மாசாய் இனக்குழு
கட்டற்ற கலைக்களஞ்சியமான விக்கிபீடியாவில் இருந்து.
| மாசாய் | ||||||
|---|---|---|---|---|---|---|
 |
||||||
| மாசாய்ப் பெண்களினதும், சிறுவர்களினதும் ஒரு கூட்டம் (2006). | ||||||
| மொத்த மக்கள்தொகை | ||||||
|
883,000 |
||||||
| குறிப்பிடத்தக்க மக்கள்தொகை கொண்ட பகுதிகள் | ||||||
|
||||||
| மொழி(கள்) | ||||||
| மா (ɔl Maa) | ||||||
| சமயங்கள் | ||||||
| கிறிஸ்தவம் உட்பட்ட ஒருகடவுட் கோட்பாடு |
||||||
| தொடர்புள்ள இனக்குழுக்கள் | ||||||
| சாம்புரு |
மாசாய் இனக்குழு, கெனியாவிலும், வடக்கு தான்சானியாவிலும் வாழுகின்ற அரை-நாடோடித் தொல்குடி ஆகும். இவர்களுடைய தனித்துவமான வழக்கங்களும், உடைகளும், பெரும்பாலான வேட்டைக் காடுகளுக்கு அருகில் வாழ்வதும், இவர்களை உலகில் அதிகமாக அறியப்பட்ட இனக்குழுக்களில் ஒன்றாக ஆக்கியுள்ளன. இவ்வினக்குழுவினர், நிலோ-சகார மொழிக் குடும்பத்தைச் சேர்ந்த மா என்னும் மொழியைப் பேசுகின்றனர். இவர்களிற் பலர் கெனியா, தான்சானியா ஆகிய நாடுகளின் அலுவலக மொழிகளான சுவாஹிலி, ஆங்கிலம் ஆகிய மொழிகளையும் கற்கிறார்கள்.
1994 ஆண்டுக்கான மக்கள்தொகைக் கணக்கெடுப்பின்படி கெனியாவில் 453,000 மசாய்களும், 1993 ஆம் ஆண்டுக் கணக்கெடுப்பின்படி தான்சானியாவில் 430,000 மசாய்களுமாக ஏறத்தாழ 900,000 மசாய்கள் வாழுகின்றனர். அவர்கள் அணுகுவதற்குக் கடினமான பகுதிகளில் வாழ்வதாலும், அவர்களுடைய அரை-நாடோடித் தன்மையாலும் இவர்களைக் கணக்கெடுப்பது சிக்கலாக உள்ளது. கெனியா, தான்சானியா அரசுகள், மசாய்கள் தமது அரை-நாடோடி வாழ்க்கை முறையைக் கைவிடுவதற்கான திட்டங்களைச் செயல்படுத்துகின்ற போதிலும், இவர்கள் தமது பழைய வாழ்க்கை முறையைப் பின்பற்றவே விரும்புகிறார்கள்.
