வாங் ஆறு

வாங் ஆற்றினைக் காட்டும் சாவ் ப்ரேயா நதி வடிகால் படுகையின் வரைபடம்

வாங் ஆறு ( தாய் மொழி: แม่น้ำวัง: மேனம் வாங், வடக்கு தாய்லாந்தில் உள்ள ஒரு ஆறு ஆகும்.

நிலவியல்

வாங் ஆறு 335 கிலோமீட்டர்கள் (208 மைல்கள்) நீளமானது. அதன் நீர் வடக்கிலிருந்து தெற்கே பாய்கிறது. சியாங் ராய் மாகாணத்தில் உள்ள வியாங் பா பாவ் மாவட்டத்தில் உள்ள ஃபை பான் நாம் மலைத்தொடரில் வாங் ஆறு உருவாகிறது. ஆற்றின் முக்கியக் குடியிருப்புகளில் ஒன்று லம்பாங் ஆகும், இது ஆற்றின் ஒரு வளைவின் வடக்கு கரையில் உள்ளது. லம்பாங்கிலிருந்து, ஆறு தெற்கே பாய்ந்து தோன் வழியாக தக் மாகாணத்தில் செல்கிறது. இது தக் நகருக்கு வடக்கே பான் தக் மாவட்டத்தில் மே சலிட் அருகே பிங் ஆற்றில் இணைகிறது. பிங் ஆறு சாவோ ஃபிரயா ஆற்றின் துணை நதியாகும் .

துணை ஆறுகள்

வாங்கின் துணை நதிகளில் மோ, துய், சாங் மற்றும் சோய் ஆறுகள் அடங்கும்

வாங் வடிநிலம்

வாங் ஆற்றுப் படுகை கிரேட்டர் பிங் வடிநிலம் மற்றும் சாவோ ஃபிரேயா நீர்நிலைகளின் ஒரு பகுதியாகும். வாங் நதி மற்றும் அதன் துணை நதிகளால் ஆன வடிநிலத்தின் மொத்த நிலப்பரப்பு 10792 சதுர கிலோமீட்டர்கள் (4,167 சதுர மைல்கள்) ஆகும்.

கியு லோம் அணை (เขื่อนกิ่วลม) வாங் ஆற்றில் லம்பாங் நகரத்திலிருந்து சுமார் 38 கிலோமீட்டர்கள் (24 மைல்கள்) உள்ளது.

வாங் ஆற்றுப் பள்ளத்தாக்கு, சே ஓம் மாவட்டம்