பக்ரோட் பள்ளத்தாக்கு
| பக்ரோட் பள்ளத்தாக்கு وادی بگروٹ | |
|---|---|
 | |
| நாடு |  Pakistan |
| = சுயாட்சி மாநிலம் | வடக்கு நிலங்கள் |
| மாவட்டம் | கில்ஜித் |
| வட்டம் | தான்யர் |
| மக்கள்தொகை [1] | |
| • மொத்தம் | 10,000 |
| இனங்கள் | பகோரே |
| நேர வலயம் | பாக்கித்தான் சீர்நேரம் (ஒசநே+5:30) |
| • கோடை (பசேநே) | +5 (ஒசநே) |
| தொலைபேசி குறியீடு | 15110 |
பக்ரோட் பள்ளத்தாக்கு ( Bagrot Valley ) என்பது வட பாக்கித்தானின் கில்கிட்-பால்டிஸ்தான் பகுதியில் உள்ள காரகோரம் மலைத் தொடரில் உள்ள ஒரு பள்ளத்தாக்கு ஆகும்.[2] பக்ரோட் ஆறு வடக்கிலிருந்து பள்ளத்தாக்கின் தென்மேற்கு நோக்கி பள்ளத்தாக்கு வழியாக பாய்கிறது. சலாலாபாத் மற்றும் ஓசிகந்தாசு கிராமத்திற்கு தண்ணீரை வழங்குகிறது. பின்னர் கில்கிட் ஆறுடன் கலக்கிறது.
நிலவியல்[தொகு]
பக்ரோட் பள்ளத்தாக்கு கடல் மட்டத்திலிருந்து 2,500 முதல் 4500 மீட்டர் வரை நீண்டுள்ளது. முன்னர் பர்புய் என்று அழைக்கப்பட்ட பர்பு என்ற பகுதி பள்ளத்தாக்கின் முக்கிய இடமாகும். இதன் நிலப்பரப்பு மற்றும் இராகபோசி ( 7788 மீ), திரன் ( 7266 மீ )[3] , பில்சார் டோபானி ( 6138 மீ ) மற்றும் கடல் மட்டத்திலிருந்து ஆறாயிரம் மீட்டர்களை தாண்டிய பபுராச், மியார் சிகரம், கோடேலி போன்ற பல உயரமான மலைகளுக்கும் பெயர் பெற்றது. கடல் மட்டத்திலிருந்து ஆறாயிரம் மீட்டர்களை தாண்டிய பல சிகரங்கள் பள்ளத்தாக்கைச் சூழ்ந்துள்ளன. அங்கிருந்து பக்ரோட் ஆற்றை உருவாக்கும் பல சிற்றாறுகளும் காணப்படுகின்றன.[4] T பக்ரோட் ஆறு சலாலாபாத் மற்றும் ஓசிகந்தாசு உட்பட பள்ளத்தாக்கின் அனைத்து கிராமங்களையும் கடந்து கில்கிட் ஆறுடன் கலக்கிறது.
பக்ரோட்டின் அனைத்து கிராமங்களிலும் சினா மொழி பேசப்படுகிறது. பக்ரோட் பள்ளத்தாக்கின் வட்டார மொழி தனித்தன்மை வாய்ந்தது. மேலும் உள்ளூர் வாழ்க்கை முறை, உணவு மற்றும் கலாச்சாரம் போன்றவை. பகோரே ஒரு இனக்குழுவை உருவாக்குகிறது.
சுற்றுலா மற்றும் பொருளாதாரம்[தொகு]
கோடைக்காலத்தில் சுற்றுலாப் பயணிகள் இந்த பள்ளத்தாக்குக்கு அதிக அளவில் வருகை தருகின்றனர். பள்ளத்தாக்கு கில்கிட் நகரத்திலிருந்து அரை மணி நேரப் பயணத்தில் உள்ளது. பக்ரோட் பள்ளத்தாக்கை நோக்கி இராகபோசி மலையின் அருகேயுள்ள, பசுமையான காடுகள் முகாமிடுவதற்கு சிறந்த இடமாகும். இந்த பள்ளத்தாக்கு அதன் பழங்கள் மற்றும் காய்கறிகளுக்கும், பனிப்பாறைகள் மற்றும் உயரமான சிகரங்களுக்கும் பெயர் பெற்றது. காய்கறிகள், பழங்கள் மற்றும் பிற பருவகால பயிர்கள் மற்றும் கோடை காலத்தில் பனிப்பாறைகளில் இருந்து வரும் பனி பள்ளத்தாக்கில் இருந்து தலைநகர் கில்கிட்க்கு கொண்டு செல்லப்படுகிறது.
கமாரன், சினக்கர், ததுச்சி, புல்ச்சி, சிரா, பர்பு, கோப்பாய், கோசோனார், சாட், கார்கோ மற்றும் சிலிலி ஆகிய கிராமங்கள் பள்ளத்தாக்கில் அமைந்துள்ளன. மேலும், உலோகம் இல்லாத சாலையால் ஒன்றோடொன்று இணைக்கப்பட்டுள்ளன. பள்ளத்தாக்கின் இருபுறமும் உள்ள கிராமங்கள் இயங்கு கம்பிவட ஊர்தி (பொருட்கள் மற்றும் கால்நடைகளை எளிதாக கொண்டு செல்ல அனுமதிக்கின்றன) மற்றும் மரப்பாலங்கள் வழியாக இணைக்கப்பட்டுள்ளன. ஆறு காரகோரம் மலைத்தொடரின் பனிப்பாறைகளிலிருந்து வரும் நீரால் நிரப்பப்பட்டு கீழே செல்கிறது. இங்கு வாழும் மக்களின் முக்கிய பொருளாதாரம் விவசாயமாக இருப்பினும், காரகோரம் நெடுஞ்சாலையின் சமீபத்திய கட்டுமானத்துடன், சிறிய திரையரங்குகள், மலை உபகரணங்கள் மற்றும் ஆடைகளுக்கான சில்லறை விற்பனை நிலையங்கள் மற்றும் பார்வையாளர்களுக்கு வசதியாக சிறிய தங்கும் விடுதிகள் திறந்துள்ளதால், இப்பகுதி மேற்கத்திய நாகரீகத்திற்கு வெளிப்படுத்தப்பட்டுள்ளது.
உள்ளூர்வாசிகள் கோதுமை, தக்காளி, உருளைக்கிழங்கு, ஆப்பிள், பேரிக்காய், பேரிக்காய் போன்றவற்றை பள்ளத்தாக்கில் வளர்க்கின்றனர்.[5]
அருகிலுள்ள நகரங்கள் மற்றும் பள்ளத்தாக்குகள்[தொகு]
மேற்கோள்கள்[தொகு]
- ↑ "Bagrote Valley Pakistan" (PDF). Archived from the original (PDF) on 2015-09-22. பார்க்கப்பட்ட நாள் 2014-08-27.
- ↑ "Bagrote Valley Gilgit-Baltistan". Archived from the original on 2009-04-20. பார்க்கப்பட்ட நாள் 2009-09-03.
- ↑ "Panoramio - Photo of Diran | Diran Peak Bagrote Gilgit". www.panoramio.com. Archived from the original on 2016-09-16. பார்க்கப்பட்ட நாள் 2017-12-19.
- ↑ "Bagrot valley of Gilgit loses forests, the only source of livelihood". thenaturenews.com. Archived from the original on 2016-03-08. பார்க்கப்பட்ட நாள் 2017-09-13.
- ↑ "Bagrote Valley" (PDF). Archived from the original (PDF) on 2015-09-22. பார்க்கப்பட்ட நாள் 2014-08-27.