இராணி குமுதினி தேவி
இராணி குமுதினி தேவி | |
|---|---|
| மாநகரத் தந்தை, ஐதரபாத்து மாநகராட்சி | |
| பதவியில் 1963–1964 | |
| முன்னையவர் | இராம் மூர்த்தி நாயுடு |
| பின்னவர் | சரோஜினி புல்லா ரெட்டி |
| சட்டமன்ற உறுப்பினர்-ஆந்திரப் பிரதேச சட்டமன்றம்-வனபார்த்தி | |
| பதவியில் 1963–1972 | |
| முன்னையவர் | பத்மநாப ரெட்டி |
| பின்னவர் | அய்யப்பா |
| தனிப்பட்ட விவரங்கள் | |
| பிறப்பு | 23 சனவரி 1911 வாதேபாலி, ஐதராபாத் இராச்சியம், இந்தியா |
| இறப்பு | 6 ஆகத்து 2009 (அகவை 98) ஐதராபாத்து, ஆந்திரப் பிரதேசம், இந்தியா |
| அரசியல் கட்சி | இந்திய தேசிய காங்கிரசு |
| பிள்ளைகள் | 4 |
இராணி குமுதினி தேவி (Rani Kumudini Devi)(23 சனவரி 1911 - 6 ஆகத்து 2009) என்பவர் இந்திய அரசியல்வாதியும் சமூக சேவகரும் ஆவார். இவர் 1963 முதல் 1964 வரை ஐதராபாத் பெருநகர மாநகரத் தந்தையாகப் பணியாற்றினார்.[1] தேவி இந்தியத் தேசிய காங்கிரசின் உறுப்பினர் ஆவார். இவர் ஐதராபாத்து மாநகரின் முதல் பெண் மாநகரத் தந்தை ஆவார்.[2]
ஆரம்ப கால வாழ்க்கை[தொகு]
இராணி குமுதினி தேவி 1911ஆம் ஆண்டு ஜனவரி 23ஆம் தேதி இன்றைய தெலங்காணாவில் வாரங்கல் மாவட்டத்தில் உள்ள வாடேபல்லியில் பிறந்தார்.[3] இவரது தந்தை, பிங்கிள் வெனக்டரமண ரெட்டி, ஒரு பிரபு. இவர் ஐதராபாத்து மாநிலத்தின் துணைப் பிரதமராக ஆனார்.[1]
தேவி குழந்தையாக இருக்கும்போது, தனது குடும்பத்துடன் ஐதராபாத்து சென்றார்.[1] தூய ஜோர்ஜ் இலக்கணப் பள்ளியில் தனது ஆரம்பக் கல்வியை முடித்தார்.[4] சைக்கிள் மற்றும் குதிரைகளில் சவாரி செய்தல் மற்றும் விளையாட்டு போன்ற பொதுவான சிறுவர்கள் ஆதிக்கம் செலுத்தும் செயல்களில் பங்கேற்கத் தேவியை அவரது பெற்றோர் ஊக்கப்படுத்தினர்.[1]
சேவை[தொகு]
தேவி 1958-ல் தொழுநோயாளிகளுக்கான சிகிச்சை மையமான சிவானந்தா மறுவாழ்வு இல்லத்தை நிறுவினார்.[1]
ஐதராபாத்து மாநகரத் தந்தை[தொகு]
தேவி 1962-ல் ஐதராபாத்து மாநகரத் தந்தையாகத் தேர்ந்தெடுக்கப்பட்டார்.[5] இதே ஆண்டு, முசி ஆறு நிரம்பி வழிந்ததால் ஐதராபாத்தில் வெள்ளம் ஏற்பட்டது. மேலும் தேவி குடிமைப் பதிவின் பொறுப்பாளராக இருந்தார்.[5] பிரதமர் ஜவகர்லால் நேருவிடம் நிதி கேட்டு, பெற்ற ₹20,000க்கு[5] வரவிருக்கும் ஆண்டுகளில் வெள்ளத் தடுப்புத் திட்டத்தையும் தயாரித்தார்.[5]
சட்டமன்ற உறுப்பினராக[தொகு]
தேவி 1962 முதல் 1972 வரை வனபர்த்தி சட்டமன்றத் தொகுதியின் ஆந்திரப் பிரதேச சட்டமன்ற உறுப்பினராகவும் பணியாற்றியுள்ளார்.[2] 1967ல், வனபர்த்தி சட்டமன்ற உறுப்பினராக மீண்டும் தேர்ந்தெடுக்கப்பட்டபோது, வங்காளதேச விடுதலைப் போரின் போது, நாகார்ஜுனா சாகரைச் சுற்றி முகாமிட்டிருந்த வங்க அகதிகளின் குடியேற்றத்தில் இவர் உதவினார்.[1]
தனிப்பட்ட வாழ்க்கை[தொகு]
தேவி 1928-ல் வனபர்த்தியைச் சேர்ந்த ஜே. ராஜாராம்தேவ் ராவுடன் திருமணம் செய்து கொண்டார். இவர்களுக்கு நான்கு குழந்தைகள் பிறந்தனர்.[1] தேவி துருசெக்வர் சுல்தானுடன் நட்பு கொண்டிருந்தார். இருவரும் பெண்களும் குதிரைகளில் சவாரி செய்து டென்னிஸ் விளையாடுவர்.[6]
சிவானந்தா மறுவாழ்வு இல்லத்திற்கு நிதி திரட்டி 1990களில் சுறுசுறுப்பாக இருந்தார்.[1] 2002ஆம் ஆண்டில், இவர் தனது கணவரின் பெயரில் 80 படுக்கைகள் கொண்ட பொது மருத்துவமனையான ராம்தேவ் ராவ் மருத்துவமனையை நிறுவினார்.[7]
இறப்பு[தொகு]
தேவி ஆகத்து 6, 2009 அன்று தனது 98 அகவையில் காலமானார்.[2]
மேற்கோள்கள்[தொகு]
- ↑ 1.0 1.1 1.2 1.3 1.4 1.5 1.6 1.7 Dundoo, Sangeetha Devi (22 March 2011). "A life less ordinary" (in en-IN). The Hindu. பன்னாட்டுத் தர தொடர் எண்:0971-751X. https://www.thehindu.com/features/friday-review/history-and-culture/A-life-less-ordinary/article14957408.ece.
- ↑ 2.0 2.1 2.2 "Feisty and kind: the first woman mayor of Hyderabad" (in en-IN). The Hindu. 20 November 2020. பன்னாட்டுத் தர தொடர் எண்:0971-751X. https://www.thehindu.com/news/cities/Hyderabad/feisty-and-kind-the-first-woman-mayor-of-hyderabad/article33144887.ece.
- ↑ Fatima, Sakina (22 November 2020). "Hyderabad to get its fourth woman Mayor; who are the other three?". The Siasat Daily (in அமெரிக்க ஆங்கிலம்). பார்க்கப்பட்ட நாள் 2 July 2021.
{{cite web}}: CS1 maint: url-status (link) - ↑ "Personalities". St. George's Grammar School. Archived from the original on 29 November 2018. பார்க்கப்பட்ட நாள் 2 July 2021.
- ↑ 5.0 5.1 5.2 5.3 Akbar, Syed (20 November 2020). "58 years later, woman mayor to lead Hyderabad through flood crisis again". The Times of India (in ஆங்கிலம்). பார்க்கப்பட்ட நாள் 2 July 2021.
- ↑ Seshan, K. S. S. (30 October 2018). "The progressive princess of Hyderabad" (in en-IN). The Hindu. https://www.thehindu.com/society/history-and-culture/princess-durru-shehvar-progressive-princess-of-hyderabad/article25368539.ece.
- ↑ Kandepu, Venkatesh (19 November 2020). "Hyd తొలి మహిళా మేయర్ రాణి కుముదినీ దేవి, ఆమె సేవలు ఇప్పటికీ.. హ్యాట్సాఫ్!". Samayam Telugu (in தெலுங்கு). பார்க்கப்பட்ட நாள் 2 July 2021.
{{cite web}}: CS1 maint: url-status (link)