தனியுடைமை

Sole proprietorship(தனியார் சொத்து,தனிவியாபாரம்).இது ஒர் வியாபார முறைமை ஆகும். இங்கு தனிஒருவரினால் மூலதனம் இடப்பட்டு இலாப நட்டங்கள் போன்ற விளைவுகளை அவரே ஏற்கவேண்டி இருப்பதுடன் வியாபாரத்தின் முகாமைக்கும் அவரே பொறுப்பாளியாகவும் காணப்படுவார்.இவ் வியாபார அமைப்பில் உரிமையாளரை நிறுவனத்திலிருந்து வேறு பிரிக்கமுடியாது.நிறுவனத்தின் பெயரில்காணப்படும் கடன்கள் உரிமையாளரின் கடனாகக் கருதப்படும்.இலங்கை,இந்தியா போன்ற வளர்நிலை நாடுகளில் இத்தகைய தனியுடைமை வியாபார நிறுவன அமைப்பே அதிகளவில் காணப்படுகின்றது.

பண்புகள்

• தனியார்துறை நிறுவனம்
• வியாபாரத்தில் பங்காளர்கள் எவரும் காணப்படமாட்டார்கள்.
• வியாபார நிறுவனத்திற்கு சட்ட ஆளுமை அற்றது.
• பொறுப்பு வரையறையற்றது (unlimited liability).அ-து கடன் தொடர்பில் முழுப்பொறுப்பும் உரிமையாளரே சாரும்.கம்பனிகள்,கூட்டுதாபனங்களுக்கு பொறுப்பு வரையறுக்கப்பட்டிருக்கும்.
• முகாமை தொடர்பான தீர்மான்ங்களை தனிநபரே மேற்கொள்ளுவார்.
• இலாபநட்டங்கள் உரிமையாளர் ஒருவருக்கே போய்சேரும்.
• சட்டக்கட்டுபாடுகள் குறைந்தது.இலகுவாக வியாபாரத்தினை ஆரம்பிக்கலாம்.
• கணக்கீடுகள் செய்வது இலகுவானது.

தனியுடைமையும் சட்டக்கட்டுப்பாடு மற்றும் அனுமதிபெறலும்

தனியுடைமை வியாபாரத்தினை ஆரம்பிக்க,தொடர்ந்து நடாத்த,கலைக்க சட்டவிதிகள் எதனையும் பின்பற்ற வேண்டிய அவசியமில்லை. எனினும் இவ் நிறுவன அமைப்பு முழுமையான சட்ட விலக்குள்ள அமைப்பு என கூறப்படமுடியாது.சில பொதுவான சட்டங்களான நுகர்வோர் பாதுகாப்புச்சட்டம்,அளவை நிறுவை சட்டம்,விலைக்கட்டுப்பாட்டுச்சட்டம்,தொழிலாளர்கள் தொடர்பிலான சட்டங்கள் என்பன பின்பற்றவேண்டும்.

தனியுடமையில் வியாபாரத்தின் தன்மையினைப்() பொறுத்து இலகுவாக ஆரம்பிக்கமுடியாது.அவற்றிக்கு அனுமதி பெறுதல் கட்டாயமாக்கப்பட்டுள்ளது.எடுத்துக்காட்டாக, ஆங்கில மருந்துப் பொருட்கள், நாணயமாற்று வியாபாரம், வானொலி தொலைக்காட்சி சேவை,மதுபானசாலை,உணவுவிடுதி வெடிமருந்து தயாரிப்பு,போன்ற வியாபாரங்கள் நிறுவுவதற்கு அரசநிறுவனங்களிடமிருந்து அனுமதிப்பத்திரம் பெறுதல் கட்டாயமாகும்.

தனியுடமையின் பிரதிகூலங்கள்

• பெருமளவான மூலதனத்தை திரட்டமுடியாமை.
• பாரிய தொழில்முயற்சிகளை ஆரம்பிக்கமுடியாமை.
• பொறுப்புக்கள் வரையறுக்கப்படாமை.வியாபாரம் முறிவடையுமாயின் உரிமையாளர் சொந்த சொத்துகளையும் இழக்கநேரிடும்
• ஊழியர்கள் திரட்டுவதில் பிரச்சனைகள் காணப்படும்.
• வியாபாரம் நீண்டகாலம் நீடித்து இருப்பதில் நிச்சமற்ற தன்மை.
• நிறுவனம் வளரவளர ஆபத்து(risks) அதிகரிக்கும்.பொறுப்பு வரையறுக்கப்பட்ட கம்பனியாக மற்றுவதன் மூலம் இதனைத்தவிர்க்கலாம்.
• சட்ட ஆளுமை அற்றது.
• உரிமையாளருக்கு ஏற்படும் பாதிப்பு வியாபாரத்தினை பாதிக்கும்.
• நிபுணத்துவ அறிவற்றோரால் வியாபாரம் பிழையாக நடத்திச்செல்லப்படலாம்.

தனியுடைமையின் அனுகூலங்கள்

• சிறிய மூலதனத்துடன் இலகுவாக யாரும் ஆரம்பிக்கலாம்.தகுதி,படிப்பு போன்றன அவசியமில்லை.
• விரைவாகவும்,சுதந்திரமாகவும் தீர்மானங்களை நிறைவேற்றமுடிதல்.
• இலாபம் மூழுவதும் உரிமையாளரைச் சேரும்.
• வியாபாரத்தினை கட்டுப்படுத்துவது,வாடிக்கையாளரைப் பேணல் என்பது இலகு.

இவற்றையும் பார்க்க

• Sole proprietorship-ஆங்கில விக்கி

வெளி இணைப்புக்கள்

• Understanding Sole Proprietorships – Advantages & Disadvantages Good, in-depth article
• Sole Proprietor Magazine - For more on Sole Proprietors