இம்ரான் கான் (நடிகர்)

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இம்ரான் கான்
Imran Khan The Front Row.jpg
பிறப்புஇம்ரான் பால்
13 சனவரி 1983 (1983-01-13) (அகவை 39)
மேடிசன், அமெரிக்கா
தேசியம்அமெரிக்கர்[1]
படித்த கல்வி நிறுவனங்கள்நியூயார்க் திரைப்பட அக்காதமி
பணிநடிகர்
செயற்பாட்டுக்
காலம்
2008–2015
வாழ்க்கைத்
துணை
அவந்திக்கா மாலிக் (2011)
பிள்ளைகள்1[2]
உறவினர்கள்ஆமிர் கான் (மாமா)

இம்ரான் கான் ('Imran Khan', இந்தி: इम्रान ख़ा,வங்காள: ইমরান খান ஒரு இந்திய பாலிவுட் திரைப்பட நடிகராவார். இவர் 1983 வது வருடம் ஜனவரி 13ம் தேதி பிறந்தார். இவரின் இயர் பெயர் இம்ரான் கான் பால் என்பதாகும். இவர் நடிகர் ஆமிர் கான் மற்றும் தயாரிப்பாளரும் இயக்குனருமான மன்சூர் கான் ஆகியோரின் மருமகன் ஆவார். பர்சியன் மற்றும் பிரித்தானிய வம்சாவழியில் வந்தவர்.[1] இவர் 2008வது வருடம் ஜானே து யா ஜானே நா என்ற படத்தில் அறிமுக நாயகனாக நடித்துப் புகழ் பெற்றார்.

வாழ்க்கை வரலாறு[தொகு]

இம்ரான் கான் அனில் பால்[3] என்னும் இந்திய பெங்காலி அமெரிக்கர் மற்றும் நுஜத் கான் ஆகியோரின் மகனாகப் பிறந்தார். அவருடைய தந்தை சிலிகான் வேலியில் நெட்ஃபிக்ஸ் என்னும் நிறுவனத்தில் பொறியியல் செயற்பாட்டு இயக்குனராகப் பணிபுரிகிறார். இவருக்கு, நுஜட்டின் சகோதரரான இயக்குனர் மன்சூர் கான் மும்பை ஐஐடியில் வகுப்புத் தோழராக இருந்தவர். இம்ரானுக்கு ஒன்றரை வயதாகும்போது அவரது பெற்றோர் விவாகரத்து செய்து விட்டனர். இவர் இந்தியாவில் தனது தாயாரிடம் கான் என்னும் குடும்பப் பெயருடன் வளர்ந்தார். இருப்பினும், உயர் நிலைப் பள்ளிக் கல்வியை முடிப்பதற்காக இவர் தனது தந்தையுடன் வசிப்பதற்காகக் கலிஃபோர்னியாவிற்குச் சென்றார். பிறகு லாஸ் ஏஞ்சல்சில் திரைப்படத் தயாரிப்பில் பயிற்சி பெற்றார். இவர் நடிகர் அமீர் கான் மற்றும் இயக்குநர் மன்சூர் கான் ஆகியோரின் மருமகனும் மற்றும் குறிப்பிடத்தக்க இயக்குனரும் தயாரிப்பாளருமான நசீர் ஹுசைனின் பேரனும் ஆவார். இந்தியாவில், இவர் பாம்பே ஸ்காட்டிஷ் ஸ்கூல் என்னும் பள்ளியில் படித்தார். நாலாவது வகுப்பிற்குப் பிறகு இம்ரான் ஸ்காட்டிஷ் பள்ளியை விட்டு ஊட்டியில் ஒரு உறைவிடப் பள்ளியில் சேர்ந்தார்.[4][5]

தொழில்[தொகு]

குழந்தை நட்சத்திரம்[தொகு]

தனது மாமா ஆமீர் கானின் படங்களான கயாமத் ஸே கயாமத் தக் (1988)[6] மற்றும் ஜோ ஜீத்தா வஹி சிக்கந்தர் (1992) ஆகிய படங்களில் இம்ரான் கான் ஒரு குழந்தை நட்சத்திரமாகத் தோன்றினார். இந்த இரண்டு முறையும் அவர் இளைய ஆமிர் கான் வேடமேற்றிருந்தார். அவர் ஒரு இயக்குனராக வேண்டும் என்றே விரும்பினார். ஒரு நடிகராக பாலிவுட்டில் நுழைவதற்கு முன்னால் அதுதான் அவரது அசல் திட்டமாக இருந்தது. மும்பையில் கிஷோர் நமித் கபூரின் நடிப்புப் பயிற்சி நிறுவனத்தில் கான் சேர்ந்தார்.

கட்டுடைத்த வெற்றி (2008)[தொகு]

கான் 2008வது வருடம் ஆமிர் கான் மற்றும் மன்சூர் கான் தயாரித்த ஜானே து யா ஜானே நா என்ற திரைப்படத்தில் கதாநாயகனாக அரங்கேறினார். இதில் அவருடன் கதாநாயகியாக நடித்தவர் ஜெனிலியா டி'சௌஸா. இந்தத் திரைப்படம் ஆரவாரமான விமர்சனங்களைப் பெற்றது மற்றும் அந்த வருடத்தின் மிகப் பெரும் வெற்றிகளில் ஒன்றாகத் திகழ்ந்தது. மேலும், 54வது ஃபிலிம்ஃபேர் விருதுகளில் சிறந்த அறிமுக ஆண் நடிகர் விருதுக்காகக் கான் பரிந்துரைக்கப்பட்டார்; இதனை அவர் ஃப்ர்ஹான் அக்தருடன் இணைந்து வென்றார். அவருடைய அடுத்த திரைப்படம் சஞ்சய் தத் மற்றும் மினிஷா லம்பாவுடன் நடித்த கிட்நாப். இதில் அவர் ஒரு எதிர்மறையான கதாபாத்திரம் ஏற்று நடித்தார். இது வசூலில் தோல்வியுற்றது. அப்படத்தின் மிகச் சுமாரான இயக்கமே தோல்விக்கு காரணமாக விமர்சகர்களால் கூறப்பட்டது. இருப்பினும், இதில் கானின் நடிப்பு பாராட்டப்பட்டு அவரின் பெயர் 2009வது வருடத்தின் ஐஐஎஃப்ஏ விருதுக்காக பரிந்துரை செய்யப்பட்டது. அடுத்தபடியாக ஸ்ருதி ஹாசன் மற்றும் சஞ்சய் தத் ஆகியோருடன் லக் என்ற அதிரடி திரைப்படத்தில் கான் நடித்தார்.[7]

சல்மான் கான் நிகழ்த்திய தஸ் கா தம் என்ற பிரபல தொலைக் காட்சி நிகழ்ச்சியில் தனது மாமா ஆமிர் கானுடன் இணைந்து தோன்றினார்.[8]. கரினா கபூருடன் இணைந்து தேரே மேரே பீச் மே என்ற திரைப்படத்திலும் இவர் நடித்தார்.[9].

சொந்த வாழ்க்கை[தொகு]

அவந்திகா மலிக், கானின் நீண்ட காலத் தோழியாக இருந்தவர். 2010வது வருடம் ஜனவரி 16 அன்று கர்ஜத்தில் உள்ள அவந்திகா குடும்பத்தினரின் பண்ணை வீட்டில் கான் திருமண நிச்சயம் செய்து கொண்டார்.[10]

திரைப்பட விவரங்கள்[தொகு]

ஆண்டு திரைப்படம் கதாபாத்திரம் பிற குறிப்புகள்
1988 கயாமத் ஸே கயாமத் தக் ராஜ் குழந்தை நட்சத்திரம்
1992 ஜோ ஜீத்தா வஹி சிக்கந்தர் சஞ்சய்லால் குழந்தை நட்சத்திரம்
2008 ஜானே து யா ஜானே நா ஜெய் சிங் ரத்தோட்

(ரேட்ஸ்)

வெற்றியாளர், சிறந்த ஆண் அறிமுக நடிகருக்கான ஃபிலிம்ஃபேர் விருது
கிட்நாப் கபிர் ஷர்மா முதல் எதிர்மறை கதாபாத்திரம்
2009 லக் ராம் மெஹ்ரா
2010 டெல்லி பெல்லி தஷி தயாரிப்பிற்குப் பிந்தைய பணிகளில் உள்ளது; உடன் நடிப்பவர் ஷெனாஸ் ட்ரெஷரிவாலா
ஐ ஹேட் லவ் ஸ்டோரிஸ் தயாரிப்பில் உள்ளது; உடன் நடிப்பவர் சோனம் கபூர்
பிரேக் கே பாத் தயாரிப்புக்கு முந்தைய நிலையில் உள்ளது; உடன் நடிப்பவர் தீபிகா படுகோனே
விருதுகள்
பிலிம்பேர் விருதுகள்
முன்னர்
ரன்பீர் கபூர்
சாவரியா திரைப்படத்திற்காக
சிறந்த ஆண் அறிமுக நடிகர்
ஜானே து யா ஜானே நா

2009
பின்னர்
-

மேற்கோள்கள்[தொகு]

  1. 1.0 1.1 "Why can't Alia Bhatt and Imran Khan vote?". Deccan Chronicle. 3 April 2014. 26 June 2016 அன்று பார்க்கப்பட்டது.
  2. "It's a girl for actor Imran Khan and Avantika Malik". IBNLive. 9 June 2014. 11 ஜூன் 2014 அன்று மூலம் பரணிடப்பட்டது. 16 June 2014 அன்று பார்க்கப்பட்டது. Cite uses deprecated parameter |dead-url= (உதவி); Unknown parameter |= ignored (உதவி); Invalid |dead-url=dead (உதவி)
  3. "Imran Khan's Bong Connection". டெய்லி நியூஸ் அண்ட் அனாலிசிஸ். 14 October 2012 அன்று பார்க்கப்பட்டது.
  4. "'Ranbir and I are picking similar films'". Rediff.com. 19 January 2012. 6 January 2013 அன்று பார்க்கப்பட்டது.
  5. "First Look: Imran Khan in school!". Rediff.com. 8 July 2008. 21 December 2012 அன்று பார்க்கப்பட்டது.
  6. ஹெச்டிடிபி://சிஃபி.காம்/மூவிஸ்/பாலிவுட்/ஃபுல்ஸ்டோரி.பிஹெச்பி?ஐடி=14702459&சிஐடி=2359[தொடர்பிழந்த இணைப்பு]
  7. [1]
  8. "Aamir and Imran Khan played 10 Ka Dum with Salman". Bollywood Hungama. 2009-09-08 அன்று மூலம் பரணிடப்பட்டது. 2009-09-01 அன்று பார்க்கப்பட்டது. Cite uses deprecated parameter |dead-url= (உதவி); Invalid |dead-url=dead (உதவி)
  9. "காப்பகப்படுத்தப்பட்ட நகல்". 2009-09-30 அன்று மூலம் பரணிடப்பட்டது. 2010-02-10 அன்று பார்க்கப்பட்டது. Cite uses deprecated parameter |dead-url= (உதவி); Invalid |dead-url=dead (உதவி)
  10. Rao, Ashok (Tue, 01/09/2009 - 06:07). "Jaane tu hero, Imran Khan is engaged now". TopNews.in. http://www.topnews.in/jaane-tu-hero-imran-khan-engaged-now-2208909. பார்த்த நாள்: 2009-09-01. 

புற இணைப்புகள்[தொகு]

"https://ta.wikipedia.org/w/index.php?title=இம்ரான்_கான்_(நடிகர்)&oldid=3364010" இருந்து மீள்விக்கப்பட்டது