்டலத்தில் இரண்டாம் நிலை கனிமமாக இலிபிகைட்டு தோன்றுகிறது. இக்கனிமம் பச்சை நிறம் முதல் பசுமஞ்சள் வரையிலான நிறத்தில் இருக்கும். மோவின் அளவு கோலில் இலிபிகைட்டு 3 என்ற மதிப்பைக் கொண்டுள்ளது. மற்ற சில யுரேனியம் கனிமங்களைப் போலவே இலிபிகைட்டும் புறவூதா ஒளியின் கீழ் ஒளிரும். இக்கனிமம் ஒளிகசியும் தன்மையை கொண்டுள்ளது. செஞ்சாய்சதுரப் படிகக் கட்டமைப்பில் இது படிகமாகும். பொதுவாக படிந்த ஏடாக அல்லது சிறுமணித் திரட்டுகளாக இலிபிகைட்டு உருவாகும். பன்னாட்டு கனிமவியல் நிறுவனம் இலிபிகைட்டை Lbi என்ற குறியீட்டால் அடையாளப்படுத்துகிறது.

முதன்முதலில் 1848 ஆம் ஆண்டில் துருக்கி நாட்டின் 7 புவியியல் பிராந்தியங்களில் ஒன்றான மர்மரா பிராந்தியம் எடிர்னே மாகாணம் எடிர்னே நகரத்தில் கண்டறியப்பட்டது. 1803–1873 காலத்தில் வாழ்ந்த செருமானிய வேதியியலாளர் இயசுடசு வோன் இலிபிக்கு நினைவாக கனிமத்திற்கு இலிபிகைட்டு எனப் பெயரிடப்பட்டது.