காஃபார்சைட்டு
| காஃபார்சைட்டு Cafarsite | |
|---|---|
 கருங்கல்லின் மீது காஃபார்சைட்டு | |
| பொதுவானாவை | |
| வகை | ஆர்சனைட்டுகள் |
| வேதி வாய்பாடு | Ca8(Ti,Fe2+,Fe3+,Mn)6-7 (AsO3)12•4H2O |
| இனங்காணல் | |
| மோலார் நிறை | 2,230.31 கி/மோல் |
| நிறம் | அடர் பழுப்பு |
| படிக இயல்பு | கனசதுரம்/எண்முக படிகங்கள் |
| படிக அமைப்பு | சமவச்சு கனசதுரம் |
| முறிவு | சங்குருவம் |
| மோவின் அளவுகோல் வலிமை | 5 1⁄2 - 6 |
| மிளிர்வு | துணை உலோகம் |
| கீற்றுவண்ணம் | மஞ்சள் பழுப்பு |
| ஒளிஊடுருவும் தன்மை | ஒளிகசியும் மற்றும் ஒளிபுகாது |
| ஒப்படர்த்தி | 3.9 |
| ஒளியியல் பண்புகள் | சமவச்சு |
| ஒளிவிலகல் எண் | n = 2.2 |
| மேற்கோள்கள் | [1][2][3] |
காஃபார்சைட்டு (Cafarsite) என்பது (Ca8(Ti,Fe2+,Fe3+,Mn)6-7(AsO3)12•4H2O) என்ற மூலக்கூற்று வாய்ப்பாட்டால் விவரிக்கப்படும் ஓர் அரிய கால்சியம் இரும்பு ஆர்சனைட்டு கனிமமாகும். மாங்கனீசும் தைட்டானியமும் இவ்வாய்ப்பாட்டில் இரும்புடன் சேர்ந்து தோன்றுகிறது.
சுவிட்சர்லாந்து நாட்டின் வேலைசு மண்டலத்திலுள்ள பிண்டல் பள்ளத்தாக்கில் முதன்முதலாக 1966 ஆம் ஆண்டு காஃபார்சைட்டு கண்டறியப்பட்டது. பகுதிக்கூறுகளாக இடம்பெற்றுள்ள கால்சியம், இரும்பு, ஆர்சனிக் ஆகிய தனிமங்களின் பெயர்களை அடிப்படையாகக் கொண்டு காஃபார்சைட்டு என்ற பெயர் உருவாக்கப்பட்டது [2][1][3]. இத்தாலி நாட்டின் வடமேற்கு மண்டலத்திலும் கனடாவின் ஒண்டாரியோ மாநிலத்தின் தண்டர்பே மாவட்டத்திலுள்ள எம்லோ தங்கச் சுரங்கத்திலும் காஃபார்சைட்டு கனிமம் கிடைக்கிறது [3][2].