பெண்கள் அமைதி சங்கம்
பெண்கள் அமைதி சங்கம் (Women's Peace Society) என்பது அமெரிக்காவில் இராணுவமயமாக்கல் மற்றும் வன்முறையின் அக்கிரமத்தை மையமாகக் கொண்ட ஒரு ஒழுங்கமைக்கப்பட்ட இயக்கமாகும். பெண்கள் அமைதிச் சங்கம் பதினான்கு ஆண்டுகளாகச் செயலில் உள்ள அமைப்பாக இருந்தது. இது, 1919 இல் நிறுவப்பட்டது. மேலும், ஒரு தனி அமைதி இயக்கமாக - மேற்கு அரைக்கோளத்தின் பெண்கள் அமைதி ஒன்றியம்-1933இல் உருவானது. [1] ஃபேன்னி கேரிசன் வில்லார்ட், எலினோர் பைர்ன்ஸ், கேதரின் டெவரூக்ஸ் பிளேக், மற்றும் கரோலின் லெக்சௌ பேப்காக் ஆகியோர் சர்வதேச மகளிர் அமைப்பின் அமைதி மற்றும் சுதந்திரத்திற்கான லீக், செயற்குழுவில் இருந்து விலகிய போது பெண்கள் அமைதி சங்கம் செப்டம்பர் 12, 1919 இல் அமெரிக்காவில் உருவாக்கப்பட்டது. ஏனெனில் அவர்கள் "முழு உறுப்பினர் மற்றும் செயற்குழுவில் ஒருமைப்பாட்டின் அடிப்படை பற்றாக்குறையை" கண்டறிந்தனர். [2] குழுவின் தலைவர், ஃபேன்னி கேரிசன் வில்லார்ட், முதலாம் உலகப் போரின் கொடிய விளைவுகளுக்குப் பிறகு மனிதாபிமான பிரச்சினைகளுக்கு முக்கியத்துவம் கொடுக்கவும், அனைத்து உயிர்களின் முக்கியத்துவத்திற்கான விழிப்புணர்வை ஏற்படுத்தவும் முயன்றார்.
பின்னணி[தொகு]
பெண்கள் அமைதி சங்கத்தின் முக்கிய அக்கறை அனைத்து போர்களையும் எதிர்கால போர் முயற்சிகளையும் ஒழிப்பதாகும். பெண்கள் அமைதி சங்கம் , பெண்கள் அமைதி ஒன்றியம் மற்றும் நல்லிணக்கத்தின் கூட்டுறவு போன்ற பிற அமைதி அமைப்புகளுடன் இணைந்து போரின் கொடுமைகள் குறித்தும், அமெரிக்கா வெளிநாட்டு விவகாரங்களில் இருந்து விலகியிருந்தால் மில்லியன் கணக்கான இறப்புகள் தவிர்க்கப்படலாம் என்றும் விழிப்புணர்வை ஏற்படுத்தியது. இந்த அமைதிக் குழுக்களில் பங்கேற்ற பெண்கள் அடிக்கடி இந்த பிரச்சனைகள் மற்றும் நகர சபை கூட்டங்கள் மற்றும் காங்கிரஸின் விசாரணைகள் மூலம் போர் எதிர்ப்பு திருத்தம் குறித்து பொதுமக்களிடம் பேசினர். மற்ற சமாதான அமைப்புக் குழுக்களுடன் இணைந்து, மகளிர் அமைதிச் சங்கம் 1923 இல் போர் எதிர்ப்பாளர்கள் லீக் [3] ஐ உருவாக்க உதவியது, இது முதலாம் உலகப் போருக்குப் பிறகு போரை ஒழிப்பதை நோக்கி நகரும் ஒரு அமைப்பாகத் தொடர்கிறது.
நிறுவனர்: ஹெலன் பிரான்சிஸ் "ஃபேன்னி" கேரிசன் வில்லார்ட்[தொகு]
ஃபேன்னி கேரிசன் வில்லார்ட் ஒரு வாக்குரிமையாளர், போர் எதிர்ப்பு இயக்கத்தின் ஆர்வலர் மற்றும் தீவிர மனிதாபிமானவாதியாக அறியப்பட்டார். ஹெலன் ஃபிரான்சிஸ் "ஃபேன்னி" கேரிசன் வில்லார்ட் டிசம்பர் 16, 1844 இல் மாசசூசெட்ஸில் வில்லியம் லாயிட் கேரிசன் மற்றும் ஹெலன் எலிசா (பென்சன்) காரிசன் ஆகியோருக்குப் பிறந்தார். [4] ஃபேன்னி கேரிசன் வில்லார்ட் ஜனவரி 1866 இல் ஒரு செய்தித்தாளின் வெளியீட்டாளரான ஹென்றி வில்லார்டை மணந்தார். ஹென்றி மற்றும் ஃபேன்னி வில்லார்டுக்கு நான்கு குழந்தைகள் இருந்தனர்: ஹென்றி ஹில்கார்ட் வில்லார்ட்; ஓஸ்வால்ட் கேரிசன் வில்லார்ட்; ஹெலன் வில்லார்ட்; மற்றும் ஹரோல்ட் கேரிசன் வில்லார்ட். ஃபேன்னி ஜூலை 1928 இல் நியூயார்க்கில் இறந்தார்.
வரலாற்று முக்கியத்துவம்[தொகு]
இருபதாம் நூற்றாண்டின் முற்பகுதியில் ஐக்கிய அமெரிக்காவில் இருந்த மிகச் சில முதல் போர் எதிர்ப்பு மற்றும் அமைதிவாத அமைப்புகளில் பெண்கள் அமைதிச் சங்கமும் ஒன்றாகும். பெண்கள் அமைதிச் சங்கம் மற்றும் மகளிர் அமைதிக் கட்சி போன்ற போர் எதிர்ப்பு அமைப்புகள் ஐரோப்பிய மோதல்கள் மற்றும் போரின் பொருளாதாரக் காரணங்கள் பற்றிய தங்கள் கவலைகளை முன்வைத்த முதல் பெண்ணிய அமைப்புகளாகும். அமைதி மற்றும் பெண்களின் வாக்குரிமைக்கான செயல்பாட்டில் பெண்களின் பங்கேற்பின் பெருகிய ஈடுபாடு, மகளிர் அமைதிச் சங்கம் மற்றும் மகளிர் அமைதிக் கட்சி ஆகிய இரண்டு நிறுவனங்களுக்கும் ஊக்கமளித்தது. முதலாம் உலகப் போரில் ஈடுபட்ட பிறகு அமெரிக்கா முழுவதும் போர் எதிர்ப்பு இயக்கங்களில் ஆண்களும் பெண்களும் ஒன்றுபட்டனர். அனைத்து அமெரிக்க குடிமக்களும் ஆயுதங்களுக்கான தேசபக்தி அழைப்பில் இணைவார்கள் என்று எதிர்பார்க்கப்பட்டது, ஆனால் சிறுபான்மை அமைதிவாதிகள் மற்றும் வெளிநாடுகளில் வாழும் அமெரிக்க நாட்டினர்,சுதந்திரவாதத்தில் ஈடுபட்ட குடிமக்கள் இராணுவவாதத்தை எதிர்த்தனர். [5] இருபதாம் நூற்றாண்டின் முற்பகுதியில் அமெரிக்க ஆண்களும் பெண்களும் இராணுவவாதத்திற்கு எதிராகப் பேசிய குடிமக்களில் சிலர் மற்றும் அமெரிக்காவில் போருக்கான தேசபக்தி சங்கத்திற்கு எதிரான இத்தகைய இயக்கங்களில் பங்கேற்பதன் மூலம் பெரும்பாலும் தங்கள் சொந்த சிவில் உரிமைகள் மற்றும் சுதந்திரங்களை அச்சுறுத்தினர்.
சான்றுகள்[தொகு]
- ↑ "Women's Peace Society | Description & History". Encyclopedia Britannica (in ஆங்கிலம்). பார்க்கப்பட்ட நாள் 2020-10-06.
- ↑ "Women's Peace Society". Swarthmore. Archived from the original on 2009-10-09. பார்க்கப்பட்ட நாள் 2009-07-29.
- ↑ "War Resisters League", Wikipedia (in ஆங்கிலம்), 2020-08-28, பார்க்கப்பட்ட நாள் 2020-11-02
- ↑ "Fanny Garrison Villard". archive.mith.umd.edu. பார்க்கப்பட்ட நாள் 2020-11-12.
- ↑ "The Antiwar Movement [ushistory.org]". www.ushistory.org (in ஆங்கிலம்). பார்க்கப்பட்ட நாள் 2020-11-12.