பெருந்தரவுகள்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஐ.பி.எம் உருவாக்கிய, விக்கிப்பீடியாவின் தினசரி தொகுப்புகளின் காட்சிப்படுத்துதல். அளவில் பல டெராபைட்டுகள் அடங்கிய எழுத்துக்களும் படிமங்களும் பெருந்தரவுகளுக்கான எடுத்துக்காட்டாகும்.
உலகத் தகவல் சேமிப்புக் கொள்ளளவின் வளர்ச்சியும் எண்முறையாக்கலும்[1]

பெருந்தரவுகள் (ஆங்கிலம்: Big data) என்பது சிக்கலான மிகப்பெரிய தரவுக்கணங்களைக் குறிக்கும் ஒரு பொதுப்படையான சொல்லாகும். இவற்றைப் பகுத்தறிந்து ஆராய வழக்கமான தரவுச் செயலாக்க இயக்கிகள் போதா. தரவு பகுப்பாய்வு, தரவு ஈட்டல், தரவுச் சீராக்கம், தேடல், தரவுப் பகிர்தல், தரவுச் சேமிப்பு, தரவுப் பரிமாற்றம், காட்சிப்படுத்துதல் மற்றும் தகவல் தனியுரிமை உள்ளிட்ட சவால்களை, பெருந்தரவுகளைக் கையாளுகையில் சந்திக்க நேரிடும். கணிப்பாய்விலையோ அல்லது தரவுவளங்களைப் பிரித்தெடுக்கும் வேறு மேம்பட்ட முறையினையோ குறிக்கவே இப்பதம் பெரிதும் பயன்படுத்தப்படுகிறது. தரவுக் கணங்களின் அளவு அவ்வப்போது மட்டுமே இப்பதத்தோடு இணைத்துப் பார்க்கப்படும். பெருந்தரவினால் விளையும் துள்ளியமான கணிப்புகள் உறுதியான முடிவுகளை எட்ட உதவும். இதன்மூலம் மேம்பட்ட செயல்திறனிற்கு, விலைக் குறைப்பிற்கு மற்றும் இடர் குறைப்பிற்கும் வழிவகை அமையும்.

தரவுக்கணங்களை ஆய்வதன் வாயிலாக, வணிக-வர்த்தக போக்குக் கணிப்பு, நோய் பரவல் தடுப்பு, குற்றங்கள் பெருகாது கட்டுப்படுத்தல், முதலியவற்றிற்குப் பயன்படும் தொடர்புப்பிணைகளைக் கண்டுகொள்ள முடியும். இணையத் தேடல், நிதியியல், வணிகத் தகவலியல் உள்ளிட்ட பல துறைகளில் பெரும் தரவுக்கணங்களைக் கையாளுவதில் அறிவியலாளர், வணிக நிர்வாகிகள், ஊடகப் பயனர், அரசு உள்ளிட்ட பலரும் பல்வேறு இன்னல்களைச் சந்திக்கின்றனர். அறிவியலர், வானிலையியல், மரபணுத்தொகையியல்,[2] சிக்கலான இயற்பியல் உருவகப்படுத்தல்,[3] உயிரியல் மற்றும் சுற்றுச்சூழலாய்வுகள் உள்ளிட்ட, இணையம் சார் அறிவியல் பணிகளை மேற்கொள்ளும்போது பெருந்தரவு தொடர்பான இடர்பாடுகளைச் சந்திக்க நேரும்.[4]

விளக்கம்[தொகு]

பெருந்தரவுகளானவை, தரவுகளைக் குறித்த காலத்துக்குள், ஈட்ட, சீராக்க, கையாள, மற்றும் செயல்முறைக்குள்ளாக்க வழக்கமாகப் பயன்படுத்தப்படும் மென்பொருள் கருவிகளின் ஆற்றலுக்கு அப்பாற்பட்ட அளவுடைய தரவுக் கணங்களை உள்ளடக்கியது.[5] பெருந்தரவுகளின் அளவு வரையறை தொடர்ந்து மாற்றத்திற்குள்ளாக்கப்படுகிறது. 2012-வாக்கில் சிலபல டெராபைட்டுகளாக கருதப்பட்ட வரையறை தற்போது பல பீட்டாபைட்டுகள் அளவுடைய தரவுகளாகக் கொள்ளப்படுகிறது.

பெருந்தரவுகள் என்பது பெரும் தரவுக்கணங்களுள் புதைந்திருக்கும் பலதரப்பட்ட, சிக்கலான, பாரிய அளவுடைய மதிப்பு வளங்களை, புதுப்புது ஒருங்கிணைப்பு முறைகளால் வெளிக்கொணரும் தொழில்நுட்பங்களின் உத்திகளின் தொகுப்பினைக் குறிக்கும்.[6]

இவற்றையும் காண்க[தொகு]

சான்றாதாரங்கள்[தொகு]

  1. Source
  2. "Community cleverness required"
  3. "Sandia sees data management challenges spiral"
  4. Reichman, O.J.; Jones, M.B.; Schildhauer, M.P. (2011).
  5. Snijders, C.; Matzat, U.; Reips, U.-D. (2012).
  6. Ibrahim; Targio Hashem, Abaker; Yaqoob, Ibrar; Badrul Anuar, Nor; Mokhtar, Salimah; Gani, Abdullah; Ullah Khan, Samee (2015). "big data" on cloud computing: Review and open research issues".
"https://ta.wikipedia.org/w/index.php?title=பெருந்தரவுகள்&oldid=2074288" இருந்து மீள்விக்கப்பட்டது