அகிலத்திருநாயகி

அகிலத்திருநாயகி
Akila Thirunayaki

தனிநபர் தகவல்
முழு பெயர்	அகிலத்திருநாயகி சிறீசேயானந்தபவன்
தேசியம்	இலங்கைத் தமிழர்
விளையாட்டு
நாடு	இலங்கை
விளையாட்டு	Athletics
நிகழ்வு(கள்)	400மீ, 800மீ, 1500மீ, 5000மீ
பதக்கத் தகவல்கள் பெண்கள் தடகளம் நாடு இலங்கை ஆசிய முதுநிலைத் தடகள வாகை 2023 பிலிப்பீன்சு 1500மீ 2023 பிலிப்பீன்சு 5000மீ 2023 பிலிப்பீன்சு 800மீ

அகிலத்திருநாயகி (பிறப்பு: அண். 1952) என்பவர் இலங்கையைச் சேர்ந்த தடகள வீராங்கனையும், இளைப்பாறிய சிறைச்சாலை அதிகாரியும் ஆவார். இவர் 2023 நவம்பரில் பிலிப்பீன்சில் நடைபெற்ற 70 வயதுக்கு மேற்பட்டவர்களுக்கான ஆசிய முதுநிலைத் தடகளப் போட்டியில் 3 பதக்கங்களை வென்றார்.

வாழ்க்கைக் குறிப்பு

அகிலத்திருநாயகி ஓர் எளிய பின்னணியைக் கொண்ட குடும்பத்தில், முல்லைத்தீவு மாவட்டம், முள்ளியவளையில் பிறந்தார்.

சாதனைகள்

பிலிப்பீன்சில் நடைபெற்ற 2023 ஆசிய முதுநிலைத் தடகள வாகைப் போட்டியில் இலங்கையின் சார்பில் பங்கேற்று, இரண்டு தங்கப் பதக்கங்களையும் ஒரு வெண்கலப் பதக்கத்தையும் வென்றார். 71 வயதில் இந்த சாதனையை நிகழ்த்தியதால், இவர் பதக்க வெற்றிக்காக பெரிதும் பாராட்டப்பட்டார். பெண்களுக்கான 1500 மீட்டர், 5000 மீட்டர் ஓட்டப்பந்தயப் போட்டிகளில் தங்கப் பதக்கங்களை வென்றார், தொடர்ந்து பெண்களுக்கான 800 மீட்டர் ஓட்டப்பந்தயத்திலும் பங்குகொண்டு வெண்கலப் பதக்கத்தைப் பெற்றார். 2023 ஆசிய முதுநிலை தடகள வாகையின் போது பெண்களுக்கான 400 மீட்டர் போட்டியில் நான்காவது இடத்தைப் பிடித்தார். களத்தில் தனது எதிராளிகளுக்கு எதிராக வெறுங்காலுடன் ஓடி பதக்கங்களை வென்றதற்காகவும் இவர் பாராட்டப்பட்டார்.

அகிலத்திருநாயகி அவர்களுடைய இந்த மகத்தான சாதனையானது பெரும் பேசுபொருளாக இலங்கையில் மாறியது. இலங்கையில் குறிப்பாகப் பெரும்பாலான சிங்கள மக்களின் பாராட்டையும் நன்மதிப்பையும் பெற்றுக்கொண்டார். அத்துடன் இவர் தனது சொந்த ஊரான முல்லைத்தீவுக்கும் பெருமை சேர்த்துக்கொடுத்துள்ளார்.