விக்கிப்பீடியா பேச்சு:எழுத்துப் பெயர்ப்பு முறைகள்
தொடர்புடைய ஆ.வி. பக்கங்கள்[தொகு]
-- Sundar \பேச்சு 11:33, 27 ஏப்ரல் 2007 (UTC)
ja,ji,ju,je....[தொகு]
ஜ -- ய, ஜி -- யி, ஜு -- யு, ஜூ -- யி ?? --Natkeeran 01:39, 28 ஏப்ரல் 2007 (UTC)
நற்கீரன் கூறியது போல ஜ வரிசை வடமொழி உச்சரிப்பை ய வரிசயால் பிரதியிடலாம். எ.கா. ஜப்பான் -->>யப்பான், ஜேர்மனி --->>> யேர்மனி.... ஆனால் ஜாதி--->>சாதி இதை எப்படி தீர்ப்பது. மேலும் செல்வா போன்றோர் ஜ வை ச கொண்டே எழுத முனைகிறார்கள் எ.கா. சப்பான்...--டெரன்ஸ் \பேச்சு 02:34, 28 ஏப்ரல் 2007 (UTC)
டெரன்ஸ், ஜ-வரிசை ஒலிகள் வடமொழிக்கு மட்டும் சொந்தமானது இல்லை. தமிழிலும் உண்டு (ஆனால் தமிழ் முறைக்கு மாறான வழிகளிலும் பிற மொழிகளில் வரும்). ஜ-வரிசையை ச-வரிசையாக எழுத்துப் பெயர்ப்பதே தமிழகத்தில் வழக்கமாக உள்ளது. ஜகன்னாதன் -> சகன்னாதன், ஜோதி -->சோதி, ஜன்னல் -> சன்னல். எனவே, ஜ-வரிசைக்கு நெருக்கமான எழுத்து வரிசை ச-வரிசைதான் (தமிழக வழக்கத்தில்). எல்லா இடத்திலும் ஈடாக இடவும் முடியும். ஜார்ஜ், ஜேக்கப், ஜெர்மனி முதலியவற்றை சார்ச்சு (சியார்ச்சு), சேக்கப்பு, செருமனி என்றெல்லாம் எழுதலாம்., ஆனால் இன்றைய நிலையில் ஜ-வரிசையை ஜ-வரிசையாக எழுதுவதே பலரும் விரும்புகிறனர். இதற்காகத்தான் ஜவை 'ச என்று எழுத பரிந்துரைத்தேன். என் வலைப்பதிவைப் பாருங்கள். இம்முறையில் எளிதாக மேலும் பல எழுத்தொலிகளைப் பெறலாம்.--செல்வா 03:03, 28 ஏப்ரல் 2007 (UTC)
வலைப்பதிவைப் பார்த்தேன் நல்லக் கருத்துக்கள். இதைப்பற்றி நீங்கள் தவி யிலும் உரையாடிய ஞாபகம் உள்ளத்து.அதை இங்கு நகர்த்தினால் பொருத்தமாக இருக்கும். இலங்கை வழக்கில், இராஜ்ஜியம்---->இராச்சியம், ராஜா--->>ராசா போன்றவற்றை ச கொண்டு எழுதும் அதேவேலை யப்பான் போன்ற எதிர்மாறான முறைகளும் காணப்படுகின்றன. எனது கருத்துப்படி விதி சிக்கலற்றதாக இருக்க வேண்டும். இலங்கை முறைச் சற்று சிக்கலானது, இடத்துக்கிடம் முரண்பாடுகளைக் கொண்டது போல தோன்றுகிறது. ஜ வரிசையக் சவரிசைக் கொண்டே எழுதலாம் என்பது என் கருத்து.