லாயூரியோனைட்டு
| லாயூரியோனைட்டு Laurionite | |
|---|---|
 கிரீசு நாட்டின் லாயூரியம் மாவட்டத்தில் பாறைக்குழியொன்றில் கிடைத்த லாயூரியோனைட்டு படிகங்கள் | |
| பொதுவானாவை | |
| வகை | ஆலைடு கனிமம் |
| வேதி வாய்பாடு | PbCl(OH) |
| இனங்காணல் | |
| நிறம் | நிறமற்றும் வெண்மையும் |
| படிக இயல்பு | நீட்டிய பட்டகத்தன்மை படிகங்கள் |
| படிக அமைப்பு | செஞ்சாய்சதுரம் |
| பிளப்பு | {101} இல் தனித்துவம் |
| விகுவுத் தன்மை | நெகிழும் |
| மோவின் அளவுகோல் வலிமை | 3 - 3.5 |
| மிளிர்வு | விடாப்பிடியான முத்து பளபளப்பு |
| கீற்றுவண்ணம் | வெண்மை |
| ஒளிஊடுருவும் தன்மை | ஒளிபுகும் |
| ஒப்படர்த்தி | 6.241 |
| ஒளியியல் பண்புகள் | ஈரச்சு (-) |
| ஒளிவிலகல் எண் | nα = 2.077 nβ = 2.116 nγ = 2.158 |
| இரட்டை ஒளிவிலகல் | δ = 0.081 |
| 2V கோணம் | அளக்கப்பட்டது: 70° |
| கரைதிறன் | சிறிதளவு கரையும் |
| மேற்கோள்கள் | [1][2][3][4] |
லாயூரியோனைட்டு (Laurionite) என்பது PbCl(OH) என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். ஓர் ஈய ஆலைடு கனிமம் என்று இதை வகைப்படுத்துகிறார்கள். நிறமற்றதாகவும் வெண்மைநிறத்திலும் செஞ்சாய்சதுரப் படிகங்களாக இக்கனிமம் உருவாகிறது. பாரா லாயூரியோனைட்டுடன் சேர்ந்து லாயூரியோனைட்டு இருபடிக உருவத்திலும் காணப்படுகிறது. இவ்விரண்டுமே மேட்லாக்கைட்டு கனிமக் குழுவின் உறுப்புனர்களாக உள்ளன[1].
1887 ஆம் ஆண்டு கிரீசு நாட்டின் அட்டிகா பிரதேசத்திலுள்ள லாயூரியம் மாவட்டத்தில் முதன்முதலில் லாயூரியோனைட்டு கண்டறியப்பட்டது. லாயூரியம் நகரத்தில் கண்டுபிடிக்கப்பட்ட்தால் கனிமம் இப்பெயரைப் பெற்றது. ஈய தாதுவின் படிவுகளில் ஆக்சிசனேற்ற விளைபொருளாகவும், ஈயத்தைப் பகுதிப்பொருளாகப் பெற்றுள்ள கசடுகள் உப்புநீர் கரைசல்களுடன் வினைபடுவதாலும் லாயூரியோனைட்டு உருவாகிறது பென்போல்டைட்டு, பீல்டுலெரைட்டு பாசுகீனைட்டு, செருசைட்டு, ஆங்கிளசைட்டு போன்ற கனிமங்களுடன் சேர்ந்த நிலையில் . பெரும்பாலும் லாயூரியோனைட்டு இயற்கையில் தோன்றுகிறது[2].