அன்னா பாபாஜி லத்தே
அன்னா பாபாஜி லத்தே (Anna Babaji Latthe) (9 டிசம்பர் 1878 - 16 மே 1950) அல்லது அண்ணாசாஹேப் லத்தே ஒரு இந்திய அரசியல்வாதியும், சமூக சீர்திருத்தவாதியும், கல்வியாளரும் ஆவார். இவர் சத்யசோதக் சமாஜ் மற்றும் பிராமணர் அல்லாத இயக்கத்தின் தலைவரும் ஆவார். [1]
அண்ணாசாஹேப் லத்தே ராஜாராம் கல்லூரியில் ஆங்கில விரிவுரையாளராக தனது வாழ்க்கையைத் தொடங்கினார், பின்னர் கோலாப்பூர் மாநிலத்தின் கல்வி ஆய்வாளராக இருந்தார். இவர் 1920 ஆம் ஆண்டில் பம்பாய் தெற்கு கிராமப்புற தொகுதியில் இருந்து கோலாப்பூரின் சாகுவின் ஆதரவுடன் பிரித்தானிய இந்தியாவின் மத்திய சட்டமன்றத்திற்கு தேர்ந்தெடுக்கப்பட்டார்.
லத்தே 1925 ஆம் ஆண்டில் கோலாப்பூர் மாநிலத்தின் மூன்றாம் சத்ரபதி ராஜாராமின் ஆலோசகராக நியமிக்கப்பட்டார். திவான் ரகுநாதராவ் சப்னிஸ் ஓய்வு பெற்ற பிறகு, அவர் கோலாப்பூரின் திவானாக நியமிக்கப்பட்டார். [2] வட்ட மேசை மாநாட்டில் கலந்து கொள்ள <i>சேம்பர் ஆஃப் பிரின்சஸ்</i> சிறப்பு அமைப்பால் இவர் பரிந்துரைக்கப்பட்டார். இவர் 1931 ஆம் ஆண்டில் திவான் பதவியிலிருந்து விலகி பெல்காமில் குடியேறினார்.
லத்தே 1936 ஆம் ஆண்டில் இந்திய தேசிய காங்கிரஸில் சேர்ந்தார் மற்றும் 1937 பம்பாய் பிரசிடென்சி தேர்தலில் பெல்காம் வடக்கு தொகுதியில் இருந்து பம்பாய் சட்டமன்றத்திற்கு தேர்ந்தெடுக்கப்பட்டார். அவர் முதல் கெர் அமைச்சரவையில் நிதி அமைச்சராக நியமிக்கப்பட்டார். இவர் மீண்டும் 1946 ஆம் ஆண்டில் பம்பாய் சட்டமன்றத்திற்குத் தேர்ந்தெடுக்கப்பட்டார்.
மேற்கோள்கள்[தொகு]
- ↑ Patil, Padmaja. Annasaheb Latthe and his times. https://shodhganga.inflibnet.ac.in/handle/10603/135712.
- ↑ Phadke, Yashawant. Visavya Shatakatil Maharashtra.