பேச்சு:யோசப் மைசிட்டர்

Joseph Meister என்னும் பெயரை யோசப் மைசிட்டர் என்று எழுத வேண்டும் என நினைக்கின்றேன். இடாய்ட்சு மொழியில் Meister என்றால் தேர்ந்தவர், முதுவர் (Master) என்று பொருள். அதனை மைச்˘ட்டர் (My.ster) என்பதுபோல ஒலிக்க வேண்டும். Joseph Meister என்பவர் இடாய்சு (மொழி) நாட்டினரா என அறியேன். ஆங்கிலத்திலும் மை˘ச்ட்டர் என்பது போல ஒலிப்பர். தலைப்பை மாற்றலாமா? --செல்வா 17:57, 6 ஜூலை 2009 (UTC)

இதன் உண்மையான ஒலிப்பு முறை எனக்கு என்னவென்று தெரியாது! ஆங்கில பெயரை தமிழில் ஒலிபெயர்த்தேன் அவ்வளவு தான் செல்வா, கண்டிப்பாக நீங்க சொன்னது போல் யோசப் மைசிட்டர் மாற்றிவிடுகிறேன் செல்வா. சுட்டிக் காட்டியமைக்கு நன்றி :)--கார்த்திக் 18:50, 6 ஜூலை 2009 (UTC)

கார்த்திக், இடாய்ட்சு மொழி (செருமன்) மிகவும் சீரான ஒலிப்பை உடைய ஒரு மொழி (ஆங்கிலம் போல் ஒலிப்பொழுக்கம் குன்றிய மொழியில்லை). ie என்று வந்தால் ஈ என்று ஒலிப்பு கொள்ளும். ei என்று வந்தால் ஐ என்று ஒலிப்பு கொள்ளும் (எல்லா இடத்திலும்). Einstein என்பதை இதனால்தான் ஐன்ச்˘ட்டைன் என்று ஒலிக்க வேண்டும். பரவலாக அறியப்பட்ட இடாய்ட்சு மொழி கிழமை (வார) இதழாகிய Der Spiegel (டெர் ச்^ப்பீகல், தமிழில் டெர் இசுப்பீகல், சொற்பொருள் ஆடி, கண்ணாடி) என்பதை ie என்று வருதால் பீ என்று நீட்டுதல் வேண்டும். ஆங்கிலத்தில் குழப்பம் ஏற்படும் receive என்பதையும், relieve என்பதையும் ஈ என்றே நீட்டுவோம். தலைப்பை மாற்றியதற்கு நன்றி கார்த்திக்.--செல்வா 21:36, 6 ஜூலை 2009 (UTC)