அத்தாணி சந்திரசேகரர் கோயில்

அத்தாணி சந்திரசேகரர் கோயில் தமிழ்நாட்டில் ஈரோடு மாவட்டத்தில் உள்ள சிவன் கோயிலாகும்.

அமைவிடம்

இக்கோயில் ஈரோடு மாவட்டத்தில் அத்தாணி என்னுமிடத்தில் அமைந்துள்ளது.

இறைவன், இறைவி

இக்கோயிலின் மூலவராக சந்திரசேகரர் உள்ளார். இங்குள்ள இறைவி ஆனந்தவல்லி ஆவார். சிவராத்திரி, மார்கழி திருவாதிரை உள்ளிட்ட பல விழாக்கள் இங்கு கொண்டாடப்படுகின்றன.

அமைப்பு

இருநிலைக் கோபுரங்களைக் கொண்ட இக்கோயிலின் மூலவர் சுயம்புவாக உள்ளார். திருச்சுற்றில் நவக்கிரகங்கள், விநாயகர், பிரம்மா, விஷ்ணு ஆகியோர் உள்ளனர். சந்திரசேகரருக்கு முன் உள்ள லிங்கத்திருமேனியைச் சுற்றி ஐந்து தலையுடைய நாகம் உள்ளது.