இணையடிப் பன்முகி

இணையடிப் பன்முகியின் இணை அடிப்பக்க முகங்கள் A₁, A₃, நடுவழிக் குறுக்குவெட்டு A₂, உயரம் h

வடிவவியலில் இணையடிப் பன்முகி (prismatoid) என்பது தனது அனைத்து உச்சிகளையும் இரு இணை தளங்களில் அமைந்திருக்கக் கொண்ட ஒரு பன்முகி. இதன் பக்கவாட்டு முகங்கள் சரிவங்களாகவோ, முக்கோணங்களாகவோ இருக்கலாம். இரண்டு இணை தளங்களிலும் அமைந்திருக்கும் உச்சிகளின் எண்ணிக்கை சமமாகவும், பக்கவாட்டு முகங்கள் இணைகரங்களாகவோ அல்லது சரிவகங்களாகவோ இருக்குமானால் அந்த இணையடிப் பன்முகியானது பட்டகமாக இருக்கும்.

கன அளவு

இரு இணை அடிப்பக்க முகங்களின் பரப்பளவு A₁, A₃; இரு இணை அடிப்பக்கங்களுக்கும் நடுவிலுள்ள ஒரு தளத்தால் இப்பன்முகி வெட்டப்படும்போது கிடைக்கும் குறுக்குவெட்டின் பரப்பளவு A₂; இரு இணை அடிப்பக்கங்களுக்கு இடைப்பட்ட தூரம், அதாவது பன்முகியின் உயரம் h எனில் இணையடிப் பன்முகியின் கனவளவு:

$V={\frac {h(A_{1}+4A_{2}+A_{3})}{6}}$

வெளியிணைப்புகள்

• Weisstein, Eric W., "Prismatoid", MathWorld.