மருத்துவமனை

மருத்துவமனை நோயாளிகளை குணப்படுத்து வல்ல துறைசார் வல்லுனர்களையும் கருவிகளையும் கொண்ட நிறுவனம். தற்கால மருத்துவமனைகள் அறிவியல்-உயர் தொழிநுட்ப மயப்படுத்தபட்டவை. மருத்துவ ஆய்வு, மருத்துவக் கல்வியை மேற்கொள்வதில் இவை முக்கிய பங்காற்றுகின்றன. பெரும்பாலன மருத்துவமனைகள் அரசுகளால், இலாபநோக்கமற்ற அமைப்புகளால், சமய அமைப்புகளால் நிதி உதவி பெறுவன. இலாபத்துக்காக நடாத்தப்படும் மருத்துவமனைகளும் பல உண்டு.

வரலாறு

19 நூற்றாண்டுக்கு முற்பட்ட மருத்துவமனைகள் நோயாளிகளை வைத்திருக்கும் இடமாக இருந்தது, அதாவது குணப்படுத்தும் இடமாக இருக்கவில்லை. தற்காலத்தைப் போல துறைசார் மருத்துவர்கள் அங்கு பெரும் பங்களிக்கவில்லை. அவர்கள் மருத்துவமனைக்கு வெளியேயே பெரிது இயங்கினார்கள். 1850 களுக்கு பின்னரே மருத்துவமனைகள் அறிவியல் - உயர் தொழில்நுட்ப மயப்படுத்தப்பட்டன. மருத்துவக் ஆய்வுக்கும் கல்விக்கும் உரிய இடமாக மருத்துவமனைகள் மாறின. இன்றைய மருத்துவமனைகளை நடத்த பெரும் வளம் தேவைப்படுகிறது.