மகதலேனா ஆறு

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

மகதலேனா (மாகதலீனா) ஆறு (எசுப்பானியம்: Río Magdalena, எசுப்பானிய ஒலிப்பு: [ˈri.o maɣðaˈlena]; Less commonly Rio Grande de la Magdalena) (ஸ்பானிஷ் மொழியில் - ரியோ மாகதலீனா மிக குறைந்த அளவில்   கிராண்டே டி லா மாகதலீனா என்று அறியப்படுகிறது ) கொலம்பியாவின் முக்கிய ஆறு ஆகும்.[1] இது நாட்டின் மேல் பகுதியில் வடக்கு நோக்கி 1542 கி. மீ (949 மைல்கள்) பாய்கிறது. இது வேதாகமத்தில் உள்ள மேரி மகதலேனா(மாகதலீனா) என்பாரின் பெயரால் அழைக்கப்படுகிறது. இதனின் கழிமுகப் பகுதி அடிக்கடி நிலை மாறும் மணல் திட்டுகளைக் கொண்டு இருந்தாலும் இதன் கீழ் பகுதியில் இது ஹோண்டா வரை படகு போக்குவரத்துக்கு ஏற்புடையதாக உள்ளது. இது மகதலேனா பள்ளத்தாக்கின் வழியாக பாய்கிறது.

இதன் வடிநிலப்பகுதியானது 2,73,000 சதுர கிலோ மீட்டர் (105,000 சதுர மைல்) பரப்பளவு கொண்டதாக காணப்படுகிறது. இது அந்நாட்டின் 24% பரப்பு ஆகும். இங்கு நாட்டின் 66% மக்கள் வாழ்கிறார்கள்.

பாய்நிலம்[தொகு]

மாகதலீனா ஆற்றின் முகப்பு பகுதி தென் கொலம்பியாவில் அமைந்துள்ளது. இங்கு அந்தீசு மலைத்தொடரின் கிளைகளான மத்திய கார்டிரெல்லா மற்றும் கீழைய கார்டிரெல்லா ஹூயுல்லா பகுதியில் பிரிகின்றன. ஆறு இங்கே இரு கார்டிரெல்லாக்களுக்கும் இடையே உள்ள பள்ளத்தாக்கில் வட பகுதியில் கிழக்காக பாய்கிறது. இது கடற்கரையின் சமவெளிக்கு ஒன்பது பாகை வடக்கில் வந்து சேர்கிறது பின் 100 கி. மீ (62 மைல்கள்) மேற்கில் ஓடி பின் மறுபடியும் வடக்கில் திரும்பி போகாஸ் டி சென்ஸியா எனும் பிராந்தியத்தில் உள்ள பாரன்குயிலா நகரில் கரீபியன் கடலுடன் கலக்கிறது.

தாவரங்கள் மற்றும் விலங்குகள்[தொகு]

மாகதலீனா ஆற்று வடிநிலம் அதோடு உள்ள காகஸ் ஆறு அதன் கிளை ஆறுகள் பகுதியில் அதிக அளவில் மீன்கள் காணப்படுகின்றது. 2008 ஆம் வருட கணக்கின் படி இவ்வடிநிலத்தில் 213 வகை மீன் இனங்கள் இருந்து உள்ளன.[2] அதன் பிறகு 2013 ஆம் வருடத்தில் ஐந்து ஹெமிப்ரைகான் மீன்கள், இரண்டு அன்சிஸ்ட்ரஸ், 2014 ஆம் ஆண்டு ஒரு ஃப்ராலோவெல்லா இனம் இருப்பதாக அறியப்பட்டுள்ளது. அதிக அளவில் அறியப்பட்ட இனங்கள் ஆவன க்ரோனோஹெரஸ் அம்ப்ரிபெரஸ், ஸ்டெனோலுஸியஸ் ஹுஜெட்டா, ஜியோஃபேகஸ் ஸ்டெயின்டாசேரி, இச்சுதையோலெஃபஸ் லாங்கிரோஸ்டிரஸ், பனேகு கோச்சிடிலான், பைமெலாடஸ் ப்ளாச்சி, போடோமோட்ரைகான் மாக்தலீனே, ப்ரோசிடெலஸ் மாக்தலீனே, ப்ஸ்யூடோப்ளாட்டிஸ்றோமா மாக்தலீனேறியம் மற்றும் ஸாமினஸ் அஃபினிஸ் ஆகும். இந்த வடிநிலத்தில் காணப்படும் மீன் இனங்களில் 55% மீன்கள் உள்நாட்டு இனங்கள் ஆகும். பொதுவாக இங்கு காணப்படும் மீன்கள் இதை சுற்றியுள்ள மற்ற  வடிநிலங்களில் காணப்படும் மீன்களை ஒத்து காணப்படுகின்றன முக்கியமாக அரட்டோ மற்றும் மாறகைபோ வடிநிலங்களில் உள்ள மீன்களோடு அதிகம் ஒத்து காணப்படுகின்றன.[3]ஆனால் அமேசான் - ஓரினோகோ வடிநில மீன்களோடு குறைந்த அளவில் ஒத்து காணப்படுகிறது.

கொலம்பியாவில் உள்ள வடிநிலங்கள் தான் அதிகம் மீன் உற்பத்தி செய்யும் பகுதி ஆகும். ஆனால் 1975 முதல் 2008 ஆம் ஆண்டு வரை மீன் உற்பத்தியில் 90% வீழ்ச்சி ஏற்பட்டுள்ளது. இதற்கு முக்கிய காரணம் மாசுபாடு தான்(மனித கழிவு, சுரங்க தொழில், விவசாயம் மற்றும் காடுகளை அளித்ததன் மூலம் வண்டல்படிவுகள் ஏற்படுவது) மற்றும் வாழ்விடங்களை இழத்தல் (உதாரணமாக அணைகள்). அதிகப்படியாக அணைகள் கட்டப்பட்டு வருகிறது அவற்றுள் முக்கியமானது எல்கயிம்போ (2015 ஆம் ஆண்டு கட்டப்பட்டது) மற்றும் இட்டுவாய்ங்கோ (2018 ஆம் ஆண்டு திறக்கப்பட்டது) இது சில சர்சைகளை உருவாக்கியது. [4][5]மாசுபாடு காரணமாக பொருளாதார முக்கியம் வாய்ந்த சில மீன் இனங்களின் உடலில் சில கடின உலோகங்கள் படிந்து உள்ளது கண்டுபிடிக்கப்பட்டுள்ளது. 2002 ஆம் வருட கணக்கெடுப்பின் படி 19  மீன் இனங்கள் அழியும் நிலையில் இருப்பதாக அறியப்பட்டுள்ளது.

பிற விலங்குகள்[தொகு]

மாகதலேனா ஆறு மற்றும் அதன் பள்ளத்தாக்கு பரந்த அளவில் வெவ்வேறு வகையான சூழல் மண்டலத்தை கொண்டுள்ளது. முகப்பு பகுதியில் உள்ள பராமோ, மேல் பகுதியில் உள்ள வறண்ட காடுகள், மத்திய பகுதியில் உள்ள மழை காடுகள் மற்றும் கீழ் பகுதியில் உள்ள சதுப்பு நிலங்கள் ஈர நிலங்கள் அவற்றில் அடங்கும்[6]. புள்ளியுடல் முதலை இனங்கள், பச்சை நிற இகுவானா மற்றும் பழுப்பு நிற கூழைக் கடா போன்ற விலங்குகள் இங்கு அபரிதமாகக் காணப் படுகின்றன ஆனால் பிற உயிரினங்களான மேற்கிந்திய கடல் வாழ் தாவர உண்ணி (கடல் பசு), மகதலேனா ஆற்று பள்ளத்தாக்கில் மட்டுமே வாழும் றினாமௌ என்ற மிகப் பழங்காலத்து பறவை, றாட்ஸ் கிளி, அமெரிக்க முதலை, கொலம்பிய ஸ்லைடர் என்று அழைக்கப் படும் நீர் ஆமை, மகதலேனா நீர் ஆமை, டாஹ்ல்ஸ் தேரை தலை ஆமை மற்றும் சிவப்பு கால் ஆமை போன்றவை அழியும் நிலையில் உள்ளது.

மேற்கோள்கள்[தொகு]

  1. "Polinizaciones: Las Abejas y las Garzas / The Bees and Storks". Polinizaciones.blogspot.com (7 February 2008). பார்த்த நாள் 2008-11-06.
  2. Román-Valencia; Ruiz; Taphorn; Mancera-Rodriguez; and García-Alzate (2013). Three new species of Hemibrycon (Characiformes: Characidae) from the Magdalena River Basin, Colombia. Rev Biol Trop. 61(3): 1365–1387.
  3. Freshwater Ecoregions of the World: Magdalena – Sinu. Retrieved 12 August 2014.
  4. International Rivers (18 January 2012). Colombia's El Quimbo in Limbo. Retrieved 12 August 2014.
  5. International Rivers (18 March 2013). Police Detain Ituango Dam Affected. Retrieved 12 August 2014.
  6. "Magdalena Valley dry forests". பார்த்த நாள் 2011-07-15.
"https://ta.wikipedia.org/w/index.php?title=மகதலேனா_ஆறு&oldid=2890116" இருந்து மீள்விக்கப்பட்டது