பொதுப் பேரேடு

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

பெயரளவு பேரேடு அல்லது பொதுப் பேரேடு (general ledger) என்பது இரட்டைப் பதிவுமுறையைப் பயன்படுத்தும் தொழில்களின் முக்கியமான கணக்குப் பதிவாகும். இது வழக்கமாக நடப்புச் சொத்துக்கள், நிலையான சொத்துக்கள், பொறுப்புக்கள், வருவாய் மற்றும் செலவு அம்சங்களையும், இலாபங்கள் மற்றும் நட்டங்களையும் உள்ளிட்டதாக இருக்கிறது. ஒவ்வொரு பொதுப் பேரேடும் இரண்டு பிரிவுகளாகப் பிரிக்கப்பட்டிருக்கிறது. இடதுபக்கம் பற்று நடவடிக்கைகளையும் வலதுபக்கம் வரவு நடவடிக்கைகளையும் பட்டியலிடுகிறது. இது ஒவ்வொரு தனிப்பட்ட பொதுப் பேரேட்டுக் கணக்கிற்கும் 'T' வடிவத்தை வழங்குகிறது.

ஒரு "T" கணக்கு இடதுபக்கத்தில் பற்றுக்களையும் வலதுபக்கத்தில் வரவுகளையும் பின்வருமாறு காட்டுகிறது.

பற்றுகள் வரவுகள்
   
   
   
   
   

பொதுப் பேரேடு என்பது முக்கிய நிதி அறிக்கைகளில் காட்டப்பட்டுள்ள மதிப்பு அம்சங்களுக்கு உதவுக்கூடிய கணக்குக் குழுக்களின் தொகுப்பு ஆகும். இது விற்பனைப் புத்தகம், கொள்முதல் புத்தகம், உரொக்கம் மற்றும் பொதுக் குறிப்பேட்டு புத்தகம் ஆகியவற்றில் பதியப்பட்டுள்ள நடவடிக்கைகளை இடுவதன் மூலம் உருவாக்கப்படுகிறது. இந்த பொதுப் பேரேட்டிற்கு, பொதுப் பேரேட்டில் உள்ள கணக்குகளுக்கான விவரங்களை வழங்கும் ஒன்று அல்லது அதற்கு மேற்பட்ட துணைப் பேரேடுகளால் உதவியளிக்கப்படுகிறது. உதாரணத்திற்கு, பெறுதல் கணக்குகள் துணைப் பேரேடு ஒவ்வொரு கடன் வாடிக்கையாளருக்குமான தனிப்பட்ட கணக்கை உள்ளிட்டிருக்கலாம் என்பதோடு அந்த வாடிக்கையாளரின் மீதத்தொகையை தனியாகக் கண்கானிக்கலாம். இந்தத் துணைப்பேரேடு பின்னர் இருப்பு நிலைக் குறிப்பை தயார் செய்யும் நடவடிக்கையின் ஒரு பகுதியாக துல்லியத்தன்மையை உறுதிப்படுத்த அதனுடைய கட்டுப்பாட்டுக் கணக்கை (இந்நிலையில், பெறுதல் கணக்குகள்) கூட்டி ஒப்பிடும்.[1]

எல்லாக் கணக்குகளும் ஏழு அடிப்படைப் பிரிவுகளின் கீழ் அமைக்கப்படுகின்றன:

  1. சொத்துக்கள்
  2. பொறுப்பு
  3. உரிமைதாரர் பங்கு
  4. வருவாய்
  5. செலவு
  6. ஆதாயங்கள் (இலாபங்கள்)
  7. நட்டங்கள்
1828 ஆண்டிலிருந்து பொதுப் பேரேடு

இறுதிக் கணக்கு மற்றும் வருவாய் அறிக்கை ஆகிய இரண்டும் பொதுப் பேரேட்டிலிருந்தே பெறப்படுகின்றன. பொதுப் பேரேட்டில் உள்ள ஒவ்வொரு கணக்கும் ஒன்று அல்லது அதற்கு மேற்பட்ட பக்கங்களைக் கொண்டிருக்கின்றன. பொதுப் பேரேடு என்பது இந்தக் கணக்குகளை பதிவதற்கான இடமாகும். பதிதல் என்பது தொகைகளை வரவுகளாகவும் (வலது பக்கம்), செலவுகளாகவும் (இடது பக்கம்) பொதுப் பேரேட்டின் பக்கங்களில் பதிவதாகும். வலதுபக்கம் உள்ள கூடுதல் பத்தி நடப்பிலுள்ள கூடுதலைக் குறிக்கும்.

கணக்கின் பெயர்களைப் பட்டியலிடுதல் கணக்குகளின் அட்டவணை எனப்படுகிறது. கணக்குத் தொகைகளின் சாராம்சம் இருப்புநிலைக் குறிப்பு எனப்படுகிறது. நிதிநிலை அறிக்கை தயாரிப்பு நிகழ்முறையின் தொடக்க நிலையில் இருப்புநிலைக் குறிப்பின் நோக்கம் மொத்தப் பற்றுக்கள் மற்றும் வரவுகளின் கூடுதல் சமமாக இருப்பதை உறுதிப்படுத்துவதாகும்.

பொதுப் பேரேடானது ஒவ்வொரு கணக்கிற்குமான தேதி, விவரம் மற்றும் தொகை அல்லது கூடுதல் ஆகியவற்றை உள்ளிட்டிருக்க வேண்டும். இது வழக்கமாக குறைந்தபட்சம் ஏழு முக்கியப் பிரிவுகளாக பிரிக்கப்பட்டிருக்கிறது. இந்தப் பிரிவுகள் பொதுவாக சொத்துக்கள், பொறுப்புக்கள், உரிமைதாரரின் பங்கு, வருவாய், செலவினங்கள், ஆதாயங்கள் மற்றும் நட்டங்களை உள்ளிட்டிருக்கிறது. பொதுப் பேரேட்டின் முக்கியப் பிரிவுகள் மேற்கொண்டு உரொக்கம், பெறுதல் கணக்குகள், செலுத்தல் கணக்குகள், இன்னபிற போன்றவற்றின் கூடுதல் தகவல்களை உள்ளிடுவதற்கான துணைப் பேரேடுகளாக பிரிக்கப்பட்டிருக்கலாம்.

ஒவ்வொரு கணக்குப் பதிவும் சமமான தொகையை ஒரு கணக்கில் பற்று வைக்கவும் மற்றொரு கணக்கில் வரவு வைக்கவும் செய்வதால் இரட்டைப் பதிவு முறை எப்போதும் சமமாக இருக்கிறது என்பதை உறுதிப்படுத்த உதவுகிறது. ஆகவே இது பின்வரும் கணக்குச் சமன்பாட்டைப் பின்பற்றுகிறது:

[2]

கணக்குப் பதிவுச் சமன்பாடு இறுதிக் கணக்கின் கணித கட்டமைப்பாகும்.

குறிப்புதவிகள்[தொகு]

  1. Mills, Doug (2000). Foundations of Accounting. Sydney: UNSW Press. பக். 256. பன்னாட்டுத் தரப்புத்தக எண்:0-908237-92-8. 
  2. Meigs and Meigs. Financial Accounting, Fourth Edition . McGraw-Hill, 1983. pp.19-20.
"https://ta.wikipedia.org/w/index.php?title=பொதுப்_பேரேடு&oldid=1883274" இருந்து மீள்விக்கப்பட்டது