மாற்றுத்திறனாளிகள் உரிமைச் சட்டம் (2016)

மாற்றுத்திறனாளிகள் உரிமைச் சட்டம் 2016 (Rights to Persons with Disabilities act 2016 என்பது இந்திய நாடாளுமன்றத்தால் டிசம்பர் 2016இல் இயற்றபட்ட ஒரு சட்டமாகும். இச்சட்டம் மாற்றுத்திறனாளிகளின் நலன் மற்றும் அவர்களின் உரிமைக்காக இந்திய அரசால் 28, டிசம்பர் 2016 அன்று நடைமுறைப்படுத்தப்பட்டது.

வரலாறு

இந்தியாவில் 1995-ஆம் ஆண்டு முதன்முதலில் மாற்றுத்திறனாளிகளுக்காக ஒரு சட்டம் இயற்றப்பட்டது. ஆனால், இச்சட்டம் பல்வேறு குறைபாடுகளைக் கொண்டிருந்தது. எனவே, ஐக்கிய நாடுகள் அவை 2006, டிசம்பர் 13 அன்று மாற்றுத்திறனாளிகளுக்காக ஒருஉரிமை பிரகடனத்தை கொண்டுவந்தது. இந்தப் பிரகடனத்தில் இந்தியா அக்டோபர் 2007-இல் கையெழுத்திட்டு இணைந்து கொண்டது. இச்சட்டம் பின்வரும் முதன்மைக் கூறுகளைக் கொண்டுள்ளது:

1. மாற்றுத்திறனாளிகளின் உரிமையும் நலமும்
2. சமவுரிமை
3. வேலைவாய்ப்பு

இந்தப் பிரகடனத்தின்படி இந்திய அரசு 2016-இல் இந்திய நாடாளுமன்ற மக்களவையில் இந்தச் சட்ட வரைவைக் கொண்டுவந்தது. பல்வேறு பரிசீலனைகளுக்குப் பின்னர் இச்சட்டம் 2016-இல் இந்தியக் குடியரசுத்தலைவரின் ஒப்புதலுக்குப் பின்னர்ச் சட்டமாக நடைமுறைபடுத்தப்பட்டது.

சிறப்புக் கூறுகள்

இச்சட்டம் 2017-இல் முழுவதும் நடைமுறைக்கு வந்தது. இச்சட்டம் 17 அத்தியாயங்களையும் 95 பிரிவுகளையும் கொண்டுள்ளது. மேலும், இச்சட்டம் மாற்றுத்திறனாளிகளுக்கான உரிமைகளை அளிப்பதோடு பல சிறப்புக் கூறுகளையும் கொண்டுள்ளது. இதன் சில சிறப்பம்சங்கள் பின்வருமாறு:

• அடிப்படை உரிமைகள் மற்றும் பாதுகாப்பு
• சமூகத்தில் சம உரிமை
• கல்வி பெறும் உரிமையை உறுதி செய்தல்
• மாற்றுத்திறனாளிகளுக்கான உயர் ஆணையர்
• குறைபாட்டின் பிரிவுகளை 7 இலிருந்து 21 ஆக வகைப்படுத்தியுள்ளது.
• இட ஒதுக்கீட்டினை மூன்றிலிருந்து நான்கு விழுக்காடாக உயர்த்துதல்
• பொது இடங்களை இணக்கமாக மாற்றுதல்

வெளி இணைப்புகள்

• இச்சட்டத்தின் நேரடிக் கோப்பு
• Text of legislation பரணிடப்பட்டது 2018-10-24 at the வந்தவழி இயந்திரம்

இவற்றையும் பார்க்கவும்

உச்ச நீதிமன்றம் புதிய உத்தரவு