மருங்கூர்ப் பட்டினம்

கட்டற்ற கலைக்களஞ்சியமான விக்கிப்பீடியாவில் இருந்து.
(மருங்கை இலிருந்து வழிமாற்றப்பட்டது)
Jump to navigation Jump to search

மருங்கூர்ப்பட்டினம் துறைமுகத்தைப் பற்றி நக்கீரர் பாடல்கள் குறிப்பிடுகின்றன. கடலோர ஊணூரை அடுத்து மருங்கூர்ப் பட்டினம் இருந்தது. ஊணூர் அரசன் தழும்பன். மருங்கூர்ப்பட்டின அரசன் வழுதி. ஊணூர் அன்றில் பறவைகளின் புகலிடம்.

  1. மருங்கூர்ப்பட்டினம் வங்கக்-கப்பல்களில் வாணிகம் செய்வோர் வாழுமிடம்.[1]
  2. இவ்வூர் அரசன் வழுதி ‘பசும்பூண்-வழுதி’ எனச் சிறப்பிக்கப்படுகிறான்.[2]
  3. இவ்வூர் திருவுடை வியனகர் எனப் போற்றப்படுகிறது. இவ்வூர் மகளிர் விருந்தினர்க்கு ஊட்டிய மிச்சத்தைப் புறங்கடையில் வீசுவார்களாம். அதனை உண்ட கடற்காக்கை அங்காடித் தெருவில் இளைப்பாறுமாம். பின் இறால் மீனை உண்ண அங்குள்ள கடலில் நிற்கும் வங்கக்-கப்பலின் கூம்பில் தங்குமாம்.[3]

அடிக்குறிப்பு[தொகு]

  1. தமிழ் அகப்படுத்த இமிழ் இசை முரசின் வருநர் வரையாப் பெருநாள் இருக்கை தூங்கல் பாடிய ஓங்குபெரு நல்லிசைப் பிடிமிதி வழுதுணைப் பெரும்பெயர்த் தழும்பன் கடிமதில் வைப்பின் ஊணூர் உம்பர் விழுநிதி துஞ்சும் இருங்கழிப் படப்பை மருங்கூர்ப் பட்டினம் – ஆவணக் கம்பலை நக்கீரர் - அகநானூறு 227-18
  2. பெருஞ்சேறு இறவின் துய்த்தலை முடங்கல் சிறுவெண்-காக்கை நாளிரை பெறூஉம் பசும்பூண் வழுதி மருங்கை அன்ன (தலைவி கவின்) நக்கீரர் – நற்றிணை 358
  3. பசுங்கட் காக்கை தூங்கல் வங்கத்துக் கூம்பில் சேக்கும் மருங்கூர்ப்பட்டினம் - நக்கீரர் நற்றிணை 258