குப்பள்ளி

குப்பள்ளி (Kuppalli) மேலும் குப்பாளி எனவும் அழைக்கப்படும் ஒரு சிறிய கிராமம் ஆகும். இது இந்திய மாநிலமான கர்நாடகவின் சீமக்கா மாவட்டத்தில் தீர்த்தஹள்ளி என்ற இடத்தில் அமைந்துள்ளது. புகழ்பெற்ற கன்னட நாடக ஆசிரியரும் கவிஞருமான குவெம்புவின் பிறப்பிடமாகவும் குழந்தை பருவ இல்லமாகவும் இது பிரபலமானது.

குவெம்பு[தொகு]

புகழ்பெற்ற கன்னட கவிஞரும் எழுத்தாளருமான குவெம்பு இந்த கிராமத்தைச் சேர்ந்தவர். உண்மையில், உண்மையில், குவேம்பு என்ற இந்த புனைப் பெயர் ஆசிரியரின் வீட்டிற்கு மரியாதை செலுத்துகிறது. இது அவரது முழுப் பெயரான "குப்பள்ளி வெங்கடப்ப புட்டப்பா" (வெங்கடப்பா அவரது தந்தையின் பெயர்) முதல் எழுத்துக்களிலிருந்து உருவாக்கப்பட்டது..^[1] குவெம்புவின் மகனும், புகழ்பெற்ற கன்னட எழுத்தாளருமான பூர்ணசந்திர தேஜஸ்வியின் பிறப்பிடமும் இந்த ஊர்தான். இவர்கள் இருவரும் தகனம் செய்யப்பட்ட இடமும் இதுதான். இங்குள்ளா குவெம்புவின் குழந்தை பருவ வீடு ராஷ்டிரகவி குவெம்பு பிரதிஷ்டானா (குவெம்புவுக்கு அர்ப்பணிக்கப்பட்ட ஒரு அறக்கட்டளை) ஒரு அருங்காட்சியகமாக மாற்றப்பட்டுள்ளது. இந்த நம்பிக்கை குவெம்புவையும் அவரது படைப்புகளையும் வெளி உலகிற்கு காண்பிப்பதற்காக இங்கு மகத்தான வளர்ச்சிப் பணிகளை மேற்கொண்டுள்ளது.

கவிசைலா[தொகு]

கவிசைலா என்பது மெகாலிடிக் பாறைகளால் ஆன ஒரு பாறை நினைவுச்சின்னமாகும். இது குவெம்புவுக்கு அர்ப்பணிக்கப்பட்டுள்ளது. இது குப்பள்ளியில் ஒரு சிறிய மலையின் உச்சியில் உள்ளது. வட்ட வடிவத்தில் அமைந்துள்ள இந்த பாறைகள் இங்கிலாந்தில் ஸ்டோன் ஹெஞ்சை ஒத்திருக்கும் வகையில் வைக்கப்பட்டுள்ளன. இந்த பாறை நினைவுச்சின்னத்தின் மையத்தில் குவெம்பு இறந்த பிறகு அடக்கம் செய்யப்பட்ட இடமும், அந்த இடத்தில் ஒரு நினைவுச்சின்னமும் கட்டப்பட்டுள்ளது. இந்த நினைவுச்சின்னத்தின் அருகே, ஒரு சிறிய பாறை உள்ளது. அங்கு குவெம்பு தனது மற்ற எழுத்து நண்பர்களுடன் இலக்கியம் மற்றும் பிற தலைப்புகளைப் பற்றி உட்கார்ந்து விவாதித்தார். நினைவுச்சின்னம் அருகே குவெம்பு, பி. எம். சிறீகாந்தையா மற்றும் டி எஸ் வெங்கண்ணையா ஆகியோரின் பொறிக்கப்பட்ட கையொப்பங்கள் உள்ளன. பூர்ணசந்திர தேஜஸ்வி பின்னர் தனது கையொப்பத்தை அதே பாறையில் பொறித்தார்.

டிஜிட்டல் மயமாக்கல்[தொகு]

கவி சமாதியின் 3 டி புனரமைக்கப்பட்ட டிஜிட்டல் மாதிரி மற்றும் பொறிக்கப்பட்ட கையொப்பங்களை # டிஜிட்டல் ஹெரிடேஜ் திட்டத்தின் கீழ் ஆக்செஸ்மாப் (Axesmap)என்ற வளைதளம் உருவாக்கியுள்ளது.

கவிமனை[தொகு]

கவி மனை என்பது குவேம்புவின் மூதாதையர் வீடாகும். பசுமையான காடுகள் மத்தியில் மலைகளுக்கிடையே மலைநாடில், அமைந்துள்ளது. இது தரை தளம் உட்பட மூன்று மாடி ஓடு கொண்ட வீடு மற்றும் குவெம்பு தனது குழந்தைப் பருவத்தின் பெரும்பகுதியைக் கழித்த வீடு இது. இந்த வீடு இப்போது புதுப்பிக்கப்பட்டு அருங்காட்சியகமாக மாற்றப்பட்டுள்ளது. வீட்டின் கட்டிடக்கலை உள்ளூரில் தொட்டி மனே என்று அழைக்கப்படுகிறது, இதில் வீடு ஒரு தொட்டி (குளம்) போன்ற ஒரு மைய சதுர பகுதியைக் கொண்டுள்ளது. இந்த வீடு ஆண்டின் அனைத்து நாட்களிலும் காலை 9:00 மணி முதல் மாலை 6:30 மணி வரை திறந்திருக்கும். பெரியவர்களுக்கும் 10 வயதுக்கு மேற்பட்ட குழந்தைகளுக்கும் நுழைவு கட்டணம் 10 ரூபாய். இதற்குள் புகைப்படம் எடுப்பது தடைசெய்யப்பட்டுள்ளது.

அணுகல்[தொகு]

சாலை வழியாக[தொகு]

சிவமோகாவிலிருந்து குப்பள்ளி சுமார் 80 கி.மீ. தூரத்தில் அமைந்துள்ளது. பெங்களூரிலிருந்து, தேசிய நெடுஞ்சாலை எண் -206 மூலமும் சிவமோகாவை 350 கி. மீ தூரத்தில் அடையலாம். பெங்களூரிலிருந்து கருநாடக மாநிலச் சாலைப் போக்குவரத்துக் கழகம் பேருந்துகளை இயக்குகிறது. மங்களூரிலிருந்து, 153 கி.மீ. தூரத்தில் இது அமைந்துள்ளது.